Urdaibaik Eusko Label Ligako bederatzigarren titulua nahi du irabazi asteburu honetan
Urdaibaik bere historian bederatzigarren aldiz irabaz lezake asteburu honetan, hilaren 16an eta 17an, Eusko Label Liga; gainera, historian laugarrenez lortuko luke Bermeoko klubak Liga eta Kontxako Bandera denboraldi berean eskuratzea, aurreko igandean Donostian garaipena erdietsita. Hain zuzen ere, bi estropada gelditzen dira Eusko Label Ligan, bata Bermeon eta bestea Portugaleten, eta Urdaibaik bederatzi puntuko aldea du. Halaber, Eusko Label Ligako eta Euskotren Ligako play-offak jokatuko dituzte, eta erabat argituta utziko dute, hortaz, zein taldek parte hartuko duten 2024an bi txapelketa horietan.
Urdaibaik gaur bertan arratsaldean lor lezake, matematikoki, titulua, etxean gainera, Bermeon bertan; Gorka Aranberri patroi duen ontziak, denboraldian izandako erregulartasuna eutsiz gero, txapelketako azken estropada jokatu aurretik ere irabaz lezake Liga. Bou Bizkaia sasoi betean dabil, baina ikusi behar da, halaber, zer egiten duten Hondarribiak eta Zierbenak.
Oraingoz, palmaresean, Urdaibaik ditu 2004ko, 2007ko, 2008ko, 2010eko, 2016ko, 2017ko, 2018ko eta 2022ko Ligako tituluak. 2010ean, 2016an eta 2022an, gainera, Bermeoko kluba Kontxako Banderan ere nagusitu zen; hortaz, hiru aldiz erdietsi ditu bi garaipen handi horiek urte berean. Orain, laugarren aldiz egin ahal du balentria hori.
Hondarribia eta Zierbena, txapeldunak izateko aukerak baliatzen ahalegintzeaz gain, txapeldunorde izateko lehiatuko dira, eta Donostiarra ere arituko da ohorezko txandan; Oriok, Getariak, Cabok eta Lekittarrak, ordea, lehenengo txandan parte hartuko dute.
Euskotren Ligako eta Eusko Label Ligako play-offak
Eusko Label Ligako tituluaz gain, Euskotren Ligako eta Eusko Label Ligako play-offek ere jasoko dute arreta handia, asteburuan. Gaur eta bihar jokatuko dituzte, Bermeon eta Portugaleten ere bai.
Euskotren Ligako play-offean (Liga abuztuan amaitu zen, eta Arraun Lagunakek bereganatu zuen), hauek izango dira nor baino nor gehiago: Hibaika Ligako seigarren sailkatua, eta Kaiku eta Zumaia ETE Ligako aurreneko biak. Play-offean garaile irtengo den taldea 2024ko Euskotren Ligan ibiliko da, eta gainerako biak, aldiz, ETE Ligan lehiatuko dira.
Eusko Label Ligako play-offean, bost talde izango dira lehian: Santurtzi, 2023ko Eusko Label Ligako hamaikagarren sailkatua; Sanpedrotarra eta Lapurdi, KAE-1 Ligako aurreneko biak; eta Ares eta Bueu Galiziako Ligakoak. Play-offean aurreneko bi tokietan sailkatzen direnak 2024ko Eusko Label Ligan izango dira.
Gaur, Bermeon, 17:30ean hasiko da lehia, Euskotren Ligako play-offarekin; jarraian, 18:04an, Eusko Label Ligako play-offa egingo dute, eta, 18:47an, XLI. Bermeoko Ikurrina. Bihar, Portugaleten, play-offetako erlojupekoak 11:25ean eta 11:59an hasiko dira, hurrenez hurren, Euskotren Ligan eta Eusko Label Ligan, eta XLIX. El Corte Ingles Bandera 12:42an hasiko da.
Zure interesekoa izan daiteke
Itziar Eguren: “Kirikoren marka berdintzen saiatuko gara; gera dadila beste Kontxa bat Donostian”
Arraun Lagunakek bere bosgarren Liga irabazi du, laugarrena jarraian. 15 bandera lortuta, garaitezinak bihurtu dira. Itziar Egurenekin, Arraun Lagunakeko presidenteak azaldu du orain Kontxaren bila joango direla.
Zarauzko estropadak utzitako datu eta irudiak errepasatu ditu Ibon Gaztañazpik
Eusko Label Ligan, Oriok lehen luzean ateratako distantzia azpimarragarria izan zen, baita jeitsiera postuetako taldeen artean bizitako tentsioa ere. Euskotren Ligan, Arraun Lagunakek hasieratik txikitu zuen estropada, lau segunduko aldea atera zuen bigarren minutu eta erdirako. Sailkapenaren beste aldean, Zumaia ETE Ligara jaitsiko da datorren denboraldian.
Donostiak Euskotren Ligako titulua ospatu du Arraun Lagunakekin
Gipuzkoako hiriburuko kluba ezin hobeto aritu da 2026ko Euskotren Ligan: jokatu diren bandera guztiak irabazi ditu, 15, eta txapelketan izandako 16 jardunaldietan gailendu da. Udalbatzak Donostiako Udal Liburutegi Nagusian egin dio harrera igande arratsaldean.
Deustuk irabazi du KAE-1 Liga, eta Hondarribiak ETE Liga, Bilbon nagusituta
Bi ontziek iraileko play-offetan lortu beharko dute hurrengo udan maila gorenean aritzeko txartela.
Gorka Aranberri: “Garaipen hau zirkulua ixteko oso polita da”
Gorka Aranberri Orioko patroiak 100. bandera irabazi ditu Eusko Label Ligan gaur Zarauzko Ikurrina irabazita, bere herrian. Orio oso sasoi onean dagoela esan du, eta bera ere sasoiko omen dago.
Oriok irabazi du Zarauzko Ikurrina, bigarren jardunaldian ere gailenduta
Mirotzek nagusitasun handiz eskuratu dute igandean garaipena, Zarauzko Ikurrinako bigarren jardunaldian, eta larunbatean lortutako lehen postua berretsi dute. Gorka Aranberrik 100. bandera erdietsi du Ligan, eta Getaria, Lekittarra eta Hondarribia sailkatu dira bigarren jaurdunaldian Orioren atzetik, bigarren txandan aritu diren hiru talde.
Nagore Osoro: “Etxekoek badakite benetan zenbat kostatzen den"
Nagore Osoro Arraun Lagunakeko patroiak bere inguruko jendeari eskaini dio garaipena.
Amaia Eguren: “Estropada guztiak irabaztea historikoa da”
Donostia Arraun Lagunakeko kidea oso kontentu dago lortu duten errekorrarekin.
Arraun Lagunakek amaiera ezin hobea eman dio egindako liga bikainari, Zarauzko Ikurrina eskuratuta
Lugañene ontziak estropada eta bandera guztiak irabazita itxi du Euskotren Liga, aurrekaririk gabeko mugarri historikoa. San Juan izan da bigarren, eta Orio, hirugarren.
ARRAUNA ZUZENEAN: Zarauzko Ikurrinaren 2. jardunaldia
Jarraitu zuzenean Euskotren eta Eusko Label ligetako Zarauzko Ikurrinaren bigarren eta azken jardunaldia.