Urdaibai, jaun eta jabe Lekeition
Urdaibaik gero eta gertuago du Eusko Label Ligako koroa, igande honetan Lekeition jokatutako El Correo-Kutxabank Ikurrina aise irabazita. Horrela, bizkaitarrek handitu egin dute sailkapen nagusian Hondarribiarekin duen aldea: Bou Bizkaiak 123 puntu dauzka orain eta Ama Guadalupekoak 117.
Gorka Aranberrik zuzendutako ontzia hasieratik hasi da aurkariekiko aldea zabaltzen. Lehen luzeko lehen metroetan 4 segundo atera dizkio Zierbenari eta Oriori, eta 5 Hondarribiari. Lehen ziabogan, Zierbenak 4 segundora egoten jarraitu du; Hondarribiak, berriz, 8 segundora egin du maniobra eta Oriok 14 segundo geroago.
Estropada bigarren luzean erabaki du Bermeok, Zierbenak norabidea aldatu duela aprobetxatuta. Bou Bizkaia geldiezin, berriro ere. Bigarren ziabogan, 10:16ko denbora egin dute, bigarren txandan azkarrena izan den Donostiarrak baino 7 segundo gutxiago. Zierbenak 10 segundora egin du maniobra, 17ra egin du Hondarribiak eta 18ra Oriok.
Estropadaren bigarren zatia Urdaibairen erakustaldia izan da. Ohorezko txandaren amaieran izandako denborak eta aldeak ikustea baino ez dago: Iker Zabalak entrenatutako ontziak 21:02ko denbora egin du, Zierbena 19 segundora sartu da, Hondarribia 24ra eta Orio 51ra.
Ikurrinaren azken sailkapenean, bigarren denborarik onena Donostiarrak egin du. Bigarren txandan aritu dira eta garaipen erosoa lortu dute, Getariaren, Caboren eta Kaikuren aurretik. Getaria 16 segundora sartu da, galiziarrak 49ra eta sestaoarrak 49ra.
Lehenengo txandan, Lekittarra jaun eta jabe izan da Ondarroaren, Samertolameuren eta Santurtziren aurretik. Itsasoko Ama larri dabil sailkapen nagusian, azken aurreko postuan da, Samertolameuko galiziarrak bakarrik ditu atzetik, 3 puntura, eta aurretik Ondarroa dago, baina 16 puntuko aldearekin.
Urdaibai, lider sendoa
Eusko Label Ligako sailkapeneko goiko postuetan, Urdaibai da lehen postuan, 123 puntu eta 7 garaipenekin; Hondarribia bigarren da, 117 punturekin eta bi garaipenekin; eta Zierbena hirugarren da, 112 puntu eta garaipen batekin.
Zure interesekoa izan daiteke
“Kontxa Hondotik”: mareen eragina, Kontxako Banderan
Estropada marea igotzen ari denean egiten dutenean, zer saiatzen dira egiten traineruak? Eta, aldiz, marea jaisten ari bada, zeintzuk dira estropada eremuaren kalerik egokienak? Ibon Gaztañazpik zehaztu digu.
“Kontxa Hondotik”: nolakoa da Kontxako Banderaren estropada eremuaren hondoa?
Duela 40.000 urte, itsasoaren muga gaur egun kanpoko balizak dauden ingurura heltzen zen. Ibon Gaztañazpiren eskutik, estropada eremuaren hondoan sartuko gara; hor izango da jokoan, igandean, Kontxako Bandera.
“Kontxa Hondotik”: garai bateko traineruen eta gaur egungoen arteko aldeak
Nolakoak ziren Kontxako Banderako aurreneko ekitaldietan erabiltzen zituzten traineruak? Eta, hurrengo igandean baliatuko dituztenei erreparatuta, zeintzuk dira euren arteko aldeak? Ibon Gaztañazpik azaldu digu.
Jon Salsamendik ez du jarraituko Bermeoko entrenatzaile bezala
Salsamendik, hala, denboraldia amaituta utziko du Bermeoko kluba, hau da, Kontxako Banderako bigarren jardunaldia eta, Eusko Label Ligan, Bermeoko eta Portugaleteko estropadak jokatuta.
“Kontxa Hondotik”: traineruen koloreak. Zergatik da horia Oriorena, edo arrosa San Juanena?
“Kontxa Hondotik” sortako bigarren erreportajean, Ibon Gaztañazpik azaldu digu zein den traineru batzuen koloreetako jatorria. Ikusiko dugunez, bitxikeriak daude horrekin lotuta.
“Kontxa Hondotik”: iraganera bidaia. Nola hasi zen Kontxako Banderaren historia, 1879an?
Ibon Gaztañazpi EITBko kazetariaren eskutik, ikusi nolakoa zen Donostiako portua duela 147 urte, alegia, Kontxako Bandera aurreneko aldiz jokatu zutenean. Ondorengo egunetan, EITBk erreportaje berezi sorta emango du; hain zuzen ere, Kontxako Banderaren 2026ko ekitaldia igandean guztiz erabakita gelditu aurretik. OHARRA: Adimen Artifizialrekin sortutako bideoa da.
Arraunlariak leher eginda Kontxako Banderaren lehen jardunaldiaren amaieran
Kontxako Banderaren moduko estropadetan, arraunlariek ahalegin oso handia egin behar izaten dute, traineruak helmugaratu eta berehala ikusten denez. Horren erakusgarri dira Hibaika, Donostiarra (gizonezkoen proban), Arraun Lagunak eta Orio (gizonezkoen proban) traineruen irudiak estropada amaitu ostean.
Ioseba Amunarriz: “Poza ematen du Kontxako ohorezko txandan egoteak”
Hondarribiko patroia oso kontentu agertu da bere taldeak egin duen lanarekin. Bigarren jardunaldian, Ama Guadalupekoa ohorezko txandan izango da, eta Amunarrizek uste du emaitza ona lortu dezakeela maila ona ematen badu.
Donostiarraren azken luzea, Kontxako Banderaren lehen jardunaldian, traineruaren barrutik ikusita
Donostiarra bigarren postuan sailkatu da 2026ko Kontxako Banderaren lehen jardunaldian. Oriok egin du denborarik onena lehen jardunaldian, baina Donostiarrak 3 segundo besterik ez du galdu. Hortaz, Donostiarra eta Orio nor baino nor gehiago arituko dira datorren igandean garaipenaren bila.
Orioren azken luzea, Kontxako Banderaren lehen jardunaldian, traineruaren barrutik ikusita
Orio izan da azkarrena 2026ko Kontxako Banderaren lehen jardunaldian, eta 3 segundoko aldea atera dio bigarren sailkatuari, Donostiarrari. Zierbena eta Hondarribia aurreko biekin batera arituko dira ohorezko txandan, eta Bermeo, Lekittarra, Getaria eta Ondarroa arituko dira lehen txandan.