Urdaibaik ligako aldea handitu du Hondarribian erakustaldia emanda, Santurtzi deskalifikatu duten egunean
Urdaibaik aurrerapuso garrantzitsua eman du Eusko Label Liga irabazteko lehian, Hondarribiko Banderan gailenduta. Ontzi bizkaitarrak erakustaldia eman du ligako 11. jardunaldian, Zierbena, Hondarribia eta Donostiarra gainditu ditu ohorezko txandan, eta Oriok bigarrenean gindako denbora bikaina ere hobetu du.
Garaipen honi esker, Gorka Aranberriren ontziaren seigarrena, Urdaibaik ligako lidertza sendotu du eta 3 puntu ateratzen dizkio orain Hondarribiari, eta 9 Zierbenari.
Bermeoko trainerua aurretik jarri da lehenengo paladetatik, Orioren denbora (20:03) erreferentzia modura hartuta. Lehen ziabogan, eta eguraldiak nabarmen okerrera egin duen arren, Bou Bizkaiak 2 segundo atera dizkio Donostiarrari, 3 Zierbenari eta 8 Hondarribiari. Alde horiek handitu egin ditu hurrengo metroetan, baina Orioren denbora berdinean ibili da estropadako lehen zatian. Bigarren ziabogan, esaterako, oriotarren denbora berdina egin dute bermeotarrek (9:54).
Estropadako bigarren zatian, Urdaibaik lehen postuari eutsi dio, eta lehia atzekoen artean eman da. Zierbenak denbora errekuperatu du, bigarren postua lortuta, eta Hondarribiak, azken txanda oso ona eginda, hirugarren izan da azkenean. Donostiarra makal aritu da azken metroetan eta 16 segundora sartu da.
Bigarren txandan, Oriok garaipen eroso eta erraza lortu du. Getaria 23 segundora sartu da, Cabo 26ra eta Lekittarra 53ra.
Santurtziren deskalifikazioa
Lehenengo txandan, Santurtzi protagonista izan da berriro. Itsasoko ama deskalifikatu egin dute estropadaren buruan zihoanean, Kaikuren kalean sartu eta Sestaoko ontziarekin palak elkar jo ostean. Soterak azken asteetan izan duen hirugarren gertaera izan da.
Bestela, txanda Kaikuk irabazi du, Ondarroaren eta Samertolameuren aurretik.
Eusko Label Ligako sailkapena
Hondarribiako Bandera jokatuta, Urdaibaik lider jarraitzen du Eusko Label Ligako sailkapenean 11 punturekin. Hondarribia bigarren da 3 puntura, eta Zierbena hirugarren, 9 puntura.
Zure interesekoa izan daiteke
Xubane Uribarrena: “Banderak irabazten jarraitu nahi dugu, askorentzat aspergarria den arren"
Arraun Lagunakeko arraunlaria bakarra da 2015etik traineruan jarraitzen duena. Gogor lan egin dutela nabarmendu du, eta asmoa banderak irabazten jarraitzea dela.
Orio eta Arraun Lagunak, Euskadiko txapeldun
Gorka Aranberriren mutilek ez dute hutsik egin eta aurreikuspenak bete dituzte igande honetan Getarian, gizonezkoen estropadan. Arraun Lagunakek gauza bera egin du emakumezkoen lehiaketan.
Jon Urresti: “Horrelako txapelketak ez dira askotan irabazten, pisu handiko bandera da"
Jon Urresti Orioko traineruko arraunlaria pozik agertu da Euskadiko Traineru Txapelketa irabazi ostean. Gainera, bere herrian irabazi dute, Getarian, eta berarentzat "pisu handiko" bandera dela nabarmendu du.
Oriok irabazi ditu Lekeitioko bi banderak
Euskadiko Txapelketaren bezperan Lekeition jokatu den estropadan, Orio nagusitu da bi kategorietan. Emakumezkoetan, Xanti Zabaletak zuzendutako traineruak 14 segundo atera dizkio Hibaikari eta 23 Zumaiari. Gizonezkoetan, berriz, Oriok 9 segundo atera dizkio San Juani eta 11 Zarautzi.
Euskadiko Traineru Txapelketa jokatuko da igande honetan Getarian
Dozena bat ontzik parte hartuko dute denboraldiko bigarren hitzordu ofizialean, aurreko asteburuan lurraldeko txapelketak egin ostean. ETB1en eta kirolakeitb.eus-en zuzenean ikusteko aukera izango da.
2026ko Euskotren Ligako egutegia
Emakumezkoen txapelketa ekainaren 28an hasiko da ‘Canal de Isabel II’ Banderarekin, eta abuztuaren 23an amaituko da, Zarauzko XVIII. Ikurrinarekin.
2026ko Eusko Label Ligako egutegia
Gizonezkoen traineru txapelketa nagusia ekainaren 28an hasiko da, Buitrago del Lozoyan, ‘Bandera Pueblos con Vida Comunidad de Madrid’-ekin, eta irailaren 20an amaituko da, Portugaleten, LVI GP - LII El Corte Ingles Banderarekin.
Euskotren Liga eta Eusko Label Liga, ekainaren 28tik aurrera, EITBn
Denboraldiko txapelketa nagusia hastear da, eta, ohi bezala, ETB1ek eta kirolakeitb.eus-ek estropada guztiak emango dituzte, zuzenean.
Orio eta Arraun Lagunak nagusi Getarian, Bermeo eta Kaiku Lekeition
Bizkaiko eta Gipuzkoako traineru txapelketak jokatu dira gaur. Emakumezkoetan, lehia estua izan da Kaiku, Deustu eta Ondarroaren artean, baina lehena azkarragoa izan da ziabogetan. Gipuzkoan, Arraun Lagunakek garaipen argia lortu du. Gizonezkoetan, Bermeo nagusitu da Bizkaian, Lekittarra gertu izan duen arren; Donostiarrak, aldiz, lanak eman dizkio Oriori garaipena eskuratzeko.
Euskotren eta Eusko Label ligetako lehen estropada, Buitrago del Lozoyan
Aurtengo arraun denboraldia Buitrago del Lozoyan abiatuko da, Madrilen, estropada berezi batekin. Lehen hitzordu hori ekainaren 28an izango da. Astearte goizean egin dute aurkezpena.