Urdaibai da Eusko Label Ligako lider berria, Sestaoko Bandera irabazita
Urdaibaik bere hirugarren garaipena lortu du Eusko Label Ligan, Sestaoko Bandera irabazita. Bizkaitarrek denborarik onena egin dute, Zierbenaren, Hondarribiaren eta Donostiarraren aurretik. Garaipen horri esker, bizkaitarrak Eusko Label Ligako lehen postuan dira orain, Hondarrribiarekin 64 puntura berdinduta.
Lehia estua izan dute ohorzko txandako lau traineruek. Hasierko paladetan Donostiarra izan da aurretik, baina lau ontzien artean izandako aldeak oso txikiak izan dira. Lehen ziaboga, Donostiarrak segundo bat atera dio Hondarribiari, eta bi segundo Zierbenari eta Urdaibairi. Bigarrenean, aldiz, Uraibai izan da aurretik, Zierbena segundo batera eta Donostiarra eta Hondarribia bi segundora.
Hirugarren ziabogan, Donostiarra izan da azkarrena eta Urdaibai mantsoena, lau segundora, baina azken luzean egoera iraultea lortu du Gorka Aranberriren ontziak. Bermeotarrak aurretik jarri dira eta lau segundo atera dizkio azken luze bikaina egin duen Zierbenari, eta beste horrenbeste Hondarribiari. Donostiarra ia bederatzi segundora sartu da.
Bosgarren tokia Cabo da Cruzentzat izan da. Galiziarrak nagusi izan dira bigarren txandan Orioren, Getariaren eta Lekittarraren aurretik.
Lehenengo txandan, berriz, Ondarroa jaun eta jabe izan da hasieratik amiera arte. Ondoren, Kaiku, 9 segundora, Santurtzi 15era, eta Samertolameu, 41era, sartu dira.
Urdaibai, ligako liderra
Eusko Label Ligako sailkapenena aldaketak izan dira. Orain Urdaibai da lider, Hondarribiarekin 64 puntura berdinduta, baina bi garaipen gehiagorekin. Hirugarren Zierbena da, bi puntura, eta laugarren Donostiarra. Getaria bosgarren postuan da.
Zure interesekoa izan daiteke
Lau euskal traineru arituko dira Espainiako Txapelketan Moañan
Donostia Arraun Lagunak emakumezkoen modalitatean arituko da, eta Orio, Kaiarriba Donostiarra eta Zierbena gizonezkoenean.
Xubane Uribarrena: “Banderak irabazten jarraitu nahi dugu, askorentzat aspergarria den arren"
Arraun Lagunakeko arraunlaria bakarra da 2015etik traineruan jarraitzen duena. Gogor lan egin dutela nabarmendu du, eta asmoa banderak irabazten jarraitzea dela.
Orio eta Arraun Lagunak, Euskadiko txapeldun
Gorka Aranberriren mutilek ez dute hutsik egin eta aurreikuspenak bete dituzte igande honetan Getarian, gizonezkoen estropadan. Arraun Lagunakek gauza bera egin du emakumezkoen lehiaketan.
Jon Urresti: “Horrelako txapelketak ez dira askotan irabazten, pisu handiko bandera da"
Jon Urresti Orioko traineruko arraunlaria pozik agertu da Euskadiko Traineru Txapelketa irabazi ostean. Gainera, bere herrian irabazi dute, Getarian, eta berarentzat "pisu handiko" bandera dela nabarmendu du.
Oriok irabazi ditu Lekeitioko bi banderak
Euskadiko Txapelketaren bezperan Lekeition jokatu den estropadan, Orio nagusitu da bi kategorietan. Emakumezkoetan, Xanti Zabaletak zuzendutako traineruak 14 segundo atera dizkio Hibaikari eta 23 Zumaiari. Gizonezkoetan, berriz, Oriok 9 segundo atera dizkio San Juani eta 11 Zarautzi.
Euskadiko Traineru Txapelketa jokatuko da igande honetan Getarian
Dozena bat ontzik parte hartuko dute denboraldiko bigarren hitzordu ofizialean, aurreko asteburuan lurraldeko txapelketak egin ostean. ETB1en eta kirolakeitb.eus-en zuzenean ikusteko aukera izango da.
2026ko Euskotren Ligako egutegia
Emakumezkoen txapelketa ekainaren 28an hasiko da ‘Canal de Isabel II’ Banderarekin, eta abuztuaren 23an amaituko da, Zarauzko XVIII. Ikurrinarekin.
2026ko Eusko Label Ligako egutegia
Gizonezkoen traineru txapelketa nagusia ekainaren 28an hasiko da, Buitrago del Lozoyan, ‘Bandera Pueblos con Vida Comunidad de Madrid’-ekin, eta irailaren 20an amaituko da, Portugaleten, LVI GP - LII El Corte Ingles Banderarekin.
Euskotren Liga eta Eusko Label Liga, ekainaren 28tik aurrera, EITBn
Denboraldiko txapelketa nagusia hastear da, eta, ohi bezala, ETB1ek eta kirolakeitb.eus-ek estropada guztiak emango dituzte, zuzenean.
Orio eta Arraun Lagunak nagusi Getarian, Bermeo eta Kaiku Lekeition
Bizkaiko eta Gipuzkoako traineru txapelketak jokatu dira gaur. Emakumezkoetan, lehia estua izan da Kaiku, Deustu eta Ondarroaren artean, baina lehena azkarragoa izan da ziabogetan. Gipuzkoan, Arraun Lagunakek garaipen argia lortu du. Gizonezkoetan, Bermeo nagusitu da Bizkaian, Lekittarra gertu izan duen arren; Donostiarrak, aldiz, lanak eman dizkio Oriori garaipena eskuratzeko.