Tolosaldea Euskotren Ligan arituko da; Getaria eta Kaiku, Eusko Label Ligan
Tolosaldea (emakumezkoetan) eta Kaiku eta Getaria (gizonezkoetan) dira Euskotren eta Eusko Label ligetara igotzea lortu duten hiru ontziak, asteburu honetan Bermeoko eta Portugaleteko uretan jokatu diren play-offen ostean.
Horrela, larunbatean Bermeon jokatutako lehen jardunaldian egin bezala, Tolosaldeak, ETE Ligako txapeldunak, gainerako aurkari guztiak gainditu ditu bigarren jardunaldian ere: Hondarribia, Deustu eta Cabo da Cruz Galiziako txapelduna.
Erlojupeko eran lehiatutako igandeko estropadan, larunbatekoan baino estuxeago izan da lehia, Hondarribiari 3 segundo pasatxo baino ez baitizkio atera; 8, Deusturi eta 23 berriro ere oso urruti ibili den Cabori.
Gaur hirugarren postua lortu duen arren, Deustuk bigarren postuari eutsi dio, Hondarribiarekiko segundo bakar batengatik. Dena den, saririk gabeko postua izan da, igotzeko postu bakarra zegoelako.
Kaiku eta Getaria Eusko Label Ligara igo dira
Gizonezkoei dagokienez, Kaiku eta Getaria dira igoera lortu duten ontziak, eta, hala, bizkaitarrak ACTra itzuliko dira iaz maila galdu ostean. Sestaokoek igandeko estropada irabazi dute, Getariako Esperantza trainerua bigarren izanik, eta horri esker Samertolameu traineru galiziarrak gainditu dute sailkapeneko puntuetan.
Erlojuaren aurka jokatutako proban, Kaikuk 19 minutu 46 segundo 08 ehuneneko denborarekin irabazi du, Getariari 2 segundo baino gehiagoko aldea ateraz eta sei Samertolameuri. Tiranek eta Bueuk oso urrun bukatu dute, 14 eta 24 segundora, hurrenez hurren.
Horrela, KAE 1 Ligako bi ontziak igo dira Eusko Label Ligara; aitzitik, Galiziako Ligako bi traineruak, Samertolameu eta Bueu, euren ligan lehen eta bigarren izan direnak, esku-hutsik geratu dira.
EMAKUMEZKOAK
2021ko emakumezkoen Euskotren Ligara igoera horrela geratu da:
SAILKAPEN NAGUSIA
1- Tolosaldea: 8 puntu
2- Deustu: 5 puntu
3- Hondarribia: 5 puntu
4- Cabo da Cruz: 2 puntu
2. jardunaldiko denborak eta sailkapena (Portugalete)
1- Tolosaldea, 10:33, 4 puntu
2- Hondarribia, 10:36, 3 puntu
3- Deustu, 10:41, 2 puntu
4- Cabo da Cruz 10:56, puntu 1
1. jardunaldiko denborak eta sailkapena (Bermeo)
1- Tolosaldea: 11:38 (4 puntu)
2- Deustu: 11:49 (3 puntu)
3- Hondarribia: 11:56 (2 puntu)
4- Cabo da Cruz: 12:06 (Puntu 1)
GIZONEZKOAK
2021ko gizonezkoen Eusko Label Ligara igoera
SAILKAPEN NAGUSIA
1- Getaria: 9 puntu
2- Kaiku: 8 puntu
3- Samertoloameu: 7 puntu
4- Tirán: 4 puntu
5- Bueu: 2 puntu
2 jardunaldiko denborak eta sailkapena (Portugalete)
1- Kaiku, 19:46 (5 puntu)
2- Getaria, 19:48 (4 puntu)
3- Samertoloameu, 19:52 (3 puntu)
4- Tirán, 20:00 (2 puntu)
5- Bueu, 20:10 (puntu 1)
1. jardunaldiko denborak eta sailkapena (Bermeo)
1- Getaria 21:25 (5 puntu)
2- Samertoloameu 21:29 (4 puntu)
3- Kaiku 21:30 (3 puntu)
4- Bueu 21:44 (2 puntu)
5- Tirán 21:49 (Puntu 1)
Zure interesekoa izan daiteke
Orio eta San Juan nagusi Euskadiko Batel Txapelketan
Orio eta San Juan nagusitu dira Euskadiko Batel Txapelketan, Sestaon jokatutako estropadetan garaipena lortuta. Gizonezkoetan, Orio Kaiarriba baino 3 segundo lehenago helmugaratu da, eta 6 segundora sartu da hirugarrena, Zierbena. Emakumezkoetan, San Juan izan da Gipuzkoako 3 klubek osatu duten podiumeko gorenean, eta Zarautz (bigarren) eta Hibaika (hirugarren) izan ditu ondoan.
Hondarribia, olinpiar erako arraunean erakutsitako mailarekin pozik
Asteburu honetan amaitu da estatuko olinpiar erako arraun ligaren lehen edizioa. Hondarribia da gizonezkoen eta emakumezkoen zortzikotearekin parte hartu duen euskal talde bakarra.
Unai Emery eta Hondarribia A. E. lankidetzan arituko dira
Unai Emeryren eta Hondarribia arraun elkartearen arteko lankidetza hitzarmena aurkeztu da. Lortutako akordioa hasiera batean hiru urterako da, baina urte askoz gehiago jarraitzeko asmoz sortu da. Aston Villako entrenatzailea, arrantzalea txikitatik, zoriontsu agertu da.
Eusko Label eta Euskotren Ligak ekaineko azken asteburuan hasiko dira Madrilen
Galizian bi asteburuz lehiatuko dira; uztailaren 17-18an eta abuztuaren 29-30ean. Euskotren Liga abuztuaren 22-23an amaituko da Zarautzen eta Eusko Label Liga irailaren 19-20an Bermeon eta Portugaleten.
Zierbena B eta Astillero, garaile Portugaleten
Astillero, emakumezkoetan, eta Zierbena B, gizonezkoetan, izan dira nagusi arraun denboraldiko lehen proban, Portugaleten. Eguraldiaren eta itsasoaren egoera kaskarrak baldintzatu du proba.
2025eko arraun denboraldiaren laburpena
Gizonezkoetan, Oriok denboraldi historikoa egin du. Nagusitasun handiz gailendu da Eusko Label Ligan, eta Kontxako Bandera eta hiru txapelketa ofizialak ere irabazi ditu. Emakumezkoetan, Donostia Arraun Lagunak izan da onena, Euskotren Liga, Kontxako Bandera eta Gipuzkoako eta Espainiako txapelketak bereganatu baititu.
ACTko Euskotren eta Eusko Label ligak Madrilen hasiko dira
ACTren batzarrak jakitera eman duenez, bi ligak ekainaren 28an hasiko dira.
Jose Luis Korta: ''Arraun mundua salbatzeko, harrobiko arraunlari gehiago''
Oriotarrak erretiroa hartuko duela iragarri berri du. Kortak 60 urte eman ditu arraunari lotuta, eta ez sinisteko moduko palmaresa du: 300 bandera baino gehiago irabazi ditu, 16 Kontxa, 53 bider izan da Espainiako txapeldun eta diploma olinpikoa ere badu.
Jose Luis Kortari elkarrizketa, gaur gauean, ETB1en eta ETB2n
Oriotarrak abuztuan iragarri zuen arrauna utziko duela, bizitza osoa kirol horretan aritu ostean. Azken bi urteotan, Castro taldearen entrenatzailea izan da.
Osertz Aldaik hamar urteko ibilbidea itxi eta Isuntzaren entrenatzailea izateari utziko dio
Klubak azaldu duenez, Aldaik elkarteari jakinarazi zion "ezingo duela" datorren denboraldian prestatzaile gisa jarraitu. Lekeitioko arraun elkarteak erantsi duenez, jakin zutenetik lanean ari dira, ordezko "egokia" aurkitzeko.