Olatuen periodoa, altuera eta norabidea eskuragarri izango dira denboraldi honetan
Eusko Label Ligak eta Euskotren Ligak aurten berrikuntza bat izango dute, Anteia buiak olatuen norabidea, altuera eta periodoa adieraziko baititu.
TKE Traineru Kluben Elkartearen helburuetako bat teknologia berriak eta aurrerakuntzak erabiltzea da. Duela urte batzuk hainbat aurrerapen erabiltzen hasi ziren arraun munduan —bideo finisha, GPS seinalea edota traineru barruko kamerak, esate baterako— eta orain ezinezkoa da estropada bat aurrerakuntza horiek gabe imajinatzea. Horregatik, aurten Zunibal eta ETBrekin batera, TKEk aurrerapausoak emango ditu berriro teknologia berriak kirol mundura ekartzeko.
Gailu berri horri esker, estropadetan informazio gehiago izango dute, bai kirolariek bai ikusleek, estropada txanda guztian zehar hainbat datu interesgarri emango baititu. Anteia buiak une oro dauden olatuen periodoa, altuera eta norabidea erakutsiko dizkigu. Buia honen abantaila handienetariko bat horren arintasuna da; 26 kiloko pisua du, eta metro erdi baino apur bat gehiagoko diametroa.
Anteia buia Zunibal enpresa bizkaitarrak sortu du. Bertan hogei urte baino gehiago daramatzate itsas eta arrantza sektorerako punta-puntako produktuak egiten. Ikerkuntza, teknologia, gaitasun handiko taldea eta itsasoarekiko pasioa dira Zunibalen osagai garrantzitsuenak. Anteia buiaz gain, beste hainbat produktu dituzte: monitorizatzeko kaxa urdina, Ekozundak, satelitedun buiak eta Tuna 8Xtreme buia (hegaluze arrantzarako diseinatutakoa), tartean.
Akordioa Zunibal enpresaren egoitzan sinatu dute, Derion, eta Ibone Rodriguez de Pablo Zunibaleko zuzendaria, Eduardo Martínez Negozio Garapen zuzendaria eta Adolfo García Produktu ingeniaria izan dira bertan. Borja Rodrigo TKEko presidenteak sinatu du akordioa, eta “berrikuntza teknologiakoaren eskutik” jarraitzeko garrantzia azpimarratu du, estropadetako xehetasunak hobeto ulertzen lagunduko diguten produktuak erabiliz.
Zure interesekoa izan daiteke
Eusko Label Ligara itzulita, mailari eustea du Santurtzik helburu
KAE Ligan bi denboraldi egin ondoren, ilusioz hartu du Santurtzik Eusko Label Liga. 2020 eta 2021eko txapeldunek mailari eustea dute helburu nagusi, hala adierazi du Alexander Esteban entrenatzaileak
Nagore Osoro: “Tolosaldea izango da gure aurkaririk zuzenena, baina San Juanek ere ezustekoren bat eman dezake"
Nagore Osorok Zumaiarekin Kontxa eta bi liga irabazi zituen. Osorok azpimarratu duenez, garaipen gosez jarraitzen duen taldea aurkitu du Arraun Lagunaken. "Inor ez da aspertzen irabaztearekin", esan du. "Oso talde lehiakorra da", erantsi du.
Arraun Lagunak eta Tolosaldea, Euskotren Ligako faborito
Ekainaren 28an ekingo dio Euskotren Ligak denboraldi berriari Buitrago del Lozoyan, Madrilen. Arraun Lagunak eta Tolosaldea dira lehen postuetan ibiltzeko hautagai nagusiak. Gainontzekoek, ohorezko txanda dute begiz jota.
San Juan baikor, zortzi urteren ostean Euskotren Ligara itzulita
Zortzi urteren ostean Euskotren Ligan jokatuko dute Batelerak. Anartz Gereño entrenatzaileak badaki zaila izango dela ohorezko txandan aritzea, baina arraunlariek ikusten dituzte “goran ibiltzeko aukerak”.
Deustu nagusi KAE 1 Ligako bigarren jardunaldian
KAE 1 Ligako bigarren jardunaldia lehiatu da igande honetan. Zarautz eta Deusturen artean parekatua egon da lehia, baina azkenean bizkaitarrek garaipena lortu dute.
Hondarribiak irabazi du ETE ligako estropada
ETE Ligako bigarren jardunaldia jokatu dute gaur Pasai San Pedron. Balizekin arazoak izan ostean, erlojuaren kontra aritu dira, eta Hondarribia nagusitu da.
Deustu eta Hondarribia nagusitu dira Pasaian
Tomatera izan da azkarrena KAE1 Ligako Adinberri Banderan, eta Ama Guadalupekoak irabazi du ETE Ligako Hernaniko Bandera.
Larunbatean ekingo dio KAE 1 ligak denboraldi berriari, Astilleron
KAE eta ETE ligak asteburu honetan hasiko dute denboraldia. Larunbatean, Astilleron izango da estropada. Igandean, berriz, San Pedron. KAE 1 ligan, Zarautz da hautagai sendoena, Zumaia, Arkote eta Deustu atzetik dituelarik.
Arraun Lagunak eta Orio, nagusi denboraldiaurrean
Oriok eta Arraun Lagunakek nagusitasuna erakutsi dute denboraldiaurreko hiru txapelketetan. Tolosaldea izan da Lugañeneren gertuenekoa aurkaria, San Nicolasena berriz, Donostiarra.
Orio eta Arraun Lagunak Espainiako txapeldun, iragarpen guztiak beteta
San Nikolas ontziak bigarren luzean hautsi du estropada, eta 17. aldiz irabazi du gizonezkoen titulua, Kaiarriba Donostiarra eta Zierbenaren aurretik. Emakumezkoen modalitatean, Lugañenek Espainiako titulua irabazi du hirugarrenez, Astillero eta Perilloren aurretik.