'Substantziak injektatzen zizkiguten', esan du arraunlari batek
2010. urtean Urdaibaiko taldean ibili zen arraunlari batek "egunero zortzi substantzia injektatzen zizkiguten" adierazi du astelehen honetan hasi den Estrobo auziaren epaiketan. Urte horretan, Bermeoko taldeak TKE Liga eta Kontxako Bandera irabazi zituen.
Ustezko dopin sarearen aurkako epaiketaren lehen egunean hamar akusatuk deklaratu dute: Garai horretan presidentea, entrenatzailea eta taldeko erizaina zirenak eta akusatutako beste sei pertsonak deklaratu dute, baita taldeko arraunlaria zen babestutako lekuko batek ere.
"Zainetan, sorbaldan, tripan, ipurdian..." substantziak injektatzen zizkietela adierazi du babestutako lekukoak. "Zortzi injekzio jasotzen genituen egunero, batzuetan zortzi baino gehiago ere", gaineratu du arraunlariak. Entrenatzailea eta erizaina ziren substantziak prestatu eta kirolariei ematen zizkietenak, babestutako lekuko honek adierazi duenez. Bitaminak zirela esaten omen zieten kirolariei, nahiz eta hauek beste substantzia batzuk zirela uste zuten.
Egun baten, injekzioak jaso ostean "zorabiatuta, botaka egiten eta dardaraka" egon zela aitortu du babestutako lekukoak eta egun horren ostean, arraunlariak injekzio gehiago ez hartzea erabaki zuen, taldetik at utzi zutelarik.
Fiskaltzak bi urte eta sei hilabeteko kartzela zigorra eskatzen du hamar akusatuentzat, osasun publikoaren aurkako delitua leporatuta. Gainera, urte bete gehiago eskatzen du 2010ean Urdaibaiko sendagilea zenarentzat.
Zure interesekoa izan daiteke
Asteburu honetan jokatuko da Espainiako Traineru Txapelketa, Moañan
Lau euskal traineru arituko dira: Donostia Arraun Lagunak, emakumezkoen modalitatean, eta Orio, Kaiarriba Donostiarra eta Zierbena, gizonezkoenean. Bi jardunaldi jokatuko dira. Igandekoa, zuzenean ikusi ahal izango da EITBren bitartez, beti bezala, kirolakeitb.eus atarian eta ETB1en, 12:00etan.
Lau euskal traineru arituko dira Espainiako Txapelketan Moañan
Donostia Arraun Lagunak emakumezkoen modalitatean arituko da, eta Orio, Kaiarriba Donostiarra eta Zierbena gizonezkoenean.
Xubane Uribarrena: “Banderak irabazten jarraitu nahi dugu, askorentzat aspergarria den arren"
Arraun Lagunakeko arraunlaria bakarra da 2015etik traineruan jarraitzen duena. Gogor lan egin dutela nabarmendu du, eta asmoa banderak irabazten jarraitzea dela.
Orio eta Arraun Lagunak, Euskadiko txapeldun
Gorka Aranberriren mutilek ez dute hutsik egin eta aurreikuspenak bete dituzte igande honetan Getarian, gizonezkoen estropadan. Arraun Lagunakek gauza bera egin du emakumezkoen lehiaketan.
Jon Urresti: “Horrelako txapelketak ez dira askotan irabazten, pisu handiko bandera da"
Jon Urresti Orioko traineruko arraunlaria pozik agertu da Euskadiko Traineru Txapelketa irabazi ostean. Gainera, bere herrian irabazi dute, Getarian, eta berarentzat "pisu handiko" bandera dela nabarmendu du.
Oriok irabazi ditu Lekeitioko bi banderak
Euskadiko Txapelketaren bezperan Lekeition jokatu den estropadan, Orio nagusitu da bi kategorietan. Emakumezkoetan, Xanti Zabaletak zuzendutako traineruak 14 segundo atera dizkio Hibaikari eta 23 Zumaiari. Gizonezkoetan, berriz, Oriok 9 segundo atera dizkio San Juani eta 11 Zarautzi.
Euskadiko Traineru Txapelketa jokatuko da igande honetan Getarian
Dozena bat ontzik parte hartuko dute denboraldiko bigarren hitzordu ofizialean, aurreko asteburuan lurraldeko txapelketak egin ostean. ETB1en eta kirolakeitb.eus-en zuzenean ikusteko aukera izango da.
2026ko Euskotren Ligako egutegia
Emakumezkoen txapelketa ekainaren 28an hasiko da ‘Canal de Isabel II’ Banderarekin, eta abuztuaren 23an amaituko da, Zarauzko XVIII. Ikurrinarekin.
2026ko Eusko Label Ligako egutegia
Gizonezkoen traineru txapelketa nagusia ekainaren 28an hasiko da, Buitrago del Lozoyan, ‘Bandera Pueblos con Vida Comunidad de Madrid’-ekin, eta irailaren 20an amaituko da, Portugaleten, LVI GP - LII El Corte Ingles Banderarekin.
Euskotren Liga eta Eusko Label Liga, ekainaren 28tik aurrera, EITBn
Denboraldiko txapelketa nagusia hastear da, eta, ohi bezala, ETB1ek eta kirolakeitb.eus-ek estropada guztiak emango dituzte, zuzenean.