2026ko Flèche Wallonne klasikoaren ibilbidea eta profila
Klasikoaren 90. edizioa datorren asteazkenean jokatuko da. Lasterketa zuzenean eskainiko du ETB1ek 15:15etik aurrera. Aurten, Herstalen hasiko da lehen aldiz, Liejatik oso gertu. Pogacar izan zen iazko irabazlea Huyko Harresian.
2026ko Flèche Wallonne klasikoaren profila. Irudia: EITB
Flèche Wallonne klasikoaren 90. edizioa apirilaren 22an, asteazkenean, jokatuko da. Lasterketa zuzenean eskainiko du ETB1ek 15:15etik aurrera. Tadej Pogacar esloveniarra izan zen iazko irabazlea Huyko Harresian.
Aurten, lehen aldiz, Herstalen hasiko da lasterketa, Liejatik oso gertu. Gizonezkoen tropelak 208,8 kilometroko ibilbidea bete beharko du. Tadej Pogacarren ondorengoa hiru itzuliren ostean koroatuko dute, 16:30 aldera.
Trasenster eta Les Forgeseko igoeretan berotu ondoren, txirrindulariek azkar egingo diote aurre Flèche Wallonneko zirkuitu enblematikoari: 37 kilometro inguru , Ereffe, Cherave eta, batez ere, Huyko Harresiaren maldak biltzen dituztenak.
Hirugarren aldiz, emakumezkoen tropela gizonezkoenaren ondoren irtengo da, 13:40an, Huyko Grand Placetik. Txirrindulariek berehala egingo diote aurre Bohissauko igoerari, Courrière eta Durnal igo baino lehen. Ondoren, Ereffe - Cherave - Huy zirkuituari egingo diote aurre. Txirrindulariek 148,2 kilometroko ibilbidea izango dute.
Zure interesekoa izan daiteke
Eibarko Hiria VIII. Sari Nagusia aurkeztu dute
Larunbat honetan 10:00etan abiatuko da, eta nazioarteko 11 talde izango dira irteeran. Txirrindulariek 108 kilometro inguruko ibilbide gogorra egin beharko dute: hirugarren mailako bi mendate, bigarren mailako bat eta helmugarako sei kilometroren faltan Ixua.
Carlos Canalen lehen garaipenaren azken sprinta, O Gran Camiñoko bigarren etapan
Carlos Canal (Movistar) galiziarrak irabazi du O Gran Camiñoko bigarren etapa, bere lehen garaipen profesionala. Wenzel (Kern Pharma) izan da bigarren eta Fagúndez (Burgos) hirugarren. Rafael Reis (Anicolor) portugaldarrak bereganatu du sailkapen nagusiko lidergoa.
Canalek garaipena lortu du etxean, eta Reisek lidergoa kendu dio Johanseni
Xinzo Limiako txirrindulariak bere taldearen, Movistarren, lan bikaina aprobetxatu du profesional mailako lehen garaipena lortzeko. Zortzi txirrindulariko ihesaldia etapako protagonista izan da, eta Julius Johansen danimarkarrak pot egin du gaur.
Johansenek irabazi du Herculesen dorrean hasi eta bukatu den erlojupekoa, eta bera da lehen liderra
UAEko txirrindularia izan da erlojuaren kontrako lehiara atera den azkena, baina denborarik onenak egin ditu ibilbidean eta helmugan. Bigarren Rafael Reis portugaldarra sailkatu da, eta hirugarren, Nelson Oliveira, horren herrikidea.
Julius Johanseni O Gran Camiñon garaipena eman dizkioten azken metroak
Julius Johansen (UAE) izan da O Gran Camiño lasterketaren lehen etapako garailea. Rafael Reis (ACR) izan da banakako erlojupekoan bigarren, eta Nelson Oliveirak (MOV) eskuratu du hirugarren postua.
2026ko O Gran Camiño lasterketako etapetako ibilbideak eta profilak
Proba apirilaren 14tik 18ra bitartean jokatuko dute, eta EITBk zuzenean emango du, kirolakeitb.eus-en eta ETB1en.
Franziska Koch nagusitu da Paris-Roubaixen, Marianne Vosen aurretik
Alemaniarrak suitzarra gainditu du azken metroetan bere palmareseko laugarren garaipena lortzeko.
Wout van Aertek ezin izan dio negarrari eutsi, Pogacar gainditu eta Paris-Roubaix irabazi ostean
Visma taldeko belgikarrak negar egin du, lurrean, helmuga zeharkatu bezain laster.
Van Aertek irabazi du Paris-Roubaix, esprintean Pogacar garaituta
Wout van Aert belgikarrak (Visma) irabazi du Paris-Roubaix lasterketaren 113. edizioa, Tadej Pogacar sprintean menderatuta. “Iparraldeko Infernua” izenarekin ere ezagutzen den probak berriro ihes egin dio esloveniarrari, eta bere palmaresean falta duen "monumentu" bakarra da.