Van Aertek irabazi du Paris-Roubaix, esprintean Pogacar garaituta
Wout van Aert belgikarrak (Visma) irabazi du Paris-Roubaix lasterketaren 113. edizioa, Tadej Pogacar sprintean menderatuta. “Iparraldeko Infernua” izenarekin ere ezagutzen den probak berriro ihes egin dio esloveniarrari, eta bere palmaresean falta duen "monumentu" bakarra da.
Wout van Aert belgikarra, helmugan sartzen. Argazkia: EFE
Wout van Aertek irabazi du Paris-Roubaix lasterketaren 113. edizioa, Andre-Petrieux belodromoko azken esprint zirraragarrian Tadej Pogacar menderatuta. Txirrindulari belgikarrak amaiera bikaina eman dio, 5 ordu baino gehiagoko ahaleginaren ondoren.
31 urteko txirrindulariak moldeak hautsi ditu, eta bi gertaera historiko saihestu ditu: Pogacarrek bosgarren 'monumentua' jarraian lortzea (irabazteko falta duen bakarra) eta Mathieu van der Poelek bere laugarren Paris-Roubaix jarraian irabaztea.
Lasterketa oso erritmo bizian hasi da, eta ez du ihesaldi argirik sortu. Galtzada harrizko lehen tarteetatik, faboritoek protagonismoa hartu dute erorikoak, zulatuak eta matxurak izan dituen jardunaldi batean. Pogacarrek arazo mekaniko bat izan du, eta hainbat kilometro atzetik egin ditu, baina talde nagusia harrapatu du, sektore erabakigarriak heldu aurretik.
Mathieu van der Poelek ere arazo mekanikoak izan ditu, eta horrek lasterketa buruarekin kontaktua galtzea eragin dio. Bien bitartean, Van Aert eta Pogacar taldekideak atzean uzten joan dira, belgikarrak helmugarako 50 kilometro baino gehiago falta zirenean erasoa jo ostean bi txirrindulariak bakarrik geratu arte.
Tarterik gogorrenetan, Carrefour de l 'Arbren esaterako, Pogacar saiatu da aurkaria atzean uzten, baina Van Aertek eraso guztiei egin die aurre. Azken kilometroetan, elkarri lagundu diote bi txirrindulariek, aldeari eusteko, eta belodromoan erabaki da garailea.
Azken esprintean, Van Aertek erasoa jo du helmugarako 100 metroren faltan, eta Pogacar gainditu du. Belgikarrak emozio handiz ospatu du garaipena, eta, gainera, esloveniarrak mugarri historiko bat lortzea saihestu du.
Zure interesekoa izan daiteke
Yara Kastelijnek irabazi du Burgosko Itzulia, eta Usoa Ostolaza hirugarren izan da
Sailkapen nagusian ez ezik, Neilako aintziretan bukatu den etapan ere hirugarrena izan da txirrindulari zarauztarra. Azken etapan, berriz, Kastelijn txapelduna gailendu da.
Paula Blasik irabazi du Durango-Durango Emakumeen Saria, erakustaldia emanda
UAEko txirrindulari kataluniarra, 2026ko Espainiako Vueltako txapelduna bera, bakarrik helmugaratu da; FDJko Evita Muzic bigarrena izan da, eta EF Education-Oatlyko Alice Towersek eskuratu du hirugarren postua.
Jon Barrenetxeak Finistereko Tourra eta Broucles de l’Aulne lasterketak irabazi ditu
Txirrindulari bizkaitarra onena izan da bi lasterketetan; horiek larunbatean eta igandean lehiatu dira, Bretainian. Garaipen horiekin, Gamiz-Fikakoak lau garaipen lortu ditu guztira profesional mailan; izan ere, 2024an Getxoko Zirkuitua eta 2025ean Andaluziako itzuliaren etapa bat irabazi zituen.
Cat Fergusonek irabazi du 2026ko Navarra Women’s Elite Classic lasterketa, aurreko ekitaldian lortutako garaipena berretsita
Movistar taldeko txirrindulari britainiarra gailendu da, Iruñean, proban erabakigarria izan den esprintean, asteazkenean. Bideo honetan, klasikoko azken kilometroa dago ikusgai; Ruby Roseman-Gannon eta Fiona Mangan ere podiumean izan dira.
Pogacarrek Romandiako Tourra irabazi du, azken etapa ere garaituta
Txirrindulari esloveniarrak (UAE) denboraldi hasiera bikaina berretsi du Romandiako Tourrean nagusituta, beste etapa garaipen batekin.
Sebastian Berwick Caja Rural taldeko txirrindulariak irabazi du Turkiako Itzulia
Kern Pharma taldeko Ivan Ramiro Sosa izan da bigarren, eta Mikel Bizkarra eta Ibon Ruiz euskal txirrindulariek hamar onenen artean bukatu dute Turkiako Itzulia.
Pogacarrek erabakita utzi du Romandiako Tourra, etapa nagusian erakustaldia emanda
Esloveniarrak hirugarren garaipena lortu du aurtengo edizioan, Charmeyko helmugara ihes eginda iritsita, eta sailkapen nagusia erabakita utzi du azken etaparen faltan.
Pello Bilbao laugarren izan da, eta Ion Izagirre seigarren, Zimmermannek irabazitako Eschborn-Frankfurt lasterketan
Bigarren eta hirugarren Pidcock eta Tulett britainiarrentzat izan dira, hurrenez hurren.
Pogacarrek bere bigarren garaipena erdietsi du Romandiako Itzulian, bigarren etapa ere esprintean irabazi ostean
Soderqvist, Conca, Thalmann eta Renard-Haquin izan dira eguneko ihesaldiaren protagonistak, baina tropelak helmugarako lau kilometroren faltan harrapatu ditu. Azken metroetan, Esloveniako txapeldunak bere garaipen gose aseezina erakutsi eta berriro irabazi du.
Pogacarrek irabazi du lehen etapa Martignyn, eta liderraren elastikoa jantzi du
Pogacarrek erasoa jo du Ovronnaz lehen mailako mendatean. Helmugara hiru txirrindularirekin batera iritsi da, Lipowitz, Martinez eta Nordhagenekin, eta azkarrena izan da esprintean.