Pogacarrek ia ziurtatuta utzi du Dauphine irabaztea, bere hirugarren etapa eskuratuta
Tadej Pogacar (UAE Team Emirates) txirrindulari esloveniarrak garaipena ia ziurtatuta utzi du, Dauphine Kriteriumeko 7. etapa ere eskuratu baitu larunbat honetan, Grand-Algueblanche eta Valmeinier 1800 (131,6 km) artekoa.
Helmugarako 12 kilometroren faltan, Pogacarrek erasora jo du, eta Jonas Vingegaard (Visma) danimarkarra, bere aurkari nagusia, oraingoan ere ez da gai izan haren mailan egoteko. Bigarren postuarekin konformatu behar izan du, 14 segundora sartuta. Florian Lipowitz (Red Bull) alemaniarra sartu da hirugarren, 1:21era.
Sailkapen nagusian, Pogacarrek minutu batera (1:01) du Vingegaard, eta bi pasatxora (2:21) Lipowitz.
12 txirrindulari joan dira ihesaldian, Kuss, Romeo eta Buitrago tartean, eta Tadej Pogacar liderrak taldetik tiraka jarri ditu bere taldekideak.
Valmeinier 1800 gailurrean, helmugatik 12 kilometrora, Pogacarrek erasoa jo du suziria balitz bezala. Danimarkarra hari jarraitzen saiatu da, baina 100 metroan bakarrik eutsi dio. Hala, Tourreko txapeldunak bakarka egin du aurrera.
Vingegaard, Lipowitz eta Evenepoel, berriz, etsita helmugaratu dira.
Pogacar 100 etapa garaipenetik bi garaipenera dago, eta igandeko jardunaldia falta da oraindik Dauphine Kriteriuma amaitzeko.
7. ETAPAKO SAILKAPENA
1.- POGACAR Tadej (UAE) 4:10:00
2.- VINGEGAARD Jonas (Visma) + 0:14
3.- LIPOWITZ Florian (Red Bull) + 1:21
4.- JOHANNESSEN Tobias Halland (Uno-X) + 2:26
5.- EVENEPOEL Remco (Soudal) + 2:39
6.- TULETT Ben (Visma) + 3:48
7.- MAS Enric (Movistar) d. b.
8.- BUCHMANN Emanuel (Cofidis) + 3:51
9.- RODRÍGUEZ Carlos (INEOS) d. b.
10.- MARTIN Guillaume (Groupama) d. b.
SAILKAPEN NAGUSIA
1.- POGACAR Tadej (UAE) 25:44:58
2.- VINGEGAARD Jonas (Visma) + 1:01
3.- LIPOWITZ Florian (Red Bull) + 2:21
4.- EVENEPOEL Remco (Soudal) + 4:11
5.- JOHANNESSEN Tobias Halland (Uno-X) + 5:55
6.- SEIXAS Paul (Decathlon) + 6:50
7.- JORGENSON Matteo (Visma) + 7:18
8.- TULETT Ben (Visma) + 7:24
9.- RODRÍGUEZ Carlos (INEOS) + 7:41
10.- MAS Enric (Movistar) + 7:43
Zure interesekoa izan daiteke
Yuliia Biriukovak (Laboral Kutxa) bigarren postu bikaina lortu du San Salvadorko Sari Nagusian
Francesca Hall (Roland Cogeas Cycling) britainiarra nagusitu da azken igoeran, baina Laboral Kutxako txirrindulariak erritmo altuari eutsi dio bigarren postua lortzeko, segundo gutxi batzuk geroago helmugaratuta.
Laboral Kutxa-Euskadi eta Caja Rural-Seguros RGA taldeek 2026ko Flèche Wallonne eta Lieja-Bastogne-Lieja lasterketetan parte hartuko dute
Euskal taldeek Ardeetako Trilogia osatzen duten bigarren eta hirugarren klasikoetan parte hartzeko gonbidapena jaso dute. Gainera, Kern Pharmak ere gizonezkoen Lieja-Bastogne-Lieja lasterketan parte hartuko du.
Mikel Landa eta Euskaltel-Euskadi, Caja Rural-Seguros RGA eta Kern Pharma taldeak 2026ko Kataluniako itzulian egonen dira
Lasterketa martxoaren 23tik 29ra jokatuko dute. Bertan, besteak beste, Jonas Vingegaard, Remco Evenepoel, Joao Almeida, Florian Lipowitz eta Tom Pidcock ere egonen dira.
Catalina Soto Laboral Kutxa-Euskadi taldeko txirrindulariak irabazi du El Salvadorreko Tourreko hirugarren etapa
Euskal taldearen hirugarren garaipena da lasterketan, Sotok berak atariko etapa bereganatu baitzuen, eta Marjolein Vant Geloof Herbeheretako txirrindulariak, aurreneko etapa.
Catalina Soto Laboral Kutxa-Euskadi taldeko txirrindulariak irabazi du El Salvadorko Tourraren atarikoa
Txirrindulari gaztea San Salvadorko erdigune historikoan korritutako 2,7 kilometroko ibilbidean nagusitu da, 3 minutu eta 48 segundoko denbora eginda, eta taldearen lehen garaipena lortu du UCIren lasterketa batean.
Mikel Landa eta Pello Bilbao Jaen Paraiso Interior Klasikoan izango dira, otsailaren 16an
Bi euskal txirrindulariek 169 kilometrotan asfaltoa eta landa zatiak uztartzen dituen lasterketan parte hartuko dute.
Irati Aranguren eta Aitor Hernandez, Euskadiko ziklo-kros txapeldun
Euskadiko ziklo-kros txapelketa eta Segurako bosgarren ziklo-kros saria jokatu dira igande honetan. Emakumezkoetan, Irati Aranguren izan da nagusi Segurako lokatzetan. 18 urteko usurbildarra profesionaletan arituko da datorren urtean Laboral Kutxa Euskadi taldean. Gizonezkoetan, Ismael Esteban kantabriarrak irabazi du Segurako ziklo-kros saria. Euskadiko txapela, berriz, bigarren izan den Aitor Hernandez ermuarrarentzat izan da.
Itzulia Basque Country 2026 apirilaren 6tik 11ra jokatuko da, eta Donostiako Klasikoa, abuztuaren 1ean
Gainera, Euskal Herriko errepideek Itzulia Women maiatzaren 15etik 17ra hartuko dute.
Pogacarrek historia egin du bosgarrenez jarraian Il Lombardia irabazita
Esloveniako txirrindulariak bosgarren garaipena jarraian lortu du larunbat honetan Il Lombardian, txirrindularitzaren historian mugarri berri bat sinatuz.
Usoa Ostolazak bigarren amaitu du Andaluziako Itzulian
Zarauzko txirrindulariak lehia gogorra izan du Cat Ferguson (Movistar) britainiarrarekin, baina azken horrek lortu du garaipena.