Pedersenek esprintean irabazi du seigarren etapa, eta Jorgensonek lider jarraitzen du
Mads Pedersen (Lidl-Trek) daniarrak irabazi du Paris-Nizako seigarren etapa, 209 kilometrokoa, eta Matteo Jorgenson (Visma) estatubatuarrak lider jarraitzen du, Jonas Vingegaard taldeburuak osteguneko erorikoaren ondorioz lasterketa utzi ostean.
Frantziako lasterketaren azken-aurreko jardunaldian, Joao Almeida (UAE Emirates) portugesa eta Lenny Martinez (Bahrain Victorius) frantsesa, aurreko bi etapetako irabazleak, borrokatik kanpo geratu dira, helmugarako 50 kilometroren faltan tropela hautsi duen taldetik kanpo geratuta.
Ihes egindako 12 txirrindulariak 4:25:37ko denborarekin iritsi dira helmugara, eta Pedersenek Joshua Tarling eta Sam Watson britainiarrak gainditu ditu esprintean.
Vingegaardek lasterketa utzi ostean, Jorgensonek 40 segundora du Florien Lipowitz (Red Bull Bora) alemana eta 59ra, berriz, Mattias Skjelmose (Lidl-Trek) daniarra.
Daniarra goizeko lehen orduan erretiratu da, bere taldeko medikuekin hitz egin ondoren, "bere hurrengo helburuetan zentratzeko" behar bezala sendatzeko.
Vingegaard bosgarren etapako 85. kilometroan erori zen, Saint Just en Chevalet eta La Cote Saint Andre artean. Ondorioz, kolpea hartu zuen eskumuturrean eta zauriak ditu aurpegian.
Etapako sailkapena
1 - PEDERSEN Mads (Lidl) 4:25:37
2 - TARLING Joshua (INEOS) d. b.
3 - WATSON Samuel (INEOS) d. b.
4 - ZINGLE Axel (Visma) d. b.
5 - SOBRERO Matteo (Red Bull) d. b.
6 - SHEFFIELD Magnus (INEOS) d. b.
7 - SKJELMOSE Mattias (Lidl) d. b.
8 - JORGENSON Matteo (Visma) d. b.
9 - SCHACHMANN Maximilian (Soudal) d. b.
10 - ARENSMAN Thymen (INEOS) d. b.
Sailkapen nagusia
1 - JORGENSON Matteo (Visma) 20:52:57
2 - LIPOWITZ Florian (Red Bull) +0:40
3 - SKJELMOSE Mattias (Lidl) + 0:59
4 - ARENSMAN Thymen (INEOS) + 1:20
5 - ALMEIDA Joao (UAE) + 2:40
6 - FOSS Tobias (INEOS) +2:47
7 - SHEFFIELD Magnus (INEOS) +2:54
8 - MCNULTY Brandon (UAE) + 3:05
9 - CHAMPOUSSIN Clement (Astana) + 3:22
10 - TEJADA Harold (Astana) + 3:24
Paris-Nizako 7. etapak La Colmiane galdu du eguraldi txarragatik
Paris-Niza lasterketako antolatzaileek iragarri dutenez, 7. etapak 109 kilometro besterik ez du izango, eta nahiz eta Auronen amaitu, ez da La Colmianetik igaroko, ezta Belvederetik ere.
Aurreikusitako baldintza meteorologikoak aztertu ondoren, larunbaterako iragarpenak ez dira onak, batez ere toki garaietan, eta lasterketaren antolatzaileek zazpigarren etaparen jatorrizko ibilbidea aldatzea erabaki dute.
Zure interesekoa izan daiteke
Itzulia Basque Country 2026 apirilaren 6tik 11ra jokatuko da, eta Donostiako Klasikoa, abuztuaren 1ean
Gainera, Euskal Herriko errepideek Itzulia Women maiatzaren 15etik 17ra hartuko dute.
Pogacarrek historia egin du bosgarrenez jarraian Il Lombardia irabazita
Esloveniako txirrindulariak bosgarren garaipena jarraian lortu du larunbat honetan Il Lombardian, txirrindularitzaren historian mugarri berri bat sinatuz.
Usoa Ostolazak bigarren amaitu du Andaluziako Itzulian
Zarauzko txirrindulariak lehia gogorra izan du Cat Ferguson (Movistar) britainiarrarekin, baina azken horrek lortu du garaipena.
Pogacarrek Europako errepideko txapelketa irabazi du, beste erakustaldi batekin
Esloveniarrak 4 ordu, 59 minutu eta 29 segundoko denborarekin amaitu du lasterketa, batez beste 40,57 km/h-ko abiaduran, eta 30 segundoko aldea atera dio Evenepoeli eta 3.41ekoa Seixasi.
Pogacar, txirrindularitzako munduko txapeldun bigarrenez jarraian
Esloveniarrak 6 ordu, 21 minutu eta 20 segundoko denborarekin amaitu du lasterketa, batez beste 42,089 km/h-ko abiaduran, eta 1 minutu eta 28 segundora helmugaratu da Remco Evenepoel.
Magdeleine Vallieres kanadarrak irabazi du urrezko domina munduko txapelketan, ezustekoa emanda
Kanadako txirrindularia iheskideei aurrea hartuta helmugaratu da. Niamh Fisher-Black zeelandaberritarra eta Mavi Garcia espainiarra izan dira bigarrena eta hirugarrena, hurrenez hurren.
Paula Ostiz, munduko txapelduna junior mailan
Iruñeko txirrindularia nagusitasunez gailendu da Kigaliko helmugan, eta gaur urrezko domina lortuta, aste historikoa biribildu du, astearteko erlojupekoan zilarra bereganatu baitzuen.
Marlen Reuserrek eta Remco Evenepoelek irabazi dute erlojupekoa 2025eko Munduko Txapelketan
Txirrindulari suitzarrak eta ziklista belgikarrak urrezko domina eskuratu dute elite mailan, Ruandan jokatzen ari den Munduko Txapelketan. Anna van der Breggen eta Demi Vollering igo dira podiuma osatzera emakumezkoetan, eta Jay Vine eta Ilan Van Wilder gizonezkoetan.
McNulty estatubatuarrak irabazi du Poloniako Tourra, eta Pello Bilbao bederatzigarren sailkatu da
McNultyk lidergoa lortu du azken erlojupekoan gailenduta. Pello Bilbao 20. izan da azken etapan, irabazlearengandik 45 segundora, eta bederatzigarren amaitu du sailkapen nagusian.
Isaac Del Torok irabazi du Burgosko Itzulia, eta Cicconek Neilako etapa handia
Mexikarrak buelta eman dio Leo Bisiaux ordura arteko liderrak zuen 26 segundoko aldeari. Sailkapen nagusian, Urko Berrade nafarra hamargarren izan da.