Lenny Martinez nagusitu da Cote de Notre-Dame-de-Sciezen, eta Jorgenson berriro jarri da lider, Paris-Nizan
Lenny Martinez Bahrain-Victorious taldeko txirrindulari frantziarrak irabazi du 2025eko Paris-Nizako bosgarren etapa, Cote de Notre-Dame-de-Sciezen, ostegunean, eta Matteo Jorgenson Visma-Lease a Bike taldeko ziklista estatubatuarrak, 2024ko Paris-Nizako irabazlea bera, sailkapen nagusiko aurreneko postua berreskuratu du. Jorgensonek, orain, 22 segundoko aldea du Jonas Vingegaard taldekidearekiko; danimarkarrak erorikoa izan du etapan, eta maillot horia galdu du.
Martinezek, 21 urtekoa bera, lehenengo garaipena eskuratu du 2025eko denboraldian, alegia, Bahrain taldean hasi denetik; izan ere, 2024ra arte Groupama-FDJn aritu da. Txirrindulari frantziar gaztea igoeretan da bereziki trebea, eta bikain gailendu da; sailkapen nagusian, halaber, bosgarren kokatu da, Jorgensonekiko 55 segundora.
Vingegaard jausi egin da etapan, eta ezpainean zauritu da. Danimarkarrak ezin izan du onenen parean ibili, azken igoeran. Vismak, hala ere, sailkapen nagusiko lehenengo bi postuak ditu, oraindik, eta, Paris-Niza amaitzeko hiru etapa gelditzen direla, Herbehereetako taldeak aukera handiak ditu lasterketa berriro ere eskuratzeko.
Ostiralean, seigarren etapa jokatuko dute; horrek 209,8 kilometro izango ditu, Saint-Julien-en-Saint-Albanen hasiko da, eta Berre l'Étangen amaitu. Zaleek zuzenean ikusi ahalko dute, EITBn: 14:45etik aurrera, eitb.eus-en eta ETB4n, eta, 15:20tik aurrera, telebistari dagokionez, ETB1en.
Etapako sailkapena
1 - MARTINEZ Lenny (Bahrain) 4:36:23
2 - CHAMPOUSSIN Clément (Astana) + 0:03
3 - JORGENSON Matteo (Visma) d. b.
4 - TEJADA Harold (Astana) d. b.
5 - LIPOWITZ Florian (Red Bull) + 0:06
6 - ALMEIDA Joao (UAE) + 0:07
7 - MCNULTY Brandon (UAE) + 0:11
8 - VAN WILDER Ilan (Soudal) + 0:16
9 - SHEFFIELD Magnus (INEOS) d. b.
10 - PARET-PEINTRE Aurelien + 0:18
Sailkapen nagusia
1 - JORGENSON Matteo (Visma) 16:27:26
2 - VINGEGAARD Jonas (Visma) + 0:22
3 - LIPOWITZ Florian (Red Bull) + 0:36
4 - ALMEIDA Joao (UAE) + 0:40
5 - MARTINEZ Lenny (Bahrain) + 0:55
6 - SKJELMOSE Mattias (Lidl) + 0:57
7 - MCNULTY Brandon (UAE) + 1:05
8 - ARENSMAN Thymen (INEOS) + 1:14
9 - CHAMPOUSSIN Clement (Astana) + 1:22
10 - TEJADA Harold (Astana) + 1:24
Zure interesekoa izan daiteke
Yuliia Biriukovak (Laboral Kutxa) bigarren postu bikaina lortu du San Salvadorko Sari Nagusian
Francesca Hall (Roland Cogeas Cycling) britainiarra nagusitu da azken igoeran, baina Laboral Kutxako txirrindulariak erritmo altuari eutsi dio bigarren postua lortzeko, segundo gutxi batzuk geroago helmugaratuta.
Laboral Kutxa-Euskadi eta Caja Rural-Seguros RGA taldeek 2026ko Flèche Wallonne eta Lieja-Bastogne-Lieja lasterketetan parte hartuko dute
Euskal taldeek Ardeetako Trilogia osatzen duten bigarren eta hirugarren klasikoetan parte hartzeko gonbidapena jaso dute. Gainera, Kern Pharmak ere gizonezkoen Lieja-Bastogne-Lieja lasterketan parte hartuko du.
Mikel Landa eta Euskaltel-Euskadi, Caja Rural-Seguros RGA eta Kern Pharma taldeak 2026ko Kataluniako itzulian egonen dira
Lasterketa martxoaren 23tik 29ra jokatuko dute. Bertan, besteak beste, Jonas Vingegaard, Remco Evenepoel, Joao Almeida, Florian Lipowitz eta Tom Pidcock ere egonen dira.
Catalina Soto Laboral Kutxa-Euskadi taldeko txirrindulariak irabazi du El Salvadorreko Tourreko hirugarren etapa
Euskal taldearen hirugarren garaipena da lasterketan, Sotok berak atariko etapa bereganatu baitzuen, eta Marjolein Vant Geloof Herbeheretako txirrindulariak, aurreneko etapa.
Catalina Soto Laboral Kutxa-Euskadi taldeko txirrindulariak irabazi du El Salvadorko Tourraren atarikoa
Txirrindulari gaztea San Salvadorko erdigune historikoan korritutako 2,7 kilometroko ibilbidean nagusitu da, 3 minutu eta 48 segundoko denbora eginda, eta taldearen lehen garaipena lortu du UCIren lasterketa batean.
Mikel Landa eta Pello Bilbao Jaen Paraiso Interior Klasikoan izango dira, otsailaren 16an
Bi euskal txirrindulariek 169 kilometrotan asfaltoa eta landa zatiak uztartzen dituen lasterketan parte hartuko dute.
Irati Aranguren eta Aitor Hernandez, Euskadiko ziklo-kros txapeldun
Euskadiko ziklo-kros txapelketa eta Segurako bosgarren ziklo-kros saria jokatu dira igande honetan. Emakumezkoetan, Irati Aranguren izan da nagusi Segurako lokatzetan. 18 urteko usurbildarra profesionaletan arituko da datorren urtean Laboral Kutxa Euskadi taldean. Gizonezkoetan, Ismael Esteban kantabriarrak irabazi du Segurako ziklo-kros saria. Euskadiko txapela, berriz, bigarren izan den Aitor Hernandez ermuarrarentzat izan da.
Itzulia Basque Country 2026 apirilaren 6tik 11ra jokatuko da, eta Donostiako Klasikoa, abuztuaren 1ean
Gainera, Euskal Herriko errepideek Itzulia Women maiatzaren 15etik 17ra hartuko dute.
Pogacarrek historia egin du bosgarrenez jarraian Il Lombardia irabazita
Esloveniako txirrindulariak bosgarren garaipena jarraian lortu du larunbat honetan Il Lombardian, txirrindularitzaren historian mugarri berri bat sinatuz.
Usoa Ostolazak bigarren amaitu du Andaluziako Itzulian
Zarauzko txirrindulariak lehia gogorra izan du Cat Ferguson (Movistar) britainiarrarekin, baina azken horrek lortu du garaipena.