Carapaz nagusitu da Romandiako Tourreko laugarren etapan eta Carlos Rodriguezek jantzi du liderraren elastikoa
Richard Carapazek (EF Education Easy Post) irabazi du 2024ko Romandiako Tourreko laugarren etapa, eta Carlos Rodriguez (INEOS Grenadiers) jarri da lider.
Txirrindulariek Saillon eta Leysin arteko 151,7 kilometroko ibilbideari egin diote aurre. Hasieratik izan dira ihesaldi saiakerak, eta kosta egin da eguneko ihesaldi ona sortzea. Hala ere, sei txirrindularik lortu dute tropeletik alde egitea: Josef Cerny (Soudal Quick-Step), Raul Garcia Pierna (Arkea-B&B Hotels), Clement Berthet (Decathlon AG2R La Mondiale), Bart Lemmen (Visma-Lease a Bike), Juri Hollmann (Alpecin-Deceuninck) eta Nelson Oliveira (Movistar) ziklistek osatu dute ihesaldiko taldea.
Seikoteak bidea egin du. Ovronnaz mendatearen igoeran, ihesaldiko taldea zatitu egin da, eta jaitsieran berriz elkartu dira. Kilometro batzuk pasata, aldiz, seikotea laukote bihurtu da, Cernyk eta Hollmannek ezin izan baitiote ihesaldiko kideen erritmoari eutsi. Gero, Les Rives 2. mailako mendatean, Lemmenek eta Berthetek egin dute aurrera, baina igoerako azken txanpan Berthet bakarrik geratu da lasterketaren buruan.
Tropelean, Carlos Rodriguez sailkapen nagusiko laugarrena taldeburu duen INEOS Grenadiersek erritmoa bizitu du, eta helmugarako 5,5 kilometro falta zirenean harrapatu dute Berthet. Jarraian, Egan Bernalek (INEOS Grenadiers) jo du erasoa, eta tropela txikitu du. Ondoren, Richard Carapazek jo du, eta harekin batera irten dira Florian Lipowitz (BORA-hansgrohe) eta Carlos Rodriguez. Eraso horien eraginez, Juan Ayuso (UAE Emirates) liderra atzean geratu da. Gero, Carapaz jarri da lasterketaren buruan, erritmoa bizituta. Atzetik atera dira Lipowitz eta Carlos Rodriguez.
Azken metroetan, Lipowitzek atzean utzi du Rodriguez, eta Carapaz harrapatzetik gertu egon den arren, ekuadortarrak bereganatu du garaipena. Lipowitz bigarren izan da, segundo bakarrera, eta Carlos Rodriguez hirugarren, hamarrera. Enric Mas (Movistar) eta Alksandr Vlasov (BORA-hansgrohe) laugarren eta bosgarren izan dira hurrenez hurren, 14 segundora. Bosgarren amaitu du Egan Bernalek (INEOS Grenadiers), 27 segundora, eta Ilan van Wilder (Soudal Quick-Step) seigarren, 31ra. Juan Ayusok lidertza galdu du, Rodriguezek 34 segundo atera baitizkio helmugan.
Horrela, bada, Carlos Rodriguez da orain sailkapen nagusiko liderra. Espainiarrak 7 segundora du bigarrena, Aleksandr Vlasov; 9ra hirugarrena, Lipowitz, eta 21era laugarrena, Van Wilder. Ayuso bosgarren dago, 27 segundora.
4. etapako sailkapena:
1 - CARAPAZ Richard (EF E) 4:06:03
2 - LIPOWITZ Florian (BORA) d. b.
3 - RODRIGUEZ Carlos (INEOS) +0:10
4 - MAS Enric (Movistar) +0:14
5 - VLASOV Aleksandr (BORA) d. b.
6 - BERNAL Egan (INEOS) +0:27
7 - VAN WILDER Ilan (Soudal) +0:31
8 - GEOGHEGAN HART Tao (Lidl) +0:40
9 - GAUDU David (Groupama) +0:41
10 - RODRIGUEZ Cristian (Arkea) +0:44
Sailkapen nagusia:
1 - RODRIGUEZ Carlos (INEOS) 12:22:46
2 - VLASOV Aleksandr (BORA) +0:07
3 - LIPOWITZ Florian (BORA) +0:09
4 - VAN WILDER Ilan (Soudal) +0:21
5 - AYUSO Juan (UAE) +0:27
6 - MAS Enric (Movistar) +0:38
7 - CARAPAZ Richard (EF E) +0:49
8 - MARTINEZ Lenny (Groupama) +0:52
9 - GEOGHEGAN HART Tao (Lidl) +1:02
10 - BERNAL Egan (INEOS) +1:23
Zure interesekoa izan daiteke
Laboral Kutxa-Euskadi eta Caja Rural-Seguros RGA taldeek 2026ko Flèche Wallonne eta Lieja-Bastogne-Lieja lasterketetan parte hartuko dute
Euskal taldeek Ardeetako Trilogia osatzen duten bigarren eta hirugarren klasikoetan parte hartzeko gonbidapena jaso dute. Gainera, Kern Pharmak ere gizonezkoen Lieja-Bastogne-Lieja lasterketan parte hartuko du.
Mikel Landa eta Euskaltel-Euskadi, Caja Rural-Seguros RGA eta Kern Pharma taldeak 2026ko Kataluniako itzulian egonen dira
Lasterketa martxoaren 23tik 29ra jokatuko dute. Bertan, besteak beste, Jonas Vingegaard, Remco Evenepoel, Joao Almeida, Florian Lipowitz eta Tom Pidcock ere egonen dira.
Catalina Soto Laboral Kutxa-Euskadi taldeko txirrindulariak irabazi du El Salvadorreko Tourreko hirugarren etapa
Euskal taldearen hirugarren garaipena da lasterketan, Sotok berak atariko etapa bereganatu baitzuen, eta Marjolein Vant Geloof Herbeheretako txirrindulariak, aurreneko etapa.
Catalina Soto Laboral Kutxa-Euskadi taldeko txirrindulariak irabazi du El Salvadorko Tourraren atarikoa
Txirrindulari gaztea San Salvadorko erdigune historikoan korritutako 2,7 kilometroko ibilbidean nagusitu da, 3 minutu eta 48 segundoko denbora eginda, eta taldearen lehen garaipena lortu du UCIren lasterketa batean.
Mikel Landa eta Pello Bilbao Jaen Paraiso Interior Klasikoan izango dira, otsailaren 16an
Bi euskal txirrindulariek 169 kilometrotan asfaltoa eta landa zatiak uztartzen dituen lasterketan parte hartuko dute.
Irati Aranguren eta Aitor Hernandez, Euskadiko ziklo-kros txapeldun
Euskadiko ziklo-kros txapelketa eta Segurako bosgarren ziklo-kros saria jokatu dira igande honetan. Emakumezkoetan, Irati Aranguren izan da nagusi Segurako lokatzetan. 18 urteko usurbildarra profesionaletan arituko da datorren urtean Laboral Kutxa Euskadi taldean. Gizonezkoetan, Ismael Esteban kantabriarrak irabazi du Segurako ziklo-kros saria. Euskadiko txapela, berriz, bigarren izan den Aitor Hernandez ermuarrarentzat izan da.
Itzulia Basque Country 2026 apirilaren 6tik 11ra jokatuko da, eta Donostiako Klasikoa, abuztuaren 1ean
Gainera, Euskal Herriko errepideek Itzulia Women maiatzaren 15etik 17ra hartuko dute.
Pogacarrek historia egin du bosgarrenez jarraian Il Lombardia irabazita
Esloveniako txirrindulariak bosgarren garaipena jarraian lortu du larunbat honetan Il Lombardian, txirrindularitzaren historian mugarri berri bat sinatuz.
Usoa Ostolazak bigarren amaitu du Andaluziako Itzulian
Zarauzko txirrindulariak lehia gogorra izan du Cat Ferguson (Movistar) britainiarrarekin, baina azken horrek lortu du garaipena.
Pogacarrek Europako errepideko txapelketa irabazi du, beste erakustaldi batekin
Esloveniarrak 4 ordu, 59 minutu eta 29 segundoko denborarekin amaitu du lasterketa, batez beste 40,57 km/h-ko abiaduran, eta 30 segundoko aldea atera dio Evenepoeli eta 3.41ekoa Seixasi.