Van der Poel eta Pogacar aurrez aurre izango dira, igande honetan, Lieja-Bastogne-Lieja lasterketan
Mathieu van der Poel herbeheretarraren eta Tadej Pogacar esloveniarraren arteko lehiaz gozatzeko aukera izango dugu igande honetan, Lieja-Bastogne-Lieja lasterketaren 100. edizioan. Klasikoa zuzenean jarraitu ahal izango da, 15:00etatik aurrera, ETB1en eta eitb.eus atarian.
Ardenetako hirukoa duelu ikusgarri horrekin amaituko da. Tamalez, Remco Evenepoel belgikarra, azken bi urteetako garailea, ez da bertan izango, Euskal Herriko Itzulian erori baitzen, eta min hartuta baitago oraindik.
Pogacarrentzat azken entsegua izango da, Girora joan aurretik. Kataluniako Voltan ikusi genuen lehiatzen azkenekoz, eta nabarmen gailendu zen lasterketa hartan.
Van der Poelek Flandriako Tourra eta Paris-Roubaix irabazi ditu denboraldi honetan, baina Amstel Gold Race lasterketan ez zen onenen artean iritsi helmugara.
Van der Poelez eta Pogacarrez gain, badaude podiumerako beste hainbat hautagai, besteak beste, Cosnefroy (Decathlon), Mohoric eta Wout Poels (Bahrain), Stephen Williams (Fleche-Wallonne klasikoaren irabazlea), Dylan Teuns (Israel), Richard Carapaz (EF Education) eta Ineos taldeko Tom Pidcock eta Michal Kwiatkowski.
Txirrindulariek 254,5 kilometroko ibilbidea osatu beharko dute. Oro har, ohiko ibilbidea da, baina bada aldaketa bat: Mont-le-Soie igo beharko dute, helmugarako 95 kilometroren faltan.
Bestalde, emakumeen Lieja-Bastogne-Lieja klasikoa ere igande honetan jokatuko da. Zortzigarren edizioa izango du, eta 153 kilometroko ibilbidea egin beharko dute. Faborito nagusiak Lotte Kopecky (SD Worx) munduko txapelduna eta Demi Vollering (SD Worx) iazko garailea izango dira.
Edonola ere, beste hainbat txirrindulari ere kontuan hartu beharko dira, hala nola Elisa Longo Borghini (Lidl) Italiako txapelduna eta Flandriako Tourreko irabazlea, Katerzyma Niewiadoma (Canyon) Fleche-Wallonneko irabazlea, Silvia Persico (UAE) italiarra eta Marianne Vos (Visma) herbeheretarra.
Zure interesekoa izan daiteke
Laboral Kutxa-Euskadi eta Caja Rural-Seguros RGA taldeek 2026ko Flèche Wallonne eta Lieja-Bastogne-Lieja lasterketetan parte hartuko dute
Euskal taldeek Ardeetako Trilogia osatzen duten bigarren eta hirugarren klasikoetan parte hartzeko gonbidapena jaso dute. Gainera, Kern Pharmak ere gizonezkoen Lieja-Bastogne-Lieja lasterketan parte hartuko du.
Mikel Landa eta Euskaltel-Euskadi, Caja Rural-Seguros RGA eta Kern Pharma taldeak 2026ko Kataluniako itzulian egonen dira
Lasterketa martxoaren 23tik 29ra jokatuko dute. Bertan, besteak beste, Jonas Vingegaard, Remco Evenepoel, Joao Almeida, Florian Lipowitz eta Tom Pidcock ere egonen dira.
Catalina Soto Laboral Kutxa-Euskadi taldeko txirrindulariak irabazi du El Salvadorreko Tourreko hirugarren etapa
Euskal taldearen hirugarren garaipena da lasterketan, Sotok berak atariko etapa bereganatu baitzuen, eta Marjolein Vant Geloof Herbeheretako txirrindulariak, aurreneko etapa.
Catalina Soto Laboral Kutxa-Euskadi taldeko txirrindulariak irabazi du El Salvadorko Tourraren atarikoa
Txirrindulari gaztea San Salvadorko erdigune historikoan korritutako 2,7 kilometroko ibilbidean nagusitu da, 3 minutu eta 48 segundoko denbora eginda, eta taldearen lehen garaipena lortu du UCIren lasterketa batean.
Mikel Landa eta Pello Bilbao Jaen Paraiso Interior Klasikoan izango dira, otsailaren 16an
Bi euskal txirrindulariek 169 kilometrotan asfaltoa eta landa zatiak uztartzen dituen lasterketan parte hartuko dute.
Irati Aranguren eta Aitor Hernandez, Euskadiko ziklo-kros txapeldun
Euskadiko ziklo-kros txapelketa eta Segurako bosgarren ziklo-kros saria jokatu dira igande honetan. Emakumezkoetan, Irati Aranguren izan da nagusi Segurako lokatzetan. 18 urteko usurbildarra profesionaletan arituko da datorren urtean Laboral Kutxa Euskadi taldean. Gizonezkoetan, Ismael Esteban kantabriarrak irabazi du Segurako ziklo-kros saria. Euskadiko txapela, berriz, bigarren izan den Aitor Hernandez ermuarrarentzat izan da.
Itzulia Basque Country 2026 apirilaren 6tik 11ra jokatuko da, eta Donostiako Klasikoa, abuztuaren 1ean
Gainera, Euskal Herriko errepideek Itzulia Women maiatzaren 15etik 17ra hartuko dute.
Pogacarrek historia egin du bosgarrenez jarraian Il Lombardia irabazita
Esloveniako txirrindulariak bosgarren garaipena jarraian lortu du larunbat honetan Il Lombardian, txirrindularitzaren historian mugarri berri bat sinatuz.
Usoa Ostolazak bigarren amaitu du Andaluziako Itzulian
Zarauzko txirrindulariak lehia gogorra izan du Cat Ferguson (Movistar) britainiarrarekin, baina azken horrek lortu du garaipena.
Pogacarrek Europako errepideko txapelketa irabazi du, beste erakustaldi batekin
Esloveniarrak 4 ordu, 59 minutu eta 29 segundoko denborarekin amaitu du lasterketa, batez beste 40,57 km/h-ko abiaduran, eta 30 segundoko aldea atera dio Evenepoeli eta 3.41ekoa Seixasi.