Jorgensonek irabazi du Paris-Niza, eta Evenepoelek azken etapa
Matteo Jorgenson (Visma) txirrindulari estatubatuarrak irabazi du Paris-Niza lasterketa, eta Remco Evenepoel (Soudal Quick-Step) belgikarrarentzat izan da azkeneko etapa. Jorgensonekin batera, Evenepoel eta Brandon McNulty (UAE) izan dira bigarren eta hirugarren sailkapen nagusiko podiumean.
Lehendabiziko ihesaldia Laurence Pithiek (Groupama FDJ), Johan Jacobsek (Movistar) eta Victor Campenaertsek (Lotto-Dstny) abiatu dute, baina kilometroak egin ahala, azken hori geratu da lasterketa buruan.
Atzetik, beste bi iheslari talde osatu dira, txirrindulari belgikarra harrapatu nahian. Bitartean, tropelean erorikoa izan da, eta Santiago Buitragok (Bahrain-Victorius) eta Kevin Genietsek (Groupama-FDJ) lasterketa utzi behar izan dute.
Helmugarako 46 kilometroren faltan piztu da sua faborito nagusien artean. Evenepoelek erasoa jo du Peille mendateko igoeran, eta bertan behera utzi du Campenaertsen ihesaldia. Jorgensonek soilik izan du haren gurpilari jarraitzeko ahalmena, eta Aleksandr Vlasov batu zaizkie gero. Hirurak jarri dira buruan, eta erabat hautsi da lasterketa.
McNulty liderrari ia bi minutuko aldea aterata, eta Primoz Rogilic, ezinean, atzerago geratu ostean (lau minutu galdu ditu helmugan), aipatu hiru txirrindularien esku egon da sailkapen nagusia eta azken etapa irabazteko lehia.
Azken igoeran, helmugatik 10 kilometrora, Vlasovek ezin izan dio eutsi Evenepoelek jarritako erritmoari, eta atzean geratu da, leher eginda. Jorgensonek, berriz, ez dio tarterik utzi belgikarrari, eta elkarrekin iritsi dira helmugaraino.
Evenepoel gailendu da azken metroetan, eta Vismako txirrindulari estatubatuarrak eskuratu du Paris-Niza lasterketa.
ETAPA:
1. EVENEPOEL Remco (Soudal Quick-Step) 2:50:03
2. JORGENSON Matteo (Team Visma) d.b.
3. VLASOV Aleksandr (BORA) 0:50
4. SKJELMOSE Mattias (Lidl - Trek) 1:39
5. MCNULTY Brandon (UAE) d.b.
6. BATTISTELLA Samuele (Astana) 2:13
7. STORER Michael (Tudor) d.b.
8. GALL Felix (AG2R) d.b.
9. BERNAL Egan (INEOS) d.b.
10. PLAPP Luke (Team Jayco) d.b.
SAILKAPEN NAGUSIA
1. JORGENSON Matteo (Team Visma) 27:50:23
2. EVENEPOEL Remco (Soudal Quick-Step) 0:30
3. MCNULTY Brandon (UAE) 1:47
4. SKJELMOSE Mattias (Lidl - Trek) 2:22
5. VLASOV Aleksandr (BORA) 2:57
6. PLAPP Luke (Team Jayco) 3:08
7. BERNAL Egan (INEOS) 4:03
8. KELDERMAN Wilco (Team Visma) 4:04
9. GALL Felix (AG2R) 4:35
10. ROGLIC Primož (BORA) 5:33
Zure interesekoa izan daiteke
Vingegaardek kolpe bikoitza eman du Uchonen, eta Ayusok erorikoa izan eta lasterketa utzi behar izan du
Danimarkako txirrindularia lasterketako lider berria da laugarren etapan bakarrik helmugaratu ondoren. Vingegaardek erasoa jo du helmugatik 1000 metrora, eta atzean utzi ditu Daniel Felipe Martinez eta Tim Van Dijke.
Jonas Vingegaardi laugarren etaparen garaipena eman dion erasoaldia eta helmugaratzea
Kilometro baten faltan, Jonas Vingegaardek (VISMA) eraso egin eta lasterketa ondo bideratuta utziko duen garaipena lortu du. 42 segunduko desberdintasunarekin helmugaratu da Daniel Felipe Martínez (Red Bull-BORA), jarraian, Tim Van Dijke (Red Bull-BORA).
Andresenek esprintean hegan egin du, Del Torok kontrolatzen duen Tirreno-Adriatico lasterketan
23 urteko danimarkarra jaun eta jabe izan da Magliano de 'Marsiko helmugan, Jonathan Milan eta Jasper Philipsen bezalako faboritoen aurretik. Milan bera etapako podiumetik urrun geratu da bere erasoa goizegi abiatuta.
Bi kuloterekin atera da Jonas Vingegaard Paris-Nizako laugarren etapan
Lehenago ikusi gabekoa egin du Jonas Vingegaardek: Bi kuloterekin atera da lasterketako laugarren etapara. Xira, maillot luze bat, bigarren xira bat, bigarren maillota eta bi kulot zeramatzan danimarkarrak soinean.
Juan Ayusok Paris-Niza utzi behar izan du, eroriko batengatik, lasterketako lider zebilela
Lidl-Trekeko txirrindularia laugarren etapa amaitzeko 47 kilometro gelditzen zirela jausi da, asteazkenean, eta proba utzi du; maillot horia zeraman, hirugarren etapan lortu baitzuen.
Ineosek irabazi du taldekako erlojupekoa, baina Lidl Trekeko Juan Ayuso jarri da lider
Taldekako erlojupeko zirraragarri baten ostean banatu da harrapakina, eta valentziarrak hartu du lidertza sailkapen nagusian, Jonas Vingegaard aurkari zuzenak segundo gutxi batzuk urrunduta.
Horrela helmugaratu dira Paris-Nizako taldekako erlojupeko lehenengo hiru taldeak
INEOS Grenadiersek irabazi du Paris-Nizako taldekako erlojupekoa. Hirugarren etapa honetan, Lidl-Trek taldea geratu da bigarren eta Decathlon hirugarren. Sailkapen nagusian Juan Ayuso da garaile.
Van der Poelek irabazi du esprinta, baina Del Toro da lider berria Tirreno-Adriatico lasterketan
San Gimignano mendateko amaierak bukaera zirraragarria eskaini du itsasoen arteko bigarren etapan. Txirrindulari holandarrak mexikarra eta Giulio Pellizzari italiarra gainditu ditu helmugan.
Max Kanterrek irabazi du esprinta Montargisen, eta Lampertik elastiko horiari eutsi dio
Esprint desordenatu eta estu batean, Astanako alemaniarrak urrutitik ekin dio helmugako zuzengunean eta lasterketaren buruari eutsi dio, etapa irabazle gisa besoak altxatu arte.
2026ko Paris-Nizako bigarren etapako azken kilometroa
XDS Astana Team taldeko Max Kanter alemaniarrak irabazi du Paris-Niza lasterketako bigarren etapa. UCI World Tourreko lasterketa batean lortzen duen lehen garaipena da. Laurence Pithie (Red Bull – BOra) izan da bigarren eta Jasper Stuyven (Soudal Quick-Step), hirugarren.