Roglicek irabazi du 2023ko Burgosko Itzulia, azken etapan garaipena bereganatuta
Primoz Roglic (Jumbo-Visma) da 2023ko Burgosko Itzuliko irabazlea. Gainera, esloveniarrak azken etapan garaipena bereganatuta biribildu du lasterketan egindako lan ona.
Larunbat honetan, abuztuaren 19an, jokatu da bosgarren etapa, Golmayo eta Lagunas de Neila (160 km) artekoa. Eguneko ihesaldian ibili da Carlos Canal Euskaltel-Euskadi taldeko txirrindularia Jetse Bolekin (Burgos-BH) eta Joe Dombrowskirekin (Astana Qazaqstan) batera, baina tropelak harrapatu egin ditu helmuga iristeko 7 kilometro falta zirenean, eta hortxe amaitu dira etapa garaipena poltsikoratzeko haien aukerak.
Azken igoeran erabaki da etapako irabazlea, eta Lagunas de Neilako maldetan gora Roglic izan da indartsuena. Primoz Roglicen atzetik helmugaratu dira Adam Yates (bigarren) eta Alexandr Vlasov (hirugarren), denbora berean.
Ondorioz, Primoz Roglicek amaitu du lasterketa sailkapen nagusiko lehen postuan. Vlasov (Bora-hansgrohe) izan da bigarren eta Adam Yatesek (UAE Emirates) osatu du podiuma, Burgosko Itzulia hirugarren postuan amaituta.
5. etapako sailkapena:
1 - ROGLIC Primož (Jumbo-Visma) 4:08:31
2 - YATES Adam (UAE) d. b.
3 - VLASOV Aleksandr (BORA) d. b.
4 - VINE Jay (UAE) +0:30
5 - RUBIO Einer Augusto (Movistar) +0:48
6 - BUITRAGO Santiago (Bahrain) d. b.
7 - HOWSON Damien (Q36.5 Pro) +0:53
8 - VALTER Attila (Jumbo) +1:03
9 - CARUSO Damiano (Bahrain) d. b.
10 - CAICEDO Jonathan Klever (EF E) d. b.
Sailkapen nagusia:
1 - ROGLIC Primož (Jumbo) 16:24:49
2 - VLASOV Aleksandr (BORA) +0:39
3 - YATES Adam (UAE) +0:42
4 - HOWSON Damien (Q36.5 Pro) +2:07
5 - RUBIO Einer Augusto (Movistar) +3:25
6 - BENNETT George (UAE) +3:39
7 ROMO Javier (Astana) +3:42
8 - VINE Jay (UAE) +4:33
9 - LOPEZ Harold Martín (Astana) +5:23
10 - BOU Joan (Euskaltel) +5:27
Zure interesekoa izan daiteke
Ineosek irabazi du taldekako erlojupekoa, baina Lidl Trekeko Juan Ayuso jarri da lider
Taldekako erlojupeko zirraragarri baten ostean banatu da harrapakina, eta valentziarrak hartu du lidertza sailkapen nagusian, Jonas Vingegaard bezalako aurkari zuzenak segundo gutxi batzuk urrunduta.
Horrela helmugaratu dira Paris-Nizako taldekako erlojupeko lehenengo hiru taldeak
INEOS Grenadiersek irabazi du Paris-Nizako taldekako erlojupekoa. Hirugarren etapa honetan, Lidl-Trek taldea geratu da bigarren eta Decathlon hirugarren. Sailkapen nagusian Juan Ayuso da garaile.
Van der Poelek irabazi du esprinta, baina Del Toro da lider berria Tirreno-Adriatico lasterketan
San Gimignano mendateko amaierak bukaera zirraragarria eskaini du itsasoen arteko bigarren etapan. Txirrindulari holandarrak mexikarra eta Giulio Pellizzari italiarra gainditu ditu helmugan.
Max Kanterrek irabazi du esprinta Montargisen, eta Lampertik elastiko horiari eutsi dio
Esprint desordenatu eta estu batean, Astanako alemaniarrak urrutitik ekin dio helmugako zuzengunean eta lasterketaren buruari eutsi dio, etapa irabazle gisa besoak altxatu arte.
2026ko Paris-Nizako bigarren etapako azken kilometroa
XDS Astana Team taldeko Max Kanter alemaniarrak irabazi du Paris-Niza lasterketako bigarren etapa. UCI World Tourreko lasterketa batean lortzen duen lehen garaipena da. Laurence Pithie (Red Bull – BOra) izan da bigarren eta Jasper Stuyven (Soudal Quick-Step), hirugarren.
Gannak bere legea ezarri eta Tirreno-Adriatico lasterketako erlojupekoa irabazi du berriro
Italiarra da Lido Di Camaioren hasi eta bukatzen den 11,5 kilometroko ibilbidearen erregea, Tirreniar eta Adriatiko itsasoen arteko lasterketaren hasierako lau erlojupeko (2022, 2023, 2025 eta 2026) irabazi baititu.
Luke Lampertik irabazi du 2026ko Paris Nizako lehen etapa
Lampertik (EF Education EasyPost) esprintean eskuratu du garaipena, eta Vito Braek (Lotto-Intermarche) eta Orluis Aularrek (Movistar Team) txirrindulariek osatu dute podiuma.
Pogacarrek marka ondu du Strade Bianchen, eta Chabbey nagusitu da emakumezkoetan
Tadej Pogacar dugu proba hori lau aldiz irabazi duen lehen gizonezkoa; Elise Chabbeyk, bere aldetik, garaipen ikusgarria lortu du emakumezkoetan.
Cata Soto, Txileko erlojupeko txapelduna
Laborak Kutxako txirrindulariak erlojupeko hirugarren urrea poltsikoratu du Txileko Txapelketan (2022, 2025 eta 2026), eta urteko hirugarren garaipena lortu du, otsailean El Salvadorko Tourrean bi lasterketa irabazi ondoren.
2026eko Paris-Niza, zuzenean, EITBn, igandetik aurrera
Course au Soleil (Eguzkiaren Lasterketa) Acheresetik, lasterketa lehen aldiz hartuko duen hiritik, abiatuko da eta astebete geroago iritsiko da Nizara. Lasterketa zuzenean jarraitu ahal izango da ETB1en eta kirolakeitb.eusen 15:30etik aurrera.