Jumbo-Vismak irabazi du Burgosko Itzuliko taldekako erlojupekoa, eta Valter da lider berria
Jumbo-Vismak irabazi du Burgosko Itzuliko bigarren etapa, taldekako erlojupekoa, asteazken honetan, abuztuaren 16an, eta Attila Valter (Jumbo-Visma) da orain lasterketako líder.
Erabat nagusi izan da Jumbo-Visma Oñan hasi eta Poza de la Salen amaitutako 13 kilometroko ibilbidean. Herbehereetako taldeak 14 minutu eta 38 segundo behar izan ditu ibilbidea osatzeko, eta marka horrekin irabazi du etapa. Movistar izan da bigarren, 19 segundora, eta Bora-Hansgrohe geratu da hirugarren, 30era. Borak segundo bakarra atera dio laugarren sailkatuari, Bahrain Victorious taldeari.
Kern Pharma zazpigarren izan da etapan, irabazlearekiko 47 segundora; Euskaltel-Euskadik hamargarren postuan amaitu du, 55era, eta Caja Rural hamabigarren, 56ra.
Ondorioz, Attila Valter Jumbo-Vismako txirrindularia da sailkapen nagusiko liderra, eta Jan Tratnik, Koen Bowman eta Primoz Roglic taldekidak dira bigarren, hirugarren eta laugarren, hurrenez hurren, liderraren denbora berean. Atzetik, bosgarren da Ivan Garcia Cortina (Movistar), 13 segundora. Bestalde, Oier Lazkano (Movistar) da euskal txirrindularirik onena sailkapen nagusian, seigarren postuan, Valterrekiko 19 segundora.
2. etapako sailkapena:
1 - JUMBO-VISMA 14:38
2 - MOVISTAR +0:19
3 - BORA-HANSGROHE +0:30
4 - BAHRAIN VICTORIOUS +0:31
5 - UAE EMIRATES +0:34
6 - EF EDUCATION-EASY POST +0:42
7 - KERN PHARMA +0:47
8 - ASTANA KAZAKHSTAN +0:52
9 - Q36.5 PRO CYCLING +0:53
10 - EUSKALTEL-EUSKADI +0:55
---------------------------------------
12 - CAJA RURAL-SEGUROS RGA +0:56
Sailkapen nagusia:
1 - VALTER Attila (Jumbo) 3:53:36
2 - TRATNIK Jan (Jumbo) d. b.
3 - BOUWMAN Koen (Jumbo) d. b.
4 - ROGLIC Primož (Jumbo) d. b.
5 - GARCÍA CORTINA Iván (Movistar) +0:13
6 - LAZKANO Oier (Movistar) +0:19
7 - RUBIO Einer Augusto (Movistar) d. b.
8 - VERONA Carlos (Movistar) d. b.
9 - VLASOV Aleksandr (BORA) +0:30
10 - LIPOWITZ Florian (BORA) d. b.
Zure interesekoa izan daiteke
Ineosek irabazi du taldekako erlojupekoa, baina Lidl Trekeko Juan Ayuso jarri da lider
Taldekako erlojupeko zirraragarri baten ostean banatu da harrapakina, eta valentziarrak hartu du lidertza sailkapen nagusian, Jonas Vingegaard bezalako aurkari zuzenak segundo gutxi batzuk urrunduta.
Horrela helmugaratu dira Paris-Nizako taldekako erlojupeko lehenengo hiru taldeak
INEOS Grenadiersek irabazi du Paris-Nizako taldekako erlojupekoa. Hirugarren etapa honetan, Lidl-Trek taldea geratu da bigarren eta Decathlon hirugarren. Sailkapen nagusian Juan Ayuso da garaile.
Van der Poelek irabazi du esprinta, baina Del Toro da lider berria Tirreno-Adriatico lasterketan
San Gimignano mendateko amaierak bukaera zirraragarria eskaini du itsasoen arteko bigarren etapan. Txirrindulari holandarrak mexikarra eta Giulio Pellizzari italiarra gainditu ditu helmugan.
Max Kanterrek irabazi du esprinta Montargisen, eta Lampertik elastiko horiari eutsi dio
Esprint desordenatu eta estu batean, Astanako alemaniarrak urrutitik ekin dio helmugako zuzengunean eta lasterketaren buruari eutsi dio, etapa irabazle gisa besoak altxatu arte.
2026ko Paris-Nizako bigarren etapako azken kilometroa
XDS Astana Team taldeko Max Kanter alemaniarrak irabazi du Paris-Niza lasterketako bigarren etapa. UCI World Tourreko lasterketa batean lortzen duen lehen garaipena da. Laurence Pithie (Red Bull – BOra) izan da bigarren eta Jasper Stuyven (Soudal Quick-Step), hirugarren.
Gannak bere legea ezarri eta Tirreno-Adriatico lasterketako erlojupekoa irabazi du berriro
Italiarra da Lido Di Camaioren hasi eta bukatzen den 11,5 kilometroko ibilbidearen erregea, Tirreniar eta Adriatiko itsasoen arteko lasterketaren hasierako lau erlojupeko (2022, 2023, 2025 eta 2026) irabazi baititu.
Luke Lampertik irabazi du 2026ko Paris Nizako lehen etapa
Lampertik (EF Education EasyPost) esprintean eskuratu du garaipena, eta Vito Braek (Lotto-Intermarche) eta Orluis Aularrek (Movistar Team) txirrindulariek osatu dute podiuma.
Pogacarrek marka ondu du Strade Bianchen, eta Chabbey nagusitu da emakumezkoetan
Tadej Pogacar dugu proba hori lau aldiz irabazi duen lehen gizonezkoa; Elise Chabbeyk, bere aldetik, garaipen ikusgarria lortu du emakumezkoetan.
Cata Soto, Txileko erlojupeko txapelduna
Laborak Kutxako txirrindulariak erlojupeko hirugarren urrea poltsikoratu du Txileko Txapelketan (2022, 2025 eta 2026), eta urteko hirugarren garaipena lortu du, otsailean El Salvadorko Tourrean bi lasterketa irabazi ondoren.
2026eko Paris-Niza, zuzenean, EITBn, igandetik aurrera
Course au Soleil (Eguzkiaren Lasterketa) Acheresetik, lasterketa lehen aldiz hartuko duen hiritik, abiatuko da eta astebete geroago iritsiko da Nizara. Lasterketa zuzenean jarraitu ahal izango da ETB1en eta kirolakeitb.eusen 15:30etik aurrera.