Adam Yatesek irabazi du Romandiako Tourra, eta Gaviria gailendu da azken etapan
UAE Team Emirates taldeko Adam Yates britainiarrak irabazi du Romandiako Tourra. Yates sailkapeneko lehen postuan zen larunbatetik. Igande honetan, bosgarren eta azken etapa jokatu dute eta garaipena Fernando Gaviria kolonbiarrak (Movistar) lortu du, esprintean.
Urteko bigarren garaipena lorteko, Gaviriak denborarik onena egin du Vuflens-la Ville eta Geneva artean. Ibilbide gorabeheratsua izan du azken etapak, bigarren eta hirugarren mailako mendateekin. Gaviria Niklas Arndt alemaniarrari (Bahrain-Victorius) eta Ethan Hayter britainiarrari (INEOS-Grebadiers) gailendu zaizkie azken metroetan. Adam Yates talde nagusian ondo babestuta sartu da, 25. postuan.
Yatesek Matteo Jorgenson (Movistar) bigarrenari 19 segundoko aldearekin irabazi du Romandiako Tourra, larunbatean Thyon 2000 mendatean lidertza lortu ostean. Damiano Caruso italiarrak lortu du hirugarren postuan, 27 segundora.
Gaviriak helmugatik 300 metrora hasi du esprinta. Azken bihurgunearen ostean lasterketa buruan jarri da eta postu horri eutsi dio amaiera arte, aurkariak bera gainditzen saiatu diren arren.
ETAPAKO SAILKAPENA
1 - GAVIRIA Fernando (Movistar) 3:58:01
2 - ARNDT Nikias (Bahrain) d. b.
3 - HAYTER Ethan (INEOS) d. b.
4 - MENTEN Milan (Lotto) d. b.
5 - GAROFOLI Gianmarco (Astana) d. b.
6 - MOZZATO Luca (Arkéa) d. b.
7 - ASKEY Lewis (Groupama) d. b.
8 - CORT Magnus (EF E) d. b.
9 - SOBRERO Matteo (Jayco) d. b.
10 - SMITH Dion (Intermarché) d. b.
SAILKAPEN NAGUSIA
1 - YATES Adam (UAE) 17:12:42
2 - JORGENSON Matteo (Movistar) + 0:19
3 - CARUSO Damiano (Bahrain) - Victorious + 0:27
4 - POOLE Max (DSM) + 0:38
5 - PINOT Thibaut (Groupama) + 0:41
6 - UIJTDEBROEKS Cian (BORA) + 1:21
7 - BARDET Romain (DSM) 1:28
8 - BERNAL Egan (INEOS) + 1:53
9 - DUNBAR Eddie (Jayco) d. b.
10 - MAJKA Rafal (UAE) + 2:07
12 - CASTROVIEJO Jonathan (INEOS) + 2:30
Zure interesekoa izan daiteke
Ineosek irabazi du taldekako erlojupekoa, baina Lidl Trekeko Juan Ayuso jarri da lider
Taldekako erlojupeko zirraragarri baten ostean banatu da harrapakina, eta valentziarrak hartu du lidertza sailkapen nagusian, Jonas Vingegaard bezalako aurkari zuzenak segundo gutxi batzuk urrunduta.
Horrela helmugaratu dira Paris-Nizako taldekako erlojupeko lehenengo hiru taldeak
INEOS Grenadiersek irabazi du Paris-Nizako taldekako erlojupekoa. Hirugarren etapa honetan, Lidl-Trek taldea geratu da bigarren eta Decathlon hirugarren. Sailkapen nagusian Juan Ayuso da garaile.
Van der Poelek irabazi du esprinta, baina Del Toro da lider berria Tirreno-Adriatico lasterketan
San Gimignano mendateko amaierak bukaera zirraragarria eskaini du itsasoen arteko bigarren etapan. Txirrindulari holandarrak mexikarra eta Giulio Pellizzari italiarra gainditu ditu helmugan.
Max Kanterrek irabazi du esprinta Montargisen, eta Lampertik elastiko horiari eutsi dio
Esprint desordenatu eta estu batean, Astanako alemaniarrak urrutitik ekin dio helmugako zuzengunean eta lasterketaren buruari eutsi dio, etapa irabazle gisa besoak altxatu arte.
2026ko Paris-Nizako bigarren etapako azken kilometroa
XDS Astana Team taldeko Max Kanter alemaniarrak irabazi du Paris-Niza lasterketako bigarren etapa. UCI World Tourreko lasterketa batean lortzen duen lehen garaipena da. Laurence Pithie (Red Bull – BOra) izan da bigarren eta Jasper Stuyven (Soudal Quick-Step), hirugarren.
Gannak bere legea ezarri eta Tirreno-Adriatico lasterketako erlojupekoa irabazi du berriro
Italiarra da Lido Di Camaioren hasi eta bukatzen den 11,5 kilometroko ibilbidearen erregea, Tirreniar eta Adriatiko itsasoen arteko lasterketaren hasierako lau erlojupeko (2022, 2023, 2025 eta 2026) irabazi baititu.
Luke Lampertik irabazi du 2026ko Paris Nizako lehen etapa
Lampertik (EF Education EasyPost) esprintean eskuratu du garaipena, eta Vito Braek (Lotto-Intermarche) eta Orluis Aularrek (Movistar Team) txirrindulariek osatu dute podiuma.
Pogacarrek marka ondu du Strade Bianchen, eta Chabbey nagusitu da emakumezkoetan
Tadej Pogacar dugu proba hori lau aldiz irabazi duen lehen gizonezkoa; Elise Chabbeyk, bere aldetik, garaipen ikusgarria lortu du emakumezkoetan.
Cata Soto, Txileko erlojupeko txapelduna
Laborak Kutxako txirrindulariak erlojupeko hirugarren urrea poltsikoratu du Txileko Txapelketan (2022, 2025 eta 2026), eta urteko hirugarren garaipena lortu du, otsailean El Salvadorko Tourrean bi lasterketa irabazi ondoren.
2026eko Paris-Niza, zuzenean, EITBn, igandetik aurrera
Course au Soleil (Eguzkiaren Lasterketa) Acheresetik, lasterketa lehen aldiz hartuko duen hiritik, abiatuko da eta astebete geroago iritsiko da Nizara. Lasterketa zuzenean jarraitu ahal izango da ETB1en eta kirolakeitb.eusen 15:30etik aurrera.