Flèche Wallonne 2023: profila, ibilbidea eta parte-hartzaileak
Flèche Wallonne klasikoak asteazken honetan, hilaren 19an, jokatuko ditu emakumezkoen eta gizonezkoen lasterketak. Hain zuzen, 26. edizioa beteko du aurten emakumezkoen probak, eta 87.a, berriz, gizonezkoenak; biak ala biak UCI WorldTour mailakoak dira, hau da, mailarik altuena dute. EITBk zuzenean emango du 2023ko Flèche Wallonne klasikoa, 14:30etik aurrera, eitb.eus-en eta ETBn; Euskal Telebistan, proba ETB4n izango da ikusgai 15:15era arte, eta, jarraian, ordu horretatik aurrera, ETB1en.
Egun bakarreko lasterketak kontuan izanik, Flèche Wallonne proba garrantzitsuenetakoa da. Urtero bezala, aurten ere Amstel Gold Race eta Lieja-Bastogne-Lieja lasterketak jokatzen diren astean bertan egingo da. Amstel Gold Race klasikoa igandean jokatu dute, eta Demi Vollering (SD Worx) eta Tadej Pogacar (UAE Team) nagusitu dira, eta Lieja-Bastogne-Lieja hurrengo igandean jokatuko da. Belgikan egiten dituzte hirurak, eta Ardenetako Triptikoa osatzen dute. Flèche Wallonne Huyko Harresian amaitzen da; 1,3 kilometroko igoera gogorra da, eta batez beste % 9,6ko maldak ditu.
Gizonezkoen lasterketa 11:50ean hasiko da, Herven, eta antolatzaileen aurreikuspena da 16:15 eta 16:41 bitartean bukatzea, 194,2 kilometro eginda. Tadej Pogacar da, zalantzarik gabe, proba irabazteko hautagai nagusia. UAE Team taldeko liderra ezin hobeto dabil 2023ko denboraldian; besteak beste, Andaluziako Itzulia, Paris-Niza, Flandriako Itzulia eta Amstel Gold Race klasikoa eskuratu ditu. Flèche Wallonnen, ondoen ibili den urtean, 2020an, bederatzigarren amaitu zuen, baina garaipenaren bila abiatuko da aurten.
Pogacar ez ezik, beste hainbat txirrindularik ere aukerak dituzte Huyn garaipena erdiesteko. Besteak beste, hauek izango dira Herveko irteeran: Tom Pidcock (Ineos - Grenadiers), David Gaudu (Groupama – FDJ), Benoit Cosnefroy (AG2R) eta Mikel Landa (Bahrain – Victorious). Halaber, Pello Bilbao (Bahrain – Victorious), Ion Izagirre (Cofidis), Michal Kwiatkowski (Ineos – Grenadiers), Enric Mas (Movistar) eta Sergio Higuita (Bora – hansgrohe) prest daude lasterketa bikaina egiteko, eta hori bera egiten saiatuko dira Gorka Izagirre eta Alex Aranburu (Movistar) eta Jonathan Lastra (Cofidis). Kern Pharma taldeak ere parte hartuko du.
2023KO FLÈCHE WALLONNE KLASIKOAREN PROFILA (GIZONEZKOEN LASTERKETA)
Aurretik, emakumezkoen lasterketa jokatuko dute; Huyn izango da irteera, 08:42an, eta 11:58 eta 12:20 bitartean helduko da lehen sailkatua helmugara, 127,3 kilometro egin ondoren. Marta Cavalli (FDJ – Suez) italiarrak 2022an lortutako garaipena errepikatzea izango du helburu, eta Cecilie Uttrup Ludwig danimarkarra izango du lagun horretarako. Demi Vollering (SD Worx) herbeheretarra da faborito nagusia Cavalliren lekukoa hartzeko, eta Silvia Persico (UAE Team) italiarrak ere emango du zeresanik.
Annemiek van Vleuten eta Liane Lippert (Movistar), Fem van Empel (Jumbo – Visma) eta Shirin van Anrooij, Lizzie Deignan eta Elisa Longo Borghini (Trek – Segafredo), halaber, Flèche Wallonne klasikoan irtengo dira. Ane Santesteban izango da euskal txirrindularitzaren ordezkaria; errenteriarra sasoi onean dago, eta Amstel Gold lasterketan hamabigarren postuan sartu zen.
2023KO FLÈCHE WALLONNE KLASIKOAREN PROFILA (EMAKUMEZKOEN LASTERKETA)
Zure interesekoa izan daiteke
Ineosek irabazi du taldekako erlojupekoa, baina Lidl Trekeko Juan Ayuso jarri da lider
Taldekako erlojupeko zirraragarri baten ostean banatu da harrapakina, eta valentziarrak hartu du lidertza sailkapen nagusian, Jonas Vingegaard bezalako aurkari zuzenak segundo gutxi batzuk urrunduta.
Horrela helmugaratu dira Paris-Nizako taldekako erlojupeko lehenengo hiru taldeak
INEOS Grenadiersek irabazi du Paris-Nizako taldekako erlojupekoa. Hirugarren etapa honetan, Lidl-Trek taldea geratu da bigarren eta Decathlon hirugarren. Sailkapen nagusian Juan Ayuso da garaile.
Van der Poelek irabazi du esprinta, baina Del Toro da lider berria Tirreno-Adriatico lasterketan
San Gimignano mendateko amaierak bukaera zirraragarria eskaini du itsasoen arteko bigarren etapan. Txirrindulari holandarrak mexikarra eta Giulio Pellizzari italiarra gainditu ditu helmugan.
Max Kanterrek irabazi du esprinta Montargisen, eta Lampertik elastiko horiari eutsi dio
Esprint desordenatu eta estu batean, Astanako alemaniarrak urrutitik ekin dio helmugako zuzengunean eta lasterketaren buruari eutsi dio, etapa irabazle gisa besoak altxatu arte.
2026ko Paris-Nizako bigarren etapako azken kilometroa
XDS Astana Team taldeko Max Kanter alemaniarrak irabazi du Paris-Niza lasterketako bigarren etapa. UCI World Tourreko lasterketa batean lortzen duen lehen garaipena da. Laurence Pithie (Red Bull – BOra) izan da bigarren eta Jasper Stuyven (Soudal Quick-Step), hirugarren.
Gannak bere legea ezarri eta Tirreno-Adriatico lasterketako erlojupekoa irabazi du berriro
Italiarra da Lido Di Camaioren hasi eta bukatzen den 11,5 kilometroko ibilbidearen erregea, Tirreniar eta Adriatiko itsasoen arteko lasterketaren hasierako lau erlojupeko (2022, 2023, 2025 eta 2026) irabazi baititu.
Luke Lampertik irabazi du 2026ko Paris Nizako lehen etapa
Lampertik (EF Education EasyPost) esprintean eskuratu du garaipena, eta Vito Braek (Lotto-Intermarche) eta Orluis Aularrek (Movistar Team) txirrindulariek osatu dute podiuma.
Pogacarrek marka ondu du Strade Bianchen, eta Chabbey nagusitu da emakumezkoetan
Tadej Pogacar dugu proba hori lau aldiz irabazi duen lehen gizonezkoa; Elise Chabbeyk, bere aldetik, garaipen ikusgarria lortu du emakumezkoetan.
Cata Soto, Txileko erlojupeko txapelduna
Laborak Kutxako txirrindulariak erlojupeko hirugarren urrea poltsikoratu du Txileko Txapelketan (2022, 2025 eta 2026), eta urteko hirugarren garaipena lortu du, otsailean El Salvadorko Tourrean bi lasterketa irabazi ondoren.
2026eko Paris-Niza, zuzenean, EITBn, igandetik aurrera
Course au Soleil (Eguzkiaren Lasterketa) Acheresetik, lasterketa lehen aldiz hartuko duen hiritik, abiatuko da eta astebete geroago iritsiko da Nizara. Lasterketa zuzenean jarraitu ahal izango da ETB1en eta kirolakeitb.eusen 15:30etik aurrera.