Davide Rebellin Italiako txirrindularitzako txapeldun ohia hil da
Txirrindularitzako Munduko txapeldunorde (2004) izan zen Davide Rebellin italiarra asteazken honetan hil da kamioi batek harrapatuta, Montebello Vicentino udalerriaren inguruan (Italiako ipar-ekialdea), tokiko hedabideen arabera.
La Gazzetta dello Sport egunkariak jakinarazi duenez, Rebellin (51 urte) bizikletan zihoan kamioi batek harrapatu duenean. Hala ere, kamioi horrek aurrera jarraitu du harrapaketaz ohartu gabe.
Klasikoetan espezialista, Rebellinek hogeita hamar urte eman zituen pedalei eragiten. Bertan, besteak beste, Italiako Giroko etapa bat (1996), hiru Flèche Wallonne (2004, 2007 eta 2009), Lieja-Bastogne-Lieja (2004), Donostiako Klasiko bat (1997) eta Amstel Gold Race bat (2004) irabazi zituen. Historiako lehena izan zen aipatutako azken lehiaketa hori irabazten 2004. urtean.
2008an polemika handian murgilduta egon zen Pekingo Olinpiar Jokoetan dopinaren aurkako kontrol batean positibo emateagatik. Txapelketa horretan, zilarrezko domina lortu zuen errepideko proban Samuel Sanchez asturiarraren atzetik.
Rebellinek domina eta diploma olinpikoa itzuli behar izan zituen, baina, zazpi urte geroago, Paduako (Italiako iparraldea) Auzitegiak absolbitu egin zuen.
Bere azken garaipena 2017ko Irango Tourreko bosgarren etapan izan zen Kuwait-Cartucho.es taldean, eta bere egungo taldea Work Service Vitalcare Vega italiarra zen. Hala ere, lorpenik handienak Gerolsteinerren izan zituen, 2002tik hasi eta 2008an desagertu zen arte.
Hildakoak 61 garaipen zituen bere palmaresean. Bere azken lasterketa Venetoko klasikoa izan zen, aurtengo urriaren 16an jokatu zena.
Zure interesekoa izan daiteke
Yuliia Biriukovak (Laboral Kutxa) bigarren postu bikaina lortu du San Salvadorko Sari Nagusian
Francesca Hall (Roland Cogeas Cycling) britainiarra nagusitu da azken igoeran, baina Laboral Kutxako txirrindulariak erritmo altuari eutsi dio bigarren postua lortzeko, segundo gutxi batzuk geroago helmugaratuta.
Laboral Kutxa-Euskadi eta Caja Rural-Seguros RGA taldeek 2026ko Flèche Wallonne eta Lieja-Bastogne-Lieja lasterketetan parte hartuko dute
Euskal taldeek Ardeetako Trilogia osatzen duten bigarren eta hirugarren klasikoetan parte hartzeko gonbidapena jaso dute. Gainera, Kern Pharmak ere gizonezkoen Lieja-Bastogne-Lieja lasterketan parte hartuko du.
Mikel Landa eta Euskaltel-Euskadi, Caja Rural-Seguros RGA eta Kern Pharma taldeak 2026ko Kataluniako itzulian egonen dira
Lasterketa martxoaren 23tik 29ra jokatuko dute. Bertan, besteak beste, Jonas Vingegaard, Remco Evenepoel, Joao Almeida, Florian Lipowitz eta Tom Pidcock ere egonen dira.
Catalina Soto Laboral Kutxa-Euskadi taldeko txirrindulariak irabazi du El Salvadorreko Tourreko hirugarren etapa
Euskal taldearen hirugarren garaipena da lasterketan, Sotok berak atariko etapa bereganatu baitzuen, eta Marjolein Vant Geloof Herbeheretako txirrindulariak, aurreneko etapa.
Catalina Soto Laboral Kutxa-Euskadi taldeko txirrindulariak irabazi du El Salvadorko Tourraren atarikoa
Txirrindulari gaztea San Salvadorko erdigune historikoan korritutako 2,7 kilometroko ibilbidean nagusitu da, 3 minutu eta 48 segundoko denbora eginda, eta taldearen lehen garaipena lortu du UCIren lasterketa batean.
Mikel Landa eta Pello Bilbao Jaen Paraiso Interior Klasikoan izango dira, otsailaren 16an
Bi euskal txirrindulariek 169 kilometrotan asfaltoa eta landa zatiak uztartzen dituen lasterketan parte hartuko dute.
Irati Aranguren eta Aitor Hernandez, Euskadiko ziklo-kros txapeldun
Euskadiko ziklo-kros txapelketa eta Segurako bosgarren ziklo-kros saria jokatu dira igande honetan. Emakumezkoetan, Irati Aranguren izan da nagusi Segurako lokatzetan. 18 urteko usurbildarra profesionaletan arituko da datorren urtean Laboral Kutxa Euskadi taldean. Gizonezkoetan, Ismael Esteban kantabriarrak irabazi du Segurako ziklo-kros saria. Euskadiko txapela, berriz, bigarren izan den Aitor Hernandez ermuarrarentzat izan da.
Itzulia Basque Country 2026 apirilaren 6tik 11ra jokatuko da, eta Donostiako Klasikoa, abuztuaren 1ean
Gainera, Euskal Herriko errepideek Itzulia Women maiatzaren 15etik 17ra hartuko dute.
Pogacarrek historia egin du bosgarrenez jarraian Il Lombardia irabazita
Esloveniako txirrindulariak bosgarren garaipena jarraian lortu du larunbat honetan Il Lombardian, txirrindularitzaren historian mugarri berri bat sinatuz.
Usoa Ostolazak bigarren amaitu du Andaluziako Itzulian
Zarauzko txirrindulariak lehia gogorra izan du Cat Ferguson (Movistar) britainiarrarekin, baina azken horrek lortu du garaipena.