Dylan Teuns garaile Flèche Wallonne klasikoan, Valverde azpiratuta
Dylan Teunsek (Bahrain Victorious) irabazi du Fléche Wallonne klasikoa asteazken honetan (apirilak 20), Huyko azken igoeran Alejandro Valverde (Movistar) mendean hartuta. Teunsek Julian Alaphilipperen lekukoa hartu du lasterketako palmaresean.
Txirrindulari belgikarrak 4 ordu, 42 minutu eta 12 segundo behar izan ditu Blegny eta Huy arteko 202,1 kilometroko ibilbidea betetzeko. Alejandro Valverde izan da bigarren bi segundora, eta Aleksandr Vlasovek (BORA-hansgrohe) hirugarren postuan amaitu du.
Hamar gizonek osatutako ihesaldiak animatu du lasterketa helmugarako 10 kilometro falta zirenera arte. Huy bigarrenez igo dutenean, ordea, bost txirrindulari geratu dira lasterketa buruan: Impey (Israel-Premier Tech), Simon Guglielmi (Arkea), Armirail (Groupama-FDJ), Janssens (Alpecin) eta Ferron (TotalEnergies). Boskoteak tropelarekiko 55 segundoko abantailarekin amaitu du Huyko bigarren igoera. Orduan hasi dira faboritoen taldeak lanean, eta ihesaldiko txirrindulariak harrapatu dituzte.
Lasterketa irabazteko faboritoen multzoa bat eginda iritsi da Huyko azken igoerara. Helmugarako 1,3 kilometro falta zirenean hasi dira erasoak. Vansevenant, Rochas eta Kragh Andersen txirrindulariek saiakera egin dute, baina ezin izan dute aurrera egin. Ondoren, Movistarreko txirrindulariek bizitu dute erritmoa; lehenengo Carlos Veronak, eta, geroago, Enric Masek. Atzerago zetozen Julian Alaphilippe eta Tadej Pogacar. Valverdek metro batzuetako abantaila hartu du, bazirudien egoera kontrolpean zuela, baina Teunsek mendean hartu du espainiarra amaieran eta garaipena bereganatu du. Belgikarrak eragotzi egin du Valverdek lasterketa hau seigarrenez irabaztea. Vlasovek osatu du podiuma.
Julian Alaphilippe iazko txapelduna laugarren izan da. Itzulia irabazi zuen Daniel Felipe Martinezek bosgarren amaitu du. Bestalde, Tadej Pogacar 12. izan da, Teunsekiko zazpi segundora.
AZKEN SAILKAPENA:
1 - TEUNS Dylan (Bahrain) 4:42:12
2 - VALVERDE Alejandro (Movistar) +0:02
3 - VLASOV Aleksandr (BORA) d.b.
4 - ALAPHILIPPE Julian (Quick-Step) +0:05
5 - MARTÍNEZ Daniel Felipe (INEOS) +0:07
6 - WOODS Michael (Israel) d.b.
7 - GUERREIRO Ruben (EF Education) d.b.
8 - MOLARD Rudy (Groupama - FDJ) d.b.
9 - BARGUIL Warren (Team Arkéa) d.b.
10 -VUILLERMOZ Alexis (TotalEnergies) d.b.
11 - BENOOT Tiesj (Jumbo-Visma) d.b.
12 - POGACAR Tadej (UAE Team) d.b.
Zure interesekoa izan daiteke
Yuliia Biriukovak (Laboral Kutxa) bigarren postu bikaina lortu du San Salvadorko Sari Nagusian
Francesca Hall (Roland Cogeas Cycling) britainiarra nagusitu da azken igoeran, baina Laboral Kutxako txirrindulariak erritmo altuari eutsi dio bigarren postua lortzeko, segundo gutxi batzuk geroago helmugaratuta.
Laboral Kutxa-Euskadi eta Caja Rural-Seguros RGA taldeek 2026ko Flèche Wallonne eta Lieja-Bastogne-Lieja lasterketetan parte hartuko dute
Euskal taldeek Ardeetako Trilogia osatzen duten bigarren eta hirugarren klasikoetan parte hartzeko gonbidapena jaso dute. Gainera, Kern Pharmak ere gizonezkoen Lieja-Bastogne-Lieja lasterketan parte hartuko du.
Mikel Landa eta Euskaltel-Euskadi, Caja Rural-Seguros RGA eta Kern Pharma taldeak 2026ko Kataluniako itzulian egonen dira
Lasterketa martxoaren 23tik 29ra jokatuko dute. Bertan, besteak beste, Jonas Vingegaard, Remco Evenepoel, Joao Almeida, Florian Lipowitz eta Tom Pidcock ere egonen dira.
Catalina Soto Laboral Kutxa-Euskadi taldeko txirrindulariak irabazi du El Salvadorreko Tourreko hirugarren etapa
Euskal taldearen hirugarren garaipena da lasterketan, Sotok berak atariko etapa bereganatu baitzuen, eta Marjolein Vant Geloof Herbeheretako txirrindulariak, aurreneko etapa.
Catalina Soto Laboral Kutxa-Euskadi taldeko txirrindulariak irabazi du El Salvadorko Tourraren atarikoa
Txirrindulari gaztea San Salvadorko erdigune historikoan korritutako 2,7 kilometroko ibilbidean nagusitu da, 3 minutu eta 48 segundoko denbora eginda, eta taldearen lehen garaipena lortu du UCIren lasterketa batean.
Mikel Landa eta Pello Bilbao Jaen Paraiso Interior Klasikoan izango dira, otsailaren 16an
Bi euskal txirrindulariek 169 kilometrotan asfaltoa eta landa zatiak uztartzen dituen lasterketan parte hartuko dute.
Irati Aranguren eta Aitor Hernandez, Euskadiko ziklo-kros txapeldun
Euskadiko ziklo-kros txapelketa eta Segurako bosgarren ziklo-kros saria jokatu dira igande honetan. Emakumezkoetan, Irati Aranguren izan da nagusi Segurako lokatzetan. 18 urteko usurbildarra profesionaletan arituko da datorren urtean Laboral Kutxa Euskadi taldean. Gizonezkoetan, Ismael Esteban kantabriarrak irabazi du Segurako ziklo-kros saria. Euskadiko txapela, berriz, bigarren izan den Aitor Hernandez ermuarrarentzat izan da.
Itzulia Basque Country 2026 apirilaren 6tik 11ra jokatuko da, eta Donostiako Klasikoa, abuztuaren 1ean
Gainera, Euskal Herriko errepideek Itzulia Women maiatzaren 15etik 17ra hartuko dute.
Pogacarrek historia egin du bosgarrenez jarraian Il Lombardia irabazita
Esloveniako txirrindulariak bosgarren garaipena jarraian lortu du larunbat honetan Il Lombardian, txirrindularitzaren historian mugarri berri bat sinatuz.
Usoa Ostolazak bigarren amaitu du Andaluziako Itzulian
Zarauzko txirrindulariak lehia gogorra izan du Cat Ferguson (Movistar) britainiarrarekin, baina azken horrek lortu du garaipena.