Etapa garaipena eta lidergoa Richard Carapazentzat
Richard Carapazek (INEOS Grenadiers) irabazi du Suitzako Itzuliko bosgarren etapa, Leukerbad mendatean amaitu dena, eta ostegun honetara arte liderra izan den Mathieu Van der Poelen (Alpecin-Fenix) lekukoa hartu du sailkapen nagusiko lehen postuan. Bosgarren etapa, Gstaad eta Leukerbad mendatearen artean egin da, eta 172 kilometroko ibilbidea izan du.
Van der Poelek mugitu du lasterketa hasierako kilometroetan, eta lasterketaren buruan mantendu da helmugarako 30 kilometro falta ziren arte. Orduan, tropelak erritmoa bizitu, eta liderra harrapatu du amaierarako 27 kilometro falta zirenean. Geroago, Esteban Chaves (BikeExchange) y Antwan Tolhoek (Jumbo-Visma) izan dira protagonista abantaila txikia hartuta, eta Jakob Fuglsang (Astana Premier Tech) ere gehitu zaie. Fuglsangek erasoa jo du Leukerbaderako igoeran, helmugarako bost kilometro falta zirenean. Atzetik, faboritoen multzoa, Julian Alaphilippe (Deceuninck - Quick Step), Rigoberto Uran (EF Education-NIPPO), Maximilian Schachmann (BORA hansgrohe) y Domenico Pozzovivo (Team Qhubeka ASSOS) txirrindulariekin. Multzo horretan egon da Carapaz ere, eta hegoamerikarrak Fuglsangen bila jo du. Richard Carapaz eta Jakob Fuglsang batera iritsi dira azken metroetara, eta bien arteko esprintean nagusi izan da Carapaz.
Alaphilippek 20 segundoko zigorra jaso du eta sailkapen nagusiko laugarren postura jaitsi da, azken hamar kilometroetan lata bat atera baitu taldeko kotxetik, debekatuta dagoen gauza.
Ondorioz, Richard Carapaz da Suitzako Itzuliko sailkapen nagusiko liderra; bigarren den Jakob Fuglsangi 26 segundo ateratzen dizkio, eta 38 segundoko abantaila du hirugarren den Maximilian Schachmannekiko. Zigorra jaso ostean, Julian Alaphilippe laugarren da 53 segundora, eta bosgarren postuan da Rigoberto Uran 1'11"ra.
Bosgarren etapako sailkapena:
1 - CARAPAZ Richard (INEOS) 4:01:52
2 - FUGLSANG Jakob (Astana) d. b.
3 - WOODS Michael (Israel) +39"
4 - HAMILTON Lucas (BikeExchange) d. b.
5 - URAN Rigoberto (EF Education) d. b.
6 - SCHACHMANN Maximilian (BORA) d. b.
7 - ALAPHILIPPE Julian (Deceuninck) d. b.
8 - POZZOVIVO Domenico (Qhubeka) d. b.
9 - CHAVES Esteban (BikeExchange) +49"
10 - OOMEN Sam (Jumbo) +1'22"
Sailkapen nagusia:
1 - CARAPAZ Richard (INEOS) 16:42:50
2 - FUGLSANG Jakob (Astana) +26"
3 - SCHACHMANN Maximilian (BORA) +38"
4 - ALAPHILIPPE Julian (Deceuninck) +53"
5 - URAN Rigoberto (EF Education) +1'11"
6 - HAMILTON Lucas (BikeExchange) +1'31"
7 - WOODS Michael (Israel) +1'32"
8 - OOMEN Sam (Jumbo) +2'19"
9 - CHAVES Esteban (BikeExchange) +2'22"
10 - POZZOVIVO Domenico (Qhubeka) 3'10"
Zure interesekoa izan daiteke
Yuliia Biriukovak (Laboral Kutxa) bigarren postu bikaina lortu du San Salvadorko Sari Nagusian
Francesca Hall (Roland Cogeas Cycling) britainiarra nagusitu da azken igoeran, baina Laboral Kutxako txirrindulariak erritmo altuari eutsi dio bigarren postua lortzeko, segundo gutxi batzuk geroago helmugaratuta.
Laboral Kutxa-Euskadi eta Caja Rural-Seguros RGA taldeek 2026ko Flèche Wallonne eta Lieja-Bastogne-Lieja lasterketetan parte hartuko dute
Euskal taldeek Ardeetako Trilogia osatzen duten bigarren eta hirugarren klasikoetan parte hartzeko gonbidapena jaso dute. Gainera, Kern Pharmak ere gizonezkoen Lieja-Bastogne-Lieja lasterketan parte hartuko du.
Mikel Landa eta Euskaltel-Euskadi, Caja Rural-Seguros RGA eta Kern Pharma taldeak 2026ko Kataluniako itzulian egonen dira
Lasterketa martxoaren 23tik 29ra jokatuko dute. Bertan, besteak beste, Jonas Vingegaard, Remco Evenepoel, Joao Almeida, Florian Lipowitz eta Tom Pidcock ere egonen dira.
Catalina Soto Laboral Kutxa-Euskadi taldeko txirrindulariak irabazi du El Salvadorreko Tourreko hirugarren etapa
Euskal taldearen hirugarren garaipena da lasterketan, Sotok berak atariko etapa bereganatu baitzuen, eta Marjolein Vant Geloof Herbeheretako txirrindulariak, aurreneko etapa.
Catalina Soto Laboral Kutxa-Euskadi taldeko txirrindulariak irabazi du El Salvadorko Tourraren atarikoa
Txirrindulari gaztea San Salvadorko erdigune historikoan korritutako 2,7 kilometroko ibilbidean nagusitu da, 3 minutu eta 48 segundoko denbora eginda, eta taldearen lehen garaipena lortu du UCIren lasterketa batean.
Mikel Landa eta Pello Bilbao Jaen Paraiso Interior Klasikoan izango dira, otsailaren 16an
Bi euskal txirrindulariek 169 kilometrotan asfaltoa eta landa zatiak uztartzen dituen lasterketan parte hartuko dute.
Irati Aranguren eta Aitor Hernandez, Euskadiko ziklo-kros txapeldun
Euskadiko ziklo-kros txapelketa eta Segurako bosgarren ziklo-kros saria jokatu dira igande honetan. Emakumezkoetan, Irati Aranguren izan da nagusi Segurako lokatzetan. 18 urteko usurbildarra profesionaletan arituko da datorren urtean Laboral Kutxa Euskadi taldean. Gizonezkoetan, Ismael Esteban kantabriarrak irabazi du Segurako ziklo-kros saria. Euskadiko txapela, berriz, bigarren izan den Aitor Hernandez ermuarrarentzat izan da.
Itzulia Basque Country 2026 apirilaren 6tik 11ra jokatuko da, eta Donostiako Klasikoa, abuztuaren 1ean
Gainera, Euskal Herriko errepideek Itzulia Women maiatzaren 15etik 17ra hartuko dute.
Pogacarrek historia egin du bosgarrenez jarraian Il Lombardia irabazita
Esloveniako txirrindulariak bosgarren garaipena jarraian lortu du larunbat honetan Il Lombardian, txirrindularitzaren historian mugarri berri bat sinatuz.
Usoa Ostolazak bigarren amaitu du Andaluziako Itzulian
Zarauzko txirrindulariak lehia gogorra izan du Cat Ferguson (Movistar) britainiarrarekin, baina azken horrek lortu du garaipena.