Etapa eta lidergoa Woodsentzat, Thomasen zoritxarraren ostean
Michael Woods kanadarrak (Israel Start-Up Nation) Geraint Thomas britainiarrari (Ineos) nagusitu zaio esprintean Romandiako Tourreko etapa nagusian (162 kilometro Sion eta Thyon 2000 artean), eta, bide batez, Marc Solerri (Movistar) lidergoa kentzeko balio izan dio.
Woodsek bere ibilbide profesinaleko zortzigarren garaipena lortu du Thomas gaindituta, zeinarekin faboritoen taldeari aurrea hartu dion etapa amaitzeko bi kilometroren faltan. Alabaina, galestarra lurrera joan da esprinta lehiatzen ari zela, eta, azkenerako, Ben O 'Connor (AG2R) australiarra helmugaratu da bigarren tokian, irabazlearengandik 17 segundora. Thomas hirugarren izan da, 21 segundora.
Ostiraleko etapa bereganatu ostean liderraren elastikoa zeraman Soler bederatzigarren postuan helmugaratu da, Woodsengandik 53 segundora. Hartara, kanadarra da lider berria, eta 11 segundoko aldea du Thomasekiko; 21ekoa, O'Connorrekiko eta 33koa, Solerrekiko.
Etapa hasi eta berehala, 3. mailako Chamoson mendatearen igoeran, zazpi txirrindulariko ihesaldia sortu da. Bertan zeuden Josef Cerny (Deceuninck), Mads Würtz (Israel), Kobe Goossens eta Matthew Holmes (Lotto), Magnus Cort (EF Education), Simone Petilli (Wanty) eta Simon Pellaud (Androni).
Atzean, Movistarrek tropela kontrolpean zuen, Solerren lidergoa defendatzeko. Anzereko tontorretik (etapako 45. kilometroa), iheslariek 6 minutuko abantailarekin igaro dira, Suengo igoerara bitarteko 40 kilometro lauei aurre egin ahal izateko.
Euri zaparrada handi batek Suengo jaitsiera baliogabetzea behartu du lasterketako zuzendaria, eta iheslariek bost minututik gorako abantailarekin ekin diote azken mendateko aldapa gogorrei (Thyon 2000, maila berezia, 20,7 kilometro eta % 7,6ko bataz besteko aldapak).
Cort eta Petillik aurrea hartu diete iheskideei, eta tontorretik 10 kilometrora 4 minututik gorako errenta zuten lehen taldearekiko. Handik gutxira, italiarrak ezin izan du daniarraren gurpila jarraitu.
Lainopean, Marc Soler liderra bakarrik geratu da Geraint Thomas eta Richie Porte Ineos taldeko buruzagien aurrean.
Soler ez da kikildu, eta erasoa jo du helmugatik 6 kilometrora, baina ez du asko iraun ihes eginda; izan ere, tropelak berehala harrapatu ditu lehendabizi bera eta, ondoren Cort. Ordutik aurrera eraso-kolpe ugari izan dira aurreko taldean, eta azkenaurreko kilometroan Thomas eta Woods bakarrik geratu dira.
Kanadarra helmugatik 150 metrora hasi da esprintatzen eta une horretantxe Thomasek erorikoa izan du, eta Israel taldeko txirrindulariak ez du oztoporik izan helmuga marratik lehen postuan pasatzeko.
Romandiako Itzulia igande honetan amaituko da Friburgon, 16,2 kilometroko erlojupeko batekin. Ibilbidean zehar txirrindulariek 800 metroko arrapala gogor bati egin beharko diote aurre, ehuneko 13ko bataz bestekoa duena.
Zure interesekoa izan daiteke
Laboral Kutxa-Euskadi eta Caja Rural-Seguros RGA taldeek 2026ko Flèche Wallonne eta Lieja-Bastogne-Lieja lasterketetan parte hartuko dute
Euskal taldeek Ardeetako Trilogia osatzen duten bigarren eta hirugarren klasikoetan parte hartzeko gonbidapena jaso dute. Gainera, Kern Pharmak ere gizonezkoen Lieja-Bastogne-Lieja lasterketan parte hartuko du.
Mikel Landa eta Euskaltel-Euskadi, Caja Rural-Seguros RGA eta Kern Pharma taldeak 2026ko Kataluniako itzulian egonen dira
Lasterketa martxoaren 23tik 29ra jokatuko dute. Bertan, besteak beste, Jonas Vingegaard, Remco Evenepoel, Joao Almeida, Florian Lipowitz eta Tom Pidcock ere egonen dira.
Catalina Soto Laboral Kutxa-Euskadi taldeko txirrindulariak irabazi du El Salvadorreko Tourreko hirugarren etapa
Euskal taldearen hirugarren garaipena da lasterketan, Sotok berak atariko etapa bereganatu baitzuen, eta Marjolein Vant Geloof Herbeheretako txirrindulariak, aurreneko etapa.
Catalina Soto Laboral Kutxa-Euskadi taldeko txirrindulariak irabazi du El Salvadorko Tourraren atarikoa
Txirrindulari gaztea San Salvadorko erdigune historikoan korritutako 2,7 kilometroko ibilbidean nagusitu da, 3 minutu eta 48 segundoko denbora eginda, eta taldearen lehen garaipena lortu du UCIren lasterketa batean.
Mikel Landa eta Pello Bilbao Jaen Paraiso Interior Klasikoan izango dira, otsailaren 16an
Bi euskal txirrindulariek 169 kilometrotan asfaltoa eta landa zatiak uztartzen dituen lasterketan parte hartuko dute.
Irati Aranguren eta Aitor Hernandez, Euskadiko ziklo-kros txapeldun
Euskadiko ziklo-kros txapelketa eta Segurako bosgarren ziklo-kros saria jokatu dira igande honetan. Emakumezkoetan, Irati Aranguren izan da nagusi Segurako lokatzetan. 18 urteko usurbildarra profesionaletan arituko da datorren urtean Laboral Kutxa Euskadi taldean. Gizonezkoetan, Ismael Esteban kantabriarrak irabazi du Segurako ziklo-kros saria. Euskadiko txapela, berriz, bigarren izan den Aitor Hernandez ermuarrarentzat izan da.
Itzulia Basque Country 2026 apirilaren 6tik 11ra jokatuko da, eta Donostiako Klasikoa, abuztuaren 1ean
Gainera, Euskal Herriko errepideek Itzulia Women maiatzaren 15etik 17ra hartuko dute.
Pogacarrek historia egin du bosgarrenez jarraian Il Lombardia irabazita
Esloveniako txirrindulariak bosgarren garaipena jarraian lortu du larunbat honetan Il Lombardian, txirrindularitzaren historian mugarri berri bat sinatuz.
Usoa Ostolazak bigarren amaitu du Andaluziako Itzulian
Zarauzko txirrindulariak lehia gogorra izan du Cat Ferguson (Movistar) britainiarrarekin, baina azken horrek lortu du garaipena.
Pogacarrek Europako errepideko txapelketa irabazi du, beste erakustaldi batekin
Esloveniarrak 4 ordu, 59 minutu eta 29 segundoko denborarekin amaitu du lasterketa, batez beste 40,57 km/h-ko abiaduran, eta 30 segundoko aldea atera dio Evenepoeli eta 3.41ekoa Seixasi.