Volta, zuzenean, gaurtik igandera arte
Munduko txirrindularirik onenetarikoak izango dira Kataluniako Itzulian, Alejandro Valverde azken bi edizioetako irabazleari eta Movistar taldeari hirugarren garaipena lortzea oztopatzeko. Lasterketa zuzenean emango dute ETBk eta eitb.eus-ek.
Volta Movistar taldearen lasterketa kuttuna da, hiru aldiz jarraian gailendu baita bertan: birritan Valverderekin (2018-2017) eta behin Nairo Quintanarekin (2016).
Movistar taldean aritzen ez den txirrindulari baten azken garaipena 2015ean izan zen; Richie Porte gailendu zen orduan. Australiarra Trek-Segafredon dago, eta bera da 99. edizio honetako izarretako bat.
Porterekin batera, tropeleko beste izar handi batzuk izango dira Katalunian; Chris Froome britainiarra eta Egan Bernal kolonbiarra, besteak beste. Voltan parte hartu duen beste edizioetan bezala, Froome kilometro gutxirekin iritsiko da Kataluniara.
Simon Yates Espainiako Itzuliko irabazlea da beste parte-hartzaileetako bat, Adam Yates (anaia) eta Daryl Impey taldekideekin batera. Italiako Giroa prestatzera dator Kataluniara.
Horiekin batera izango dira Dan Martin (2013ko edizioko irabazlea), Enric Mas, Romain Bardet eta Thibaud Pinot. Kontuan izateko moduko txirrindulariak dira guztiak.
Lasterketa martxoaren 25ean abiatuko da, Calellan (Bartzelonan), eta martxoaren 31n amaituko da, Montjuicen, ohiko zirkuitua eginez. Aurten, 22 mendate igoko dituzte: maila bereziko bi, lehen mailako bederatzi eta hirugarren mailako hamaika.
Kataluniako Itzuliko 99. edizioko ibilbidea
- 1. etapa, martxoak 25: Calella - Calella / 164 km
- 2. etapa, martxoak 26: Mataró - Sant Feliu de Guíxols / 166,7 km
- 3. etapa, martxoak 27: Sant Feliu de Guíxols - Vallter 2000 (Setcases) / 179 km
- 4. etapa, martxoak 28: Llanars - La Molina (Alp) / 150,3 km
- 5. etapa, martxoak 29: Puigcerdà - Sant Cugat del Vallès / 188,1 km
- 6. etapa, martxoak 30: Valls - Vila-Seca / 169,1 km
- 7. etapa, martxoak 31: Bartzelona - Bartzelona / 143,1 km
Zure interesekoa izan daiteke
Vingegaardek kolpe bikoitza eman du Uchonen, eta Ayusok erorikoa izan eta lasterketa utzi behar izan du
Danimarkako txirrindularia lasterketako lider berria da laugarren etapan bakarrik helmugaratu ondoren. Vingegaardek erasoa jo du helmugatik 1000 metrora, eta atzean utzi ditu Daniel Felipe Martinez eta Tim Van Dijke.
Jonas Vingegaardi laugarren etaparen garaipena eman dion erasoaldia eta helmugaratzea
Kilometro baten faltan, Jonas Vingegaardek (VISMA) eraso egin eta lasterketa ondo bideratuta utziko duen garaipena lortu du. 42 segunduko desberdintasunarekin helmugaratu da Daniel Felipe Martínez (Red Bull-BORA), jarraian, Tim Van Dijke (Red Bull-BORA).
Andresenek esprintean hegan egin du, Del Torok kontrolatzen duen Tirreno-Adriatico lasterketan
23 urteko danimarkarra jaun eta jabe izan da Magliano de 'Marsiko helmugan, Jonathan Milan eta Jasper Philipsen bezalako faboritoen aurretik. Milan bera etapako podiumetik urrun geratu da bere erasoa goizegi abiatuta.
Bi kuloterekin atera da Jonas Vingegaard Paris-Nizako laugarren etapan
Lehenago ikusi gabekoa egin du Jonas Vingegaardek: Bi kuloterekin atera da lasterketako laugarren etapara. Xira, maillot luze bat, bigarren xira bat, bigarren maillota eta bi kulot zeramatzan danimarkarrak soinean.
Juan Ayusok Paris-Niza utzi behar izan du, eroriko batengatik, lasterketako lider zebilela
Lidl-Trekeko txirrindularia laugarren etapa amaitzeko 47 kilometro gelditzen zirela jausi da, asteazkenean, eta proba utzi du; maillot horia zeraman, hirugarren etapan lortu baitzuen.
Ineosek irabazi du taldekako erlojupekoa, baina Lidl Trekeko Juan Ayuso jarri da lider
Taldekako erlojupeko zirraragarri baten ostean banatu da harrapakina, eta valentziarrak hartu du lidertza sailkapen nagusian, Jonas Vingegaard aurkari zuzenak segundo gutxi batzuk urrunduta.
Horrela helmugaratu dira Paris-Nizako taldekako erlojupeko lehenengo hiru taldeak
INEOS Grenadiersek irabazi du Paris-Nizako taldekako erlojupekoa. Hirugarren etapa honetan, Lidl-Trek taldea geratu da bigarren eta Decathlon hirugarren. Sailkapen nagusian Juan Ayuso da garaile.
Van der Poelek irabazi du esprinta, baina Del Toro da lider berria Tirreno-Adriatico lasterketan
San Gimignano mendateko amaierak bukaera zirraragarria eskaini du itsasoen arteko bigarren etapan. Txirrindulari holandarrak mexikarra eta Giulio Pellizzari italiarra gainditu ditu helmugan.
Max Kanterrek irabazi du esprinta Montargisen, eta Lampertik elastiko horiari eutsi dio
Esprint desordenatu eta estu batean, Astanako alemaniarrak urrutitik ekin dio helmugako zuzengunean eta lasterketaren buruari eutsi dio, etapa irabazle gisa besoak altxatu arte.
2026ko Paris-Nizako bigarren etapako azken kilometroa
XDS Astana Team taldeko Max Kanter alemaniarrak irabazi du Paris-Niza lasterketako bigarren etapa. UCI World Tourreko lasterketa batean lortzen duen lehen garaipena da. Laurence Pithie (Red Bull – BOra) izan da bigarren eta Jasper Stuyven (Soudal Quick-Step), hirugarren.