Sergio Higuitak irabazi du Zornotzako etapa lehiatua
Sergio Higuita Bora-hansgrohe taldeko txirrindulari kolonbiarrak irabazi du 2023ko Itzulia Basque Country lasterketako bosgarren etapa, Zornotzan hasi eta bukatu dena ostiral honetan.
Lehen kilometroetan egin dute ihes tropeletik Mattia Cattaneo eta Remi Cavagna Soudal Quick-Step taldeko txirrindulariek. Lau minututik gorako abantaila izan dute tropelarekiko. Pixkanaka, tropela iheslariekiko zuen desabantaila murrizten hasi da.
Hala, Belarrinagako mendatean, etapako azken igoeran, Cavagna geratu egin da eta Cattaneo bakarrik ibili da lasterketa buruan. Tropela, ordea, erritmo bizian zetorren, eta amaiera eman dio Cattaneoren ihesaldiari helmugarako 20,8 kilometro falta zirenean.
Etapako azken tarteko esprintean Vingegaardek segundo bateko gainsaria hartu du; Roman Gregoirek (Groupama-FDJ) bereganatu ditu hiru segundoak eta Mattias Skjelmosek (Trek-Segafredo) bi segundoko gainsaria poltsikoratu du.
Helmugarako zortzi kilometro falta zirenean, ibilbideko azken maldatxoetan, ihes egiteko saiakerak egon dira, eta 22 txirrindulariko taldetxoa geratu da buruan; hantxe egon dira Jon Izagirre (Cofidis), Mikel Landa (Bahrain Victorious), Enric Mas (Movistar), David Gaudu (Groupama-FDJ), Matteo Sobrero (Jayco-AlUla), Simon Yates (Jayco-AlUla), Brandon McNulty (UAE Emirates), Sergio Higuita (Bora-hansgrohe), Skjelmose eta Vingegaard, besteak beste.
Taldetxoko txirrindularien artean erabaki da garailea. Esprintean Sergio Higuita izan da irabazlea, azken metroetan nagusituta. Andrea Bagioli (Soudal Quick-Step) izan da bigarren eta Skjelmose hirugarren. Jon Izagirre zazpigarren izan da, Vingegaard hamargarren eta Landa hamazortzigarren.
Bosgarren etaparen ostean Jonas Vingegaardek jarraitzen du sailkapen nagusiko lehen postuan, Mikel Landa da bigarren 13 segundora eta Gaudu hirugarren liderrarekiko 31 segundora. Jon Izagirre seigarren postuan dago Vingegaardekiko 34 segundora.
Kontsultatu Itzuliaren sailkapen guztiak, eitb.eus-en.
Zure interesekoa izan daiteke
Javier Romo etapa lehiatzeko aukerarik gabe utzi duen erorikoa
Mantxako txirrindularia lurrera joan da Izuako igoeraren amaieran, Seixas eta Lipowitzekin bat egin eta gutxira.
Izagirre: “Saiatu naiz Paul jarraitzen, baina ez zela nire erritmoa ikusi dut"
Ion Izagirre (Cofidis) Eibarren hasi eta bukatu den Itzuliko 5. etapa lehiatzeko borrokatu da. Lipowitzi eta Seixasi jarraitzen saiatu dela baina ez dela haien erritmoari eusteko gai izan esan du. Podiuma urrun duen arren, lortzen saiatuko dela adierazi du.
Paul Seixas: “Etapa gogorra izan da, eta pozik nago taldearentzat lortutako garaipenagatik"
Paul Seixas (Decathlon CMA CGM Team) txirrindulari frantziarrak Itzuliko hirugarren garaipena lortu du Eibarren. 19 urteko txirrindulariak eta Florian Lipowitzek Izuan gora hautsi dute lasterketa, eta frantziarra gailendu da Eibarko helmugan.
Paul Seixasek irabazi duen Itzuliko 5. etaparen laburpena
Paul Seixas (Decathlon) txirrindulari frantziarrak bere hirugarren etapa garaipena lortu du 2026ko Itzulian, Eibarren hasi eta bukatu den bosgarren etapan. 30 kilometroren faltan, ihesaldia jo du Florian Lipowitz (Red Bull) alemaniarrarekin batera, eta bien arteko azken esprintean erabaki da garailea.
Seixasen eta Lipowitzen arteko lehia azken kilometroan
Paul Seixas (Decathlon) Itzuliko liderrak irabazi du Eibarren abiatu eta amaitu den etapa nagusia, eta, horrela, hirugarren garaipena lortu du edizio honetan. Florian Lipowitz (Red Bull-Bora) eta Javier Romo (Movistar) izan dira bigarren eta hirugarren, hurrenez hurren.
Paul Seixas Itzuliko etapa nagusian ere jaun eta jabe
Paul Seixasek eta Florian Lipowitzek Izuan gora hautsi dute lasterketa, eta 19 urteko txirrindularia gailendu da Eibarko helmugan, Itzuliko hirugarren garaipena bereganatuta. Minutu batetik gorako atzerapenarekin iritsi dira gainerako faboritoak, tartean Primoz Roglic eta Ion Izagirre.
Auto batek Markel Beloki jo du!
Itzuliko 5. etapa lehiatzen ari zenean, helmugarako 45 kilometroren faltan, Lidl-Trek taldeko auto batek kolpe bat eman dio Markel Beloki euskal txirrindulariari. Susto galanta hartu du, baina, zorionez, ez da ezer larririk gertatu.
2026ko Itzuliko etapa nagusia (Eibar-Eibar, 176.2 km)
Ikusi zuzenean Eibarren hasi eta amaituko den 2026ko Itzuliaren 5. etaparen emanaldia. 15:05etik 18:15era arte, jardunaldiak ematen duen guztiaren berri izango duzu.
2026ko Euskal Herriko Itzuliko 5. etaparen profila eta ibilbidea: Eibar-Eibar (176,2 km)
Eibarrekoa, ziurrenik, aurtengo Euskal Herriko Itzuliko etapa nagusia da. Luzeena da, eta, ibilbidean, zortzi mendate ditu; horietako hiru, hain zuzen Azurki, Krabeliñaitz eta Izua, 1. mailakoak dira. “Aurreikuspena da faborito nagusien arteko erasoak izatea; kontuan izateko moduko aldeak markatzeko aukera dago, eta azken emaitza, hein handi batean, zehaztuta gera liteke”, diote lasterketaren antolatzaileek.