2024ko Euskal Herriko Itzuliko 4. etaparen profila, ibilbidea eta ordutegia: Etxarri Aranatz-Legutio (159 km)
2024ko Euskal Herriko Itzuliaren laugarren etapa apirilaren 4an jokatuko dute, ostegunez, 159 kilometroko ibilbidea du, eta Etxarri Aranatzen hasi eta Legution amaituko da. Txirrindulariek hiru mendate puntuagarri igo beharko dituzte, horietatik bi lasterketako azken 30 kilometroetan, alegia, jardunaldiko tarte erabakigarrian. Araban izango da proba, eguneko kilometro gehienetan.
Opakua, Olaeta, Untzilla eta Leintz Gatzaga igoko dituzte 63. Euskal Herriko Itzuliko parte-hartzaileek laugarren etapa honetan. Opakuak 40,8. kilometroan du pankarta, eta 2. mailakoa da; gainerako biak, aldiz, 3. mailako mendateak dira. Antolatzaileen ustez, baliteke Opakuan gauzatzea jardunaldiko ihesaldia, eta aukera dago azken kilometroetan urduritasuna nagusitzeko, kontuan izanik hiru igoera puntuagarri nahiko gogor izango direla orduan.
Etxarri Aranatz eta Altsasu atzean utzita, Itzuliaren tropela Araban sartuko da, eta lasterketa Zalduondon eta Agurainen ikusi ahalko dute. Azken udalerri hori igarota ekingo diote Opakua igotzeari. 7,1 kilometroko mendatea da, eta % 5,8ko malda du, batez beste. Azazetan, Elorriagan, Uribarri Ganboan eta Legution izango da Itzulia jarraian; azken herri horretan, 107. kilometroan, etapako lehen esprint berezia jokatuko dute.
Han hasiko da eguneko zati erabakigarriena. Hortik aurrera, ziklistak etengabe arituko dira gora eta behera, eta pentsatzeko modukoa da irabazlea orduan zehaztuko dela. 3. mailako mendateak aztertuta, Olaeta 118,6. kilometroan dago, Untzilla 132,4.ean, eta Leintz Gatzaga 149,2.ean, alegia, helmugarako hamar bat kilometrora. Hanketan indar handia izatekotan, ziklistek mina egiteko moduko ibilbidea dute, 3. mailako mendate horietan. Untzillak 2,3 kilometroko ahalegina eskatuko die ziklistei, baina gogorra da, % 8,5eko malda duela; eta Leintz Gatzagak hiru kilometro ditu, ez da luzea, baina gogorra bada: batez beste, % 8,7ko malda du.
Marulandan izango da eguneko bigarren eta azken esprint berezia, 146,1. kilometroan. Jardunaldiko azken kilometroak lauak dira. Legution ebatziko da etapa nork irabazten duen, eta, halaber, nor hasiko den maillot horiaz jantzita biharamunean, bosgarren etapan; azken txirrindulari horrek bi egun izango ditu aurretik sailkapen nagusiko lehenengo postua defendatzeko.
PROFILA
--------------------
IBILBIDEA
FITXA TEKNIKOA
Etapa: 4. etapa (apirilak, 4).
Ibilbidea: Etxarri Aranatz-Legutio.
Distantzia: 159 kilometro.
Goranzko desnibel metatua: 2.405 metro.
Hasiera ordua: 13:31n.
Amaiera ordua: 17:42an (38 km/h); 17:30ean (40 km/h); 17:18an (42 km/h).
4. ETAPAKO MENDATEAK
4. ETAPAKO AZKEN KILOMETROAK
Zure interesekoa izan daiteke
Pello Bilbao: “Nire mentalitatea, Itzulian, bukaerara itxarotea izan da, indarrak ahalik eta ondoen kudeatzea”
Bahrain-Victorious taldeko txirrindulari bizkaitarra sailkapen nagusiko hamaikagarren postuan dabil, eta maila ona eman du Galdakaoko etapan, Alex Aranburuk garaipena lortu duen egunean.
Ion Izagirre: “Podiuma buruan dudan? Bai, zergatik ez?”
Cofidiseko txirrindulari gipuzkoarra bikain aritu da Alex Aranburu taldekideak irabazitako etapan, Itzulian; Izagirre laugarren postuan helmugaratu da, eta oso garrantzitsua izan da Aranburuk garaipena lortzeko, eta, sailkapen nagusian ere, laugarren dabil.
Alex Aranburu: “Oso pozik, beti izaten da berezia etxean irabaztea”
Cofidiseko euskal txirrindulariak, Galdakaon, 2026ko Itzuliko laugarren etapa bereganatu du, azken kilometroan igoera oso ona eginda. Horrenbestez, hirugarrenez gailendu da Aranburu Itzulian.
Alex Aranbururen garaipen bikaina Galdakaon, Itzulian, azken kilometroan igoera ederra eginda
Cofidiseko txirrindulari gipuzkoarra onena izan da 2026ko Itzuliko laugarren etapan, eta hirugarrenez gailendu da etapa batean Itzulian. Azken metroetan, Aranburuk Uno-X Mobilityko Tobias Halland Johannessen menderatu du, eta balio handiko garaipena eskuratu du.
Alex Aranburu gipuzkoarrak etapa amaiera ezin hobea egin eta garaipena lortu du Galdakaon
Atzetik, Lipowitzek eta Roglicek Paul Seixasi eraso egin diote gaur, baina Itzuliko liderrak sendo erantzun die eraso saiakera guztiei. Are gehiago, Frantziako izar gazteak lidergoa sendotu du, segundo gutxi batzuk irabazita.
2026ko Itzuliko 4. etapa: Galdakao-Galdakao (167,2 km)
Ikusi zuzenean Galdakaon hasi eta Galdakaon bertan amaituko den 2026ko Itzuliaren laugarren etaparen emanaldia. 15:05etik hasi eta 18:15era arte iraungo duen saioan, lasterketako laugarren jardunaldiak emango dituen nondik norako guztien berri izango duzu.
Galdakao-Galdakao etapako azken 60 kilometroak, Igor Antonekin
167,2 km egingo dituzte bihar, apirilak 9, Itzuliaren laugarren etapan parte hartuko duten txiurrindulariek. Galdakao-Galdakao ibilbidean, azken 60 kilometroak izango dira gogorrenak, Igor Antonek erakutsi dizkigu.
2026ko Euskal Herriko Itzuliko 4. etaparen profila eta ibilbidea: Galdakao-Galdakao (167,2 km)
Txirrindulariek zazpi igoera puntuagarri igo beharko dituzte, 65. Itzuliko laugarren jardunaldian; mendateetako bat, azkena hain zuzen ere, Legina, helmugarako hamar kilometro baino gutxiago geldituko direnean utziko dute atzean, eta gogorra da, batez beste % 8ko malda duela kontuan izanik.