2026ko Italiako Giroko 13. etaparen profila, ibilbidea eta ordutegia: Alessandria-Verbania (189 km)
Azken 30 kilometroak dira gogorrenak etapa honetan, larunbateko mendiko etapa handiaren aurreko egunean; Ungiasca mendatea atzean utzita, hamahiru kilometro geldituko zaizkie txirrindulariei, eta mendate horrek % 10etik gorako maldak ditu; hortaz, erabakigarria izan liteke.
Irudia: EITB.
109. Italiako Giroko hamahirugarren etapa, hau da, lasterketako 2026ko ekitaldiko hamahirugarren lehiaketa eguna, maiatzaren 22an izango da jokoan, ostiralez. 189 kilometroko jardunaldia da; Alessandrian hasiko da, 12:40an, eta Verbanian amaitu, 17:01etik 17:25era bitartean. Profilean, bi mendate puntuagarri izango dira: laugarren mailako Bieno eta hirugarren mailako Ungiasca; azken horretako aldapa batzuek % 10etik gorako desnibela dute. Jardunaldiko gogorrena azken 30 kilometroan izango dute ziklistek, eta horrek are erakargarriago bilakatzen du etapa; eta ezin da ahaztu, gainera, hurrengo eguneko etapa, Pilan amaituko dena, biziki gogorra izango dela.
Philippe Gilbertek irabazi zuen Verbanian, 2015eko Giroan, eta 1992an Franco Chiocciolik, alegia, 1991ko sailkapen nagusian gailendu zen gizonak. Filippo Ganna, erlojupekoetan espezialista bikaina bera, herri horretan jaio zen, eta Ivan Basso txapeldun handiaren sorterritik oso gertu. Biek ala biek ondo baino hobeto ezagutuko dute Ungiascako igoera; arestian esan bezala, helmuga bertatik oso gertu kokatu dute, eta ez da mendate samurra.
Biharamunean, ekitaldiko etapa nagusietakoa izango du Giroak, eta ikusi beharko da, hartara, nola moldatzen diren lasterketa kontrolatu nahirik ibiliko diren taldeak. Ohi bezala, kirolakeitb.eus-en izango da ikusgai, bai eta, 15:10etik aurrera, ETB1en ere, Ez da Giro saioan.
Fitxa teknikoa:
Etapa: 13. etapa (maiatzak 22, ostirala)
Ibilbidea: Alessandria - Verbania
Distantzia: 189 km
Hasiera-ordua: 12:55
Amaiera-ordua: 17:25 (42 km/h) | 17:13 (44 km/h) | 17:01 (46 km/h)
Mendiko saria: Bieno (4. maila), 167,7. kilometroan; Ungiasca (3. maila), 175,7. kilometroan
Zure interesekoa izan daiteke
Jhonatan Narvaezen eta Enric Masen arteko esprinta, Giroko hamaikagarren etapan
UAE taldeko txirrindulari ekuadortarrak Movistarreko mallorcarra menderatu du. Biak ala biak eguneko ihesaldian izan dira, eta, azkenean, garaipena jokatu dute, Chiavarin; Narvaez nagusitasunez gailendu da, eta hiru etapa garaipen daramatza Giro honetan.
Txirrindulari profesional bihurtzeko bidea nola aldatu den aztertu du Xabier Usabiagak
Azken urteetan txirrindulariak profesional bilakatzeko bidea azkartu egin da. Xabier Usabiagak azaldu digunez, askok junior mailatik zuzenean profesionaletara saltoa egiten dute, baina ez beti. Beste asko World Tourreko taldeen harrobietara joaten dira, eta euskal ziklista asko topatu ditugu bertan.
Narvaezek Mas gainditu du helmugan eta bere hirugarren etapa garaipena lortu du Chiavarin
Tropelarentzat lasaia izan den jardunaldi batean, txirrindulari garrantzitsuak zituen ihesaldi batek aurrera egin du, eta etapa garaipena Ekuadorreko eta Balearretako bi txirrindularien artean erabaki da. Narvaez Mas baino azkarragoa izan da azken metroetan.
Filippo Zana, Christian Scaroni eta Lennert Van Eetvelt txirrindularien erorikoa, Giroko hamaikagarren etapan
Helmugarako 40 kilometro gelditzen zirela, jaitsiera batean, ihesaldian zebiltzan hiru ziklista horiek jausi egin dira. Hirurek jarraitu dute lasterketan, izandako kolpeak gorabehera.
2026ko Italiako Giroko 17. etaparen ibilbidea, profila eta ordutegia: Cassano d'Adda-Andalo (202 km)
Etapa bihurria eta malkartsua da, hankak haustekoa, baina ez du mendate handirik. Hirugarren mailako hiru mendate puntuagarri izango dira ibilbidean, eta helmugara heltzeko ihesaldiren bat egiteko etapa aproposa izan daiteke.
2026ko Italiako Giroko 16. etaparen profila, ibilbidea eta ordutegia: Bellinzona-Cari (113 km)
Etapa Suitzako lurraldeetan jokatuko da, osorik. Carin amaituko da, lehen mailako mendatean, eta Italiako Giroan lehenengoz.
2026ko Italiako Giroko 14. etaparen ibilbidea, profila eta ordutegia: Aosta-Pila (133 km)
Alpeetan jardunaldi gogorra izango da, bost igoera eta 4.350 metroko desnibel metatua baititu. Azken igoerak, Pilak, 1.793 metroko erraldoiak (16,5 km, batez beste % 7,1eko aldapekin), erabakiko du etapa. Pila Gressango isurialdetik igoko dute lehen aldiz.
Markel Beloki, 10. sailkapen nagusian: “Nire lehenengo erlojupeko luzea izan da, esperientzia berria niretzat"
Txirrindulari gasteiztarrak 17. egin du Italiako Giroaren 10. etapan, Filippo Ganna garailea 03:11ra zuela. Gainera, EF Education taldeko ziklista gaztea sailkapen nagusiko 10. postuan dabil, Afonso Eulalio liderra 04:16ra duela.
Nor da erlojupeko espezialistarik onena? Kontuan hartzeko datuak
Xabier Usabiagak erlojupeko espezialistak izan ditu hizpide gaurkoan. Batzuentzat Garai bateko txirrindulariak dira onenak, beste batzuentzat, gaur egungoak. Baliabide eta teknologia asko aldatu da azken urteetan, eta datuak aztertu ditugun arren, eztabaidak zabalik dirau.