Pogacar: “Bidoi bat zegoen errepidean, eta 55 kilometro orduko abiaduran erortzeko zorian egon naiz"
"Tourra egunero gal dezakezu, eta gaurkoa horren adibide argia da", adierazi du esloveniarrak. Bestalde, Tourraren historiako etaparik azkarrenean "parte hartzea bikaina" izan dela esan du.
Tadej Pogacar (UAE) esloveniarra, Tourreko liderra, hamaikagarren etapan zehar. Argazkia: EFE
Tadej Pogacar esloveniarrak Frantziako Tourra uzteko zorian izan dela aitortu du hamaikagarren etaparen amaieran, errepidean zegoen bidoi baten ondorioz erortzeko zorian egon baita.
"Tourra egunero gal dezakezu, eta gaur horren adibide argia da. Bidoi bat zegoen errepidean eta lurrera joateko zorian egon naiz. Eroriz gero, 55 kiloemetro orduko abiaduran gindoazen, Tourra amaitu egingo zen niretzat", esan du maillot horidunak.
Esloveniarrak azpimarratu du horrelako etapetan segurtasuna bermatzea dela lehentasuna, baina azkar ibiltzen denean disfrutatu egiten duela. Gaineratu du Tourreko historiako etaparik azkarrenean "parte hartzea bikaina" izan dela.
"Orain arte ez dut arazorik izan, ez nire sasoi fisikoan, ez txirrindularitzatik kanpokoan, sentsazioetan, loan... Dena ondo doa Tour honetan. Sentsazioak bikainak dira", erantsi du.
Zure interesekoa izan daiteke
2027ko emakumezkoen Frantziako Tourrak taldekako erlojupekoa izango du, eta Puy de Domen amaituko da
Bi erlojupeko eta Pirinioetan etapa beldurgarri bat, 2027ko Frantziako Tourraren gakoak
Frantziako Tourra Euskal Herrira itzuliko da, Hazparnen etapa irteera batekin
Volleringek, Niewiadomak eta Longo Borghinik osatu dute Frantziako Tourreko podiuma
Demi Volleringek Tourreko garaipena ziurtatu du azken etapa irabazita
Volleringen erasoa eta Tourreko 9. etapako azken metroak
Volleringi Tourreko 8. etapan garaipena eman dion erasoa
Volleringek Tourra astindu du, maillot horia eman dion bakarkako garaipenarekin
Kasia Niewiadoma nagusitu da Mont Ventouxen, eta elastiko horia jantzi du
