Pogacarrek bere hirugarren Frantziako Tourra irabazi du, azken erlojupekoan ere nagusituz
Tadej Pogacar esloveniarrak irabazi du 2024ko Frantziako Tourra, bere ibilbideko hirugarrena, Nizako erlojupekoa ere eskuratuta, edizio honetako bere seigarren etapa garaipena.
Esloveniarrak Italiako Giroaren garaipenarekin kateatu du Tourra, eta han ere sei etapa irabazi zituen. Dagoeneko 17 garaipen partzial ditu Frantziako Tourrean, bost aldiz parte hartu ondoren.
Monako eta Niza arteko 33,7 kilometroko erlojuaren kontrakoan "hegan" egin du etapa hau ere irabazteko, nahiz eta Tourra ia irabazita izan etapa jokatu aurretik; izan ere, sailkapen nagusian bost minututik gorako errenta zuela egin dio aurre azken erlojupekoari.
Jonas Vingegaard danimarkarra (aurreko bi Tourren irabazlea) gaurko etapako garaileak baino minutu bat gehiago behar izan du ibilbidea osatzeko (01:03 gehiago, hain zuzen ere), eta bigarren bukatu du sailkapen nagusian, 6 minutu eta 17 segundora. Remco Evenepoel belgikarra, berriz, 1 minutu eta 14 segundora sailkatu da gaurkoan, eta hirugarren bukatu du sailkapen nagusian ere, 9 minutu eta 18 segundora.
Sailkapen nagusian laugarren Joao Alemida portugaldarra geratu da. Mikel Landa euskal txirrindulariak denbora oso ona egin du gaurkoan, eta zazpigarren sailkatu da etapan eta bosgarren sailkapen nagusian.
ETAPAKO SAILKAPENA:
1. POGACAR Tadej (UAE) 0:45:24
2. VINGEGAARD Jonas (Visma) +1:03
3. EVENEPOEL Remco (Soudal) +1:14
4. JORGENSON Matteo (Visma) +2:08
5. ALMEIDA Joao (UAE) +2:18
6. GEE Derek (Israel) +2:31
7. LANDA Mikel (Soudal) +2:41
8. TEJADA Harold (Astana) +2:50
9. BUITRAGO Santiago (Bahrain) +2:53
10. YATES Adam (UAE) +2:56
SAILKAPEN NAGUSIA:
1. POGACAR Tadej (UAE) 83:38:56
2. VINGEGAARD Jonas (Visma) +6:17
3. EVENEPOEL Remco (Soudal) +9:18
4. ALMEIDA Joao (UAE) +19:03
5. LANDA Mikel (Soudal) +20:06
6. YATES Adam (UAE) +24:07
7. RODRIGUEZ Carlos (INEOS) +25:04
8. JORGENSON Matteo (Visma) +26:34
9. GEE Derek (Israel) +27:21
10. CICCONE Giulio (Lidl-Trek) +30:42
Zure interesekoa izan daiteke
2026ko Frantziako Tourreko podiuma
Txirrindulariak Frantziako Tourreko podiumera igo dira, elastikoak jasotzera.
Aranburu eta Azparrenen adierazpenak, Frantziako Tourra amaitu berritan
Alex Aranburu eta Xabier Mikel Azparrenekin izan gara, Frantziako Tourreko azken etapa bukatu ondoren. Lasterketa ondo joan dela adierazi dute, eta haien esperientzia kontatu digute.
Frantziako Tourreko 21. etapako unerik onenak
2026ko Frantziako Tourreko azken etapak une ikusgarriak utzi ditu. Montmartren egin dituzten hiru igoeretan faboritoen arteko lehia estua egon da, Pogacarren eta Van der Poelen artean bereziki. Etapako irabazlea azken metroetako esprint estuan erabaki da.
Van Der Poelek irabazi du azken etapa eta Pogacarrek Tourra
Alpecin taldeko txirrindulariak erasoa jo du Montmartreko azken igoeran, Tadej Pogacarrekin batera, eta helmugatik metro gutxira indarrik gabe geratuko zela zirudien arren, berak eskuratu du garaipena. Philipsen taldekidea eta Pedersen helmugaratu dira ondoren.
Nolakoa izan da euskal txirrindularien jarduna Tourrean?
Ion Izagirre, Alex Aranburu eta Xabier Mikel Azparren txirrindulariek parte hartu dute Frantziako Tourraren 2026ko edizioan. Hiru astez munduko lasterketa garrantzitsuenean lehiatu ostean, euskal ordezkariek euren taldearen estrategiaren barruan egokitu zaien lana betez osatu dute itzuli handia.
Frantziako Tourrak 44 kilometro laburtu du azken etapa, suteengatik
Azken etaparen ibilbidea 133 kilometrotik 89ra murriztu dute, Frantziako hainbat eremutan izandako sute larrien ondorioz gaurko etapa zaindu behar zuten jendarme asko kaltetutako eremuetara bideratu behar izan dituztelako.
Carapazen eta Kussen arteko borrokaren une onenak, Tourreko 20. etaparen amaieran
AEBkoak abantaila hartu du etapa amaitzeko 24 kilometro falta zirenean, baina Ekuadorko txirrindulariak ez du etsi, eta azkenean saria lortu du, Kuss birritan erori ostean, harrapatu, gainditu eta etapa irabazi baitu.
Carapaz Alpe d'Huezen nagusitu da Kuss menderatuta, eta mendiko elastikoa ziurtatu du
Txirrindulari ekuadortarrak Frantziako Tourreko etapa nagusia irabazi du, estatubatuarrarekin lehia estua izan ostean. Kuss lurrera erori da azken txanpan, eta EF taldeko txirrindulariak bakarkako bideari ekin dio Alpeetako tontor mitikoan garaipen bikaina lortu eta mota gorridun elastikoa ziurtatzeko.
Euskal ordezkariak, World Tourreko taldeetako “staff” teknikoetan
Ezinbesteko lana egiten dute, txirrindulariek lasterketetan erakustaldi ederrak egin ahal izateko. “On Tour” saioan, Alpe d’Huezko etapa amaitutakoan, Xabier Usabiagak omenaldia egin nahi izan die.
Pogacarrek historia egin du Alpe d’Huezen: helmugatik 12 kilometrora jo du erasoa, atzean utzi ditu iheslariak, eta etapa irabazi du, Pantaniren marka hautsita
Frantziako Tourreko liderra ikusgarri ibili da mendate mitikoan: helmugarako 11,8 kilometro falta zirenean egin du aurrera, lasterketaren buruan zihoazen iheslariak harrapatu ditu, eta Carapaz, Lenny Martinez eta Kuss azken kilometroan gaindituta nagusitu da, Alpe d'Huez 35 minutu eta 26 segundoan igota, bide batez, Marco Pantaniren errekorra hausteko.