Wiebesek bigarren garaipena lortu du eta Vosek abantaila handitu du
Lorena Wiebes (DSM) herbeheretarrak irabazi du ostegun honetan emakumezkoen Frantziako Tourreko bosgarren etapa gorabeheratsua, bere bigarren garaipen partziala, azken esprintean bere lehiakideak gainditu ondoren. Marianne Vos (Jumbo-Visma) herrikideak sailkapeneko lider bezala duen aldea handitu du.
Wiebesek erregulartasunaren maillot berdea jantzi du eta dagoeneko irabazia zuen inaugurazio-etapa. Bar-le-Duc eta Saint-Dié-des-Vosges artean egin du ibilbidea, edizioko etaparik luzeena (175,6 kilometro) 4 ordu, 32 minutu eta 16 segundoan, eta jazarleen talde handi baten buru. Elisa Balafsamo (Trek- Segafredo) italiarra bigarren izan da, eta Vos hirugarren.
Lasterketan, gainera, hainbat eroriko izan dira, eta lehenengoa izan da larriena, tropel erdia tartean sartu baita.
Marianne Vosek 20 segundo ateratzen dizkie bere jarraitzaile hurbilenei, Silvia Persico italiarrari (Valcar) eta Katarzyna Niewiadoma poloniarrari (Canyon/SRAM Racing).
Zure interesekoa izan daiteke
Euskal ordezkariak, World Tourreko taldeetako “staff” teknikoetan
Ezinbesteko lana egiten dute, txirrindulariek lasterketetan erakustaldi ederrak egin ahal izateko. “On Tour” saioan, Alpe d’Huezko etapa amaitutakoan, Xabier Usabiagak omenaldia egin nahi izan die.
Pogacarrek historia egin du Alpe d’Huezen: helmugatik 12 kilometrora jo du erasoa, atzean utzi ditu iheslariak, eta etapa irabazi du, Pantaniren marka hautsita
Frantziako Tourreko liderra ikusgarri ibili da mendate mitikoan: helmugarako 11,8 kilometro falta zirenean egin du aurrera, lasterketaren buruan zihoazen iheslariak harrapatu ditu, eta Carapaz, Lenny Martinez eta Kuss azken kilometroan gaindituta nagusitu da, Alpe d'Huez 35 minutu eta 26 segundoan igota, bide batez, Marco Pantaniren errekorra hausteko.
Pogacarrek Pantaniren marka ondu du Alpe d'Huezen Tourra erabakita uzteko
Helmugatik 11 kilometrora erasoa jo ostean, bakar-bakarrik zeharkatu du helmuga, Richard Carapazen eta Lenny Martinezen aurretik. 2026ko Frantziako Tourra erabakita uzteaz gain, esloveniarrak Marco Pantanik 1995ean ezarritako igoera marka historikoa hobetu du, aro modernoko erakustaldi handienetako bat eginez.
Carapaz: “Berriro irabaztea asko kostatu zait"
Richard Carapaz ekuadortarrak, Frantziako Tourraren 18. etapako irabazleak, garaipen hau "asko kostatu" zaiola adierazi du, eta edizio honetan behin baino gehiagotan saiatu dela gogorarazi du.
Ion Izagirre: “Bagenekien egun zaila izango zela ihesaldia hartzeko”
Cofidis taldeko txirrindulariak egun gogorra izan dela gaurkoa adiarazi du. Ezin izan da ihesaldian sartu, baina bai atzerago joan den bigarren taldetxo batean. Hala ere, ezin izan dute ihesaldia harrapatu.
Tadej Pogacar, historia idazten ari den txirrindulariaren inperioa
Tadej Pogacarrek bere palmaresa bezain handi eta zabala den inperioa eraiki du azken urteetan. Txirrindularitzan historia egiten ari da esloveniarra, baina nola dabil diru kontuetan? Hona Xabier Usabiagak “On Tour” saioan azaldutakoa.
Orcières-Merletteko igoeraren azken metroak
Richard Carapazek (EF Education) irabazi du Frantziako Tourreko hemezortzigarren etapa. Helmugatik 3,5 kilometrora erasoa jo du ekuadortarrak eta bakar-bakarrik helmugaratu da Orcières-Merletten. Atzetik iritsi dira Mauro Schmid, bigarren, eta Matteo Jorgenson, hirugarren.
Carapaz izan da indartsuena eguneko ihesaldian, Orcieres-Merletteko igoeran eraso erabakigarria jota
EF Education - EasyPost taldeko eskalatzaile ekuadortarrak zuhur jokatu du azken kilometroetan, eta garaipena poltsikoratu du. Tourrean bigarren etapa garaipena du, Super Devoulyn irabazi eta bi urtera.
Kontrolak ordu txikitan egiteak polemika eta tropelaren haserrea eragin ditu Frantziako Tourrean
Tadej Pogacarrek eta Jonas Vingegaardek doping-kontrolak egin zituzten Tourreko 15. etaparen aurreko gauean. Kontrol horiek bi txirrindularien loa oztopatu zuten. Hain zuzen ere, etapa horretan Vingegaardek erorikoa izan eta lasterketa utzi behar izan zuen.
Ion Izagirre: “Tourreko egunik txarrena izan dut”
Ion Izagirrerekin egon gara Frantziako Tourreko 17. etapa amaieran, Voiron. Ormaiztegikoak azaldu du “egunik txarrena” izan duela gaur eta “tour gogorra” izaten ari dela.