Ben O’Connorrek irabazi du Tigneseko etapa, eta Pogacar sendo da lidergoan
Ben O'Connor australiarra (AG2R Citroën) nagusitu da Frantziako Tourreko 9. etapan. Ibilbideak 144,9 kilometro izan ditu Cluses eta Tignes artean. Tadej Pogacar oso indartsu aritu da berriro eta sailkapen nagusiko aurkariekiko aldea handitu du azken igoeran.
Egun gogorra izan da; bost mendate igo behar izan dituzte eta eguraldia kontra izan dute. O'Connor Nairo Quintana iheslaria helmugarako 75 kilometrora harrapatu duen taldean joan da. 16 kilometroren faltan erasoa jo du, eta iheskideek ezin izan diote bere erritmoari eutsi.
Zenbait momentutan, australiarra sailkapen nagusiko behin-behineko liderra ere izan da, baina Tadej Pogacarrek erritmoa bizitu du azken igoeran eta jertse horiari eutsi dio, gainerako aurkariekiko aldea handituz. Carapazi, Urani eta Vingegaardi minutu erdi sartu die. O'Connor du gertuen sailkapenean, 2:01era.
Astelehenean atseden eguna izango dute.
9. ETAPAKO SAILKAPENA
1 - O'CONNOR Ben AG2R Citroën Team 4:26:43
2 CATTANEO Mattia Deceuninck - Quick Step +5:07
3 - COLBRELLI Sonny Bahrain - Victorious +5:34
4 - MARTIN Guillaume Cofidis, Solutions Crédits +5:36
5 - BONNAMOUR Franck B&B Hotels p/b KTM +6:02
6 - POGACAR Tadej UAE-Team Emirates +6:02
7 - CARAPAZ Richard INEOS Grenadiers +6:34
8 - VINGEGAARD Jonas Team Jumbo-Visma +6:34
9 - MAS Enric Movistar Team +6:34
10 - URÁN Rigoberto EF Education - Nippo +6:34
SAILKAPEN NAGUSIA, 9. ETAPAREN OSTEAN
1 - POGACAR Tadej UAE-Team Emirates 34:11:10
2 - O'CONNOR Ben AG2R Citroën Team +2:01
3 - URÁN Rigoberto EF Education - Nippo +5:18
4 - VINGEGAARD Jonas Team Jumbo-Visma +5:32
5 - CARAPAZ Richard INEOS Grenadiers +5:33
6 - MAS Enric Movistar Team +5:47
7 - KELDERMAN Wilco BORA - hansgrohe +5:58
8 - LUTSENKO Alexey Astana - Premier Tech +6:12
9 - MARTIN Guillaume Cofidis, Solutions Crédits +7:02
10 - GAUDU David Groupama - FDJ +7:22
Zure interesekoa izan daiteke
Frantziako Tourreko zortzigarren etapako azken kilometroa
Talde nagusia bat eginda iritsi da azken kilometroetara, aurretik izandako ihesaldiak kontrolatu ostean. Azken metroetan, Tim Merlier izan da azkarrena, ekitaldi honetako bigarren etapa jarraian irabazita.
Merlierrek bere nagusitasuna berretsi du esprintean, Frantziako Tourrean bigarren garaipena jarraian lortuta
Tim Merlier belgikarrak Tourreko zortzigarren etapa irabazi du larunbat honetan Bergeracen, bigarren garaipena jarraian eskuratuz, eta lasterketako esprinterrik indartsuenetakoa dela berretsiz. Sailkapen nagusiak ez du aldaketarik izan, Tadej Pogacarrek lidergoari eutsi baitio.
Azparren: “Azkar joan gara eta bukaeran tentsio asko izan da"
Xabier Mikel Azparren (Pinarello Q36.5) txirrindulari donostiarrak Frantziako Tourreko zazpigarren etaparen balorazioa egin du. Etapa lasaia baina azkarra izan dela nabarmendu du, beste behin beroak eraginda, eta aurreko etapan euskaldunengandik jasotako babesa goraipatu du.
Frantziako Tourreko zazpigarren etapako azken kilometroa
Tim Merlier belgikarra izan da indartsuena Frantziako Tourreko zazpigarren etapan, Soren Waerenskjold norvegiarraren eta Biniam Girmai eritrearraren aurretik. 33 urteko txirrindulariak bi etapa irabazi zituen iaz, beste bat 2021ean, eta hirugarrena "sprintean" irabazi du, sailkapen nagusian aldaketarik izan ez den etapan. Tadej Pogacar esloveniarrak jarraitzen baitu lider.
Tim Merlierrek bere boterea erakutsi du Bordelen
Soudal Quick-Step taldeko txirrindulari belgikarra azkarrena izan da esprintean ardoaren hirian amaitzen zen zazpigarren etapan. Soren Waerenskjold norvegiarra izan da (Uno-X Mobility) bigarrena eta Biniam Girmai eritrearra (NSN Cycling Team), hirugarrena. Sailkapen nagusian ez da aldaketarik egon, eta Tadej Pogacar (UAE Team Emirates-XRG) esloveniarrak jarraitzen du lidergoan.
2026ko Frantziako Tourreko 20. etaparen profila, ibilbidea eta ordutegia: Le Bourg d’Oisans-Alpe d’Huez (170,9 km)
Lasterketako hogeigarren etapa, uztailaren 25ean, larunbatean, jokatuko dena, Frantziako Tourraren 113. edizio honetako etaparik desiratuenetako bat da. Alpe d’Huez mitikoan amaitzen da, eta Frantziako Tourra irabazteko azken aukera da.
2026ko Frantziako Tourreko 19. etaparen ibilbidea, profila eta ordutegia: Gap-Alpe d’Huez (127,9 km)
Frantziako lasterketaren hemeretzigarren etapak lau mendate puntuagarri ditu, baina aipamen berezia merezi duena Alpe d’Huez mitikoa da. Bertan amaitzen da etapa.
Ion Izagirre: “Ikaragarria izan da, ez dut sekula mendate bat irribarrea ahoan nuela igo, gaur bezala"
Cofidiseko txirrindulari ormaiztegiarrak onartu duenez, "alde batetik, pena sentitu dut, ihesaldirik ez delako osatu, eta gustatuko litzaidake ihesaldia hartu eta mendateetan, behintzat, aurrealdean pasa, baina oso azkar joan da hasieratik". "Saiatu naiz aurrekoekin egoten, baina ezin izan dut", erantsi du.
Mauro Gianetti: “Aspin eta Tourmaleten erritmo oso altua ezartzea zen asmoa, Pogacarrek erasoa jo zezan"
Mauro Gianetti, UAE Team Emirates taldeko Team Principalak, Frantziako Tourreko seigarren etapa aztertu du. Suitzarra oso pozik agertu da bere taldearen lanarekin: "Taldea sekulakoa izan da, Matxinek lan bikaina egin du planarekin". Pogacarrekin sailkapen nagusian alde handia lortu duten arren, ez du uste Tourra erabakita dagoenik: "Oraindik asko geratzen da", ohartarazi du.
Pogacar garaile, sekulako indar erakustaldia eginda
Tadej Pogacarrek irabazi du Frantziako Tourreko seigarren etapa. Esloveniarrak erasoa jo du helmugatik 42 kilometrora eta bakarrik joan da hortik eta helmugaratu den arte. Vingegaard iritsi da bigarren, eta Del Torok hartu du hirugarren lekua.