Cavendishek etapa garaipena lortu du Tourrean, bost urteren ostean
Mark Cavendishek (Deceuninck - Quick Step) irabazi du Frantziako Tourreko laugarren etapa, Redon eta Fougeres artekoa (150,4 kilometro), esprintean nagusituta. Britainiarrak Tourreko etapa bat irabazi du bost urteren ostean, eta bere 31. etapa garaipena lortu du lasterketa frantziarrean.
Hasiera baten Cavendish ez zen sartu Deceunnick - Quick Step taldeak Tourrerako aukeratutako zortzi txirrindularien artean, baina azkenean Sam Bennett ez zen taldean sartu, eta britainiarrari eman zioten aukera, nahiz eta ez zen sasoi betean egon. Man Uharteko txirrindulariak esprintean mendean hartu ditu Nacer Bouhanni (Arkea Samsic) eta Jasper Philipsen (Alpecin-Fenix).
Brent Van Moer (Lotto Soudal) izan da eguneko protagonistetako bat. Azken txanpara ihes eginda iritsi da, garaipena gertu izan du, baina tropelak harrapatu egin du helmugarako 200 metro falta zirenean, etapa irabazteko aukera gabe utzi dutelarik.
Sailkapen nagusiko lehen postuan da Mathieu Van der Poel, bigarren da Julian Alaphilippe (Deceuninck - Quick Step) 8 segundora, eta hirugarren da Richard Carapaz (Ineos Grenadiers) 31 segundora. Carapazek 8 segundo ateratzen dizkio Pogacarri (UAE Emirates), 9 segundo Enric Masi (Movistar) eta Nairo Quintanari (Arkea Samsic), 21 Rigoberto Urani (EF Education Nippo), 36 Geraint Thomasi (Ineos Grenadiers) eta 1'04" Primoz Roglici (Jumbo Visma).
Protesta hirugarren etapako ibilbidearengatik
Frantziako Tourreko laugarren etaparen hasieran txirrindulariek protesta egin dute hirugarren etapako ibilbidearengatik, azken kilometroetan eroriko ugari egon baitziren. Tropelak erritmo motelean ekin dio etapari, eta, ondoren, gelditu egin da momentu batez.
Txirrindulariek eskatzen dutena da, azken hiru kilometroetan ezarrita dagoen segurtasun gunea bost kilometrora handitzea, erorikoak eta istripuak murrizteko.
4. ETAPAKO SAILKAPENA:
1 - CAVENDISH Mark (Deceuninck) 3:20:17
2 - BOUHANNI Nacer (Arkea) d. b.
3 - PHILIPSEN Jasper (Alpecin-Fenix) d. b.
4 - MATTHEWS Michael (BikeExchange) d. b.
5 - SAGAN Peter (BORA) d. b.
6 - BOL Cees (DSM) d. b.
7 - LAPORTE Christophe (Cofidis) d. b.
8 - PEDERSEN Mads (Trek) d. b.
9 - VAN POPPEL Boy Intermarché) + 14"
10- GREIPEL Andre (Israel) + 14"
SAILKAPEN NAGUSIA:
1 - VAN DER POEL Mathieu (Alpecin) 16:19:10
2 - ALAPHILIPPE Julian (Deceuninck) + 8"
3 - CARAPAZ Richard (INEOS) + 31"
4 - VAN AERT Wout (Jumbo) + 31"
5 - KELDERMAN Wilco (BORA) + 38"
6 - POGACAR Tadej (UAE) + 39"
7 - MAS Enric (Movistar) +40"
8 - QUINTANA Nairo (Arkea) + 40"
9 - LATOUR Pierre (TotalEnergies) +45"
10 - GAUDU David (Groupama) + 52"
Zure interesekoa izan daiteke
Frantziako Tourreko zortzigarren etapako azken kilometroa
Talde nagusia bat eginda iritsi da azken kilometroetara, aurretik izandako ihesaldiak kontrolatu ostean. Azken metroetan, Tim Merlier izan da azkarrena, ekitaldi honetako bigarren etapa jarraian irabazita.
Merlierrek bere nagusitasuna berretsi du esprintean, Frantziako Tourrean bigarren garaipena jarraian lortuta
Tim Merlier belgikarrak Tourreko zortzigarren etapa irabazi du larunbat honetan Bergeracen, bigarren garaipena jarraian eskuratuz, eta lasterketako esprinterrik indartsuenetakoa dela berretsiz. Sailkapen nagusiak ez du aldaketarik izan, Tadej Pogacarrek lidergoari eutsi baitio.
Azparren: “Azkar joan gara eta bukaeran tentsio asko izan da"
Xabier Mikel Azparren (Pinarello Q36.5) txirrindulari donostiarrak Frantziako Tourreko zazpigarren etaparen balorazioa egin du. Etapa lasaia baina azkarra izan dela nabarmendu du, beste behin beroak eraginda, eta aurreko etapan euskaldunengandik jasotako babesa goraipatu du.
Frantziako Tourreko zazpigarren etapako azken kilometroa
Tim Merlier belgikarra izan da indartsuena Frantziako Tourreko zazpigarren etapan, Soren Waerenskjold norvegiarraren eta Biniam Girmai eritrearraren aurretik. 33 urteko txirrindulariak bi etapa irabazi zituen iaz, beste bat 2021ean, eta hirugarrena "sprintean" irabazi du, sailkapen nagusian aldaketarik izan ez den etapan. Tadej Pogacar esloveniarrak jarraitzen baitu lider.
Tim Merlierrek bere boterea erakutsi du Bordelen
Soudal Quick-Step taldeko txirrindulari belgikarra azkarrena izan da esprintean ardoaren hirian amaitzen zen zazpigarren etapan. Soren Waerenskjold norvegiarra izan da (Uno-X Mobility) bigarrena eta Biniam Girmai eritrearra (NSN Cycling Team), hirugarrena. Sailkapen nagusian ez da aldaketarik egon, eta Tadej Pogacar (UAE Team Emirates-XRG) esloveniarrak jarraitzen du lidergoan.
2026ko Frantziako Tourreko 20. etaparen profila, ibilbidea eta ordutegia: Le Bourg d’Oisans-Alpe d’Huez (170,9 km)
Lasterketako hogeigarren etapa, uztailaren 25ean, larunbatean, jokatuko dena, Frantziako Tourraren 113. edizio honetako etaparik desiratuenetako bat da. Alpe d’Huez mitikoan amaitzen da, eta Frantziako Tourra irabazteko azken aukera da.
2026ko Frantziako Tourreko 19. etaparen ibilbidea, profila eta ordutegia: Gap-Alpe d’Huez (127,9 km)
Frantziako lasterketaren hemeretzigarren etapak lau mendate puntuagarri ditu, baina aipamen berezia merezi duena Alpe d’Huez mitikoa da. Bertan amaitzen da etapa.
Ion Izagirre: “Ikaragarria izan da, ez dut sekula mendate bat irribarrea ahoan nuela igo, gaur bezala"
Cofidiseko txirrindulari ormaiztegiarrak onartu duenez, "alde batetik, pena sentitu dut, ihesaldirik ez delako osatu, eta gustatuko litzaidake ihesaldia hartu eta mendateetan, behintzat, aurrealdean pasa, baina oso azkar joan da hasieratik". "Saiatu naiz aurrekoekin egoten, baina ezin izan dut", erantsi du.
Mauro Gianetti: “Aspin eta Tourmaleten erritmo oso altua ezartzea zen asmoa, Pogacarrek erasoa jo zezan"
Mauro Gianetti, UAE Team Emirates taldeko Team Principalak, Frantziako Tourreko seigarren etapa aztertu du. Suitzarra oso pozik agertu da bere taldearen lanarekin: "Taldea sekulakoa izan da, Matxinek lan bikaina egin du planarekin". Pogacarrekin sailkapen nagusian alde handia lortu duten arren, ez du uste Tourra erabakita dagoenik: "Oraindik asko geratzen da", ohartarazi du.
Pogacar garaile, sekulako indar erakustaldia eginda
Tadej Pogacarrek irabazi du Frantziako Tourreko seigarren etapa. Esloveniarrak erasoa jo du helmugatik 42 kilometrora eta bakarrik joan da hortik eta helmugaratu den arte. Vingegaard iritsi da bigarren, eta Del Torok hartu du hirugarren lekua.