Tim Merlierrek erdietsi du garaipena Tourreko lehen esprintean
Frantziako Tourreko hirugarren etapa Lorient eta Pontivy herrien artean jokatu egin da. Lehenengo bi jardunaldietan zer nolako bukaerak izan diren ikusita gaurkoa esprinterrentzat zela esan du tropelak erakutsi duen jarrerarekin.
Tim Merlierrek irabazi du etapako esprinta hainbat eroriko tarteko; Jasper Philipsen taldekidea bigarren izan da eta Nacer Bouhanni hirugarren. Van der Poel lidergoan mantentzen da.
Etapa hasieran Geraint Thomasek erorikoa izan du, baina bizikleta gainean jarraitu egin du etapa amaitu arte; Robert Gesinkek, ordea, Tourra utzi behar izan du eroriko berean. Roglic ere erori egin da eta denbora galdu egin du.
Lasterketari dagokionez bost gizonek erasoa jo eta aurrera egin dute, Ide Schelling (Bora-Hansgrohe), Jelle Wallays (Cofidis), Michael Schär (Ag2r-Citröen), Cyril Barthe eta Maxime Chevalier (B&B Hotels-KTM) ziklistek. Ihesaldiko lagunen aldea hiru minututik ez da pasatu, tropelak kontrolpean izan du momentu oro egoera ihesaldia harrapatu arte.
Asteartean 4. etapa jokatuko da Redon eta Fougeres artean, txirrindulariek 152 kilometro egin beharko dituzte ibilbide lauan. Sonny Colbrelli, Arnaud Demare, Caleb Ewan eta Peter Sagan berriro izango dira faborito, baina tropeleko beste gizon azkar asko daude euren abagunearen zain.
3. ETAPAKO SAILKAPENA
1 MERLIER Tim Alpecin-Fenix 4:01:28
2 PHILIPSEN Jasper Alpecin-Fenix 0:00
3 BOUHANNI Nacer Team Arkéa Samsic 0:00
4 BALLERINI Davide Deceuninck - Quick Step 0:00
5 COLBRELLI Sonny Bahrain - Victorious 0:00
6 ALAPHILIPPE Julian Deceuninck - Quick Step 0:00
7 VAN DER POEL Mathieu Alpecin-Fenix 0:00
8 BOL Cees Team DSM 0:00
9 TURGIS Anthony Team TotalEnergies 0:00
10 WALSCHEID Max Team Qhubeka NextHash 0:00
3. ETAPA, SAILKAPEN NAGUSIA
1 VAN DER POEL Mathieu Alpecin-Fenix 12:58:53
2 ALAPHILIPPE Julian Deceuninck - Quick Step 0:08
3 CARAPAZ Richard INEOS Grenadiers 0:31
4 VAN AERT Wout Team Jumbo-Visma 0:31
5 KELDERMAN Wilco BORA - hansgrohe 0:38
6 POGACAR Tadej UAE-Team Emirates 0:39
7 MAS Enric Movistar Team 0:40
8 QUINTANA Nairo Team Arkéa Samsic 0:40
9 LATOUR Pierre Team TotalEnergies 0:45
10 HIGUITA Sergio EF Education - Nippo 0:52
Zure interesekoa izan daiteke
Volleringek, Niewiadomak eta Longo Borghinik osatu dute Frantziako Tourreko podiuma
Azken etapa erakustaldi batekin bereganatu ostean, Demi Vollering (FDJ) herbeheretarra Frantziako Tourreko podiumaren gorenera igo da, Kasia Niewiadoma (CANYON) poloniarra igo da bigarrenera, eta Elisa Longo Borghini (UAE) italiarra, berriz, hirugarrenera. Bestalde, gazte onena Antonia Niedermaier (CANYON) alemaniarra izan da, mendiko maillota Puck Pieterse (Fenix) herbeheretarrak irabazi du eta Lorena Wiebes (SD Worx) herbeheretarrak jantzi du puntuen maillota.
Demi Volleringek Tourreko garaipena ziurtatu du azken etapa irabazita
FDJ-SUEZ taldeko txirrindulari herbeheretarrak bere indarra erakutsi du Col d'Èzeko azken igoeran, 9. etapa irabazi eta Frantziako Tourra erabakita uzteko, azkenean sailkapen nagusian bigarren sailkatu den Kasia Niewiadomaren (Canyon) aurretik. Elisa Longo Borghinik (UAE) osatu du podiuma, Marlen Reusser (Movistar) suitzarraren erorikoa baliatuta.
Volleringen erasoa eta Tourreko 9. etapako azken metroak
Demi Vollering (FDJ) herbeheretarrak irabazi du 2026ko Frantziako Tourra. Helmugarako 16 kilometroren faltan jo du erasoa, Kasia Niewiadoma (CANYON) aurkari zuzena atzean utzita. Ikusi hemen erasoa eta etapako azken metroak.
Volleringi Tourreko 8. etapan garaipena eman dion erasoa
Eguneko azken mendatea gainditu ostean, Demi Volleringek erasora jo du, garaipenaren bila. Longo Borghini eta Niewiadoma haren atzetik abiatu dira, baina ezin izan diote herbeheretarraren erritmoari eutsi eta amore eman behar izan dute. Vollering bakarrik sartu da helmugan, eta maillot horia eskuratu du.
Volleringek Tourra astindu du, maillot horia eman dion bakarkako garaipenarekin
Demi Volleringek igoera laburra baina oso gogorra aukeratu du eraso egiteko, inongo mailarik ez zuena.
Kasia Niewiadoma nagusitu da Mont Ventouxen, eta elastiko horia jantzi du
Canyon taldeko txirrindulari poloniarrak, 2024ko Tourreko irabazleak, erasoa jo du helmugatik 10 kilometrora, Marlen Reusser suitzarrari (Movistar) lidergoa kentzeko.
Frantziako Tourreko 7. etapako une garrantzitsuenak
Emakumezkoen Frantziako Tourreko zazpigarren etapak une garrantzitsuak utzi ditu lasterketarako, batez ere sailkapen nagusiari begira. Niewiadomak ikuskizuna eman du horiz janzteko, eta Volleringek irabazi du Reusserren aurkako duelua.
Kim Le Court-Pienaar, azkarrena zortzi txirrindulariren arteko esprintean, Tournon-sur-Rhonen
Maurizioko txirrindulariak irabazi du Frantziako Tourreko seigarren etapa, 153,4 kilometrokoa, Montbrison eta Tournon-sur-Rhone artean jokatu dena. Bestalde, sailkapen nagsuiko faboritoak indarrak gordetzen saiatu dira, ostiral honetan Mont Ventoux igotzeko.
Le Court-Pienaarrek garaipena lapurtu dio iheslari talde bati Tournon-sur-Rhonen, eta Reusserrek horiz jantzita jarraitzen du
Maurizioko txirrindularia beste zazpi txirrindulariri nagusitu zaie esprintean. Marlen Reusserrek lider jarraitzen du, Demi Volleringen erasoei eutsi ostean.
Motor batek Noemi Ruegg jo du Durbizeko igoeran, eta bizikletatik bota du
Txirrindulari suitzarra (EF) lurrera joan da, Frantziako Tourreko bosgarren etapako azkenaurreko mendatean gailurra egiteko metro gutxiren faltan, motor batek jo baitu. Zorionez, talka aldapa gora gertatu da, abiadura txikian, eta txirrindulariak lasterketan jarraitu ahal izan du arazo handirik gabe.