Teunsek irabazi du mendiko lehen etapa; Ciccone da lider berria
Dylan Teuns (Bahrain Merida) belgikarrak bereganatu du ostegun honetan jokatu den Frantziako Tourreko 6. etapa, Mulhouse eta La Planche des Belles Filles artean korritu dena (160,5 km), aurtengo edizioko lehen jardunaldi menditsua, hain zuzen ere.
Berarekin batera ihes eginda ibili den Giulio Ciccone (Trek - Segafredo) italiarrak liderraren elastiko horia jantzi du, Julien Alaphilipperen (Deceuninck - Quick Step) kaltetan. Sei segundoko aldea besterik ez dago bien artean sailkapen nagusian orain.
Teuns, Ciccone beste 12 iheskidek osatu dute eguneko ihesaldia, baina azken igoera gogorrera (asfaltorik gabeko % 24ko pendizak zituen) lau txirrindularik besterik ez diote ekin abantailarekin: aipatutako biek eta Xandro Meurisse (Wanty-Groupe Gobert) frantziarrak eta mendiko liderra den Tim Wellens (Lotto Soudal) belgikarrak.
Faboritoen artean, ez da erasoaldi handirik egon, baina ikusi ahal izan den bakanetako Mikel Landa (Movistar) arabarrak protagonizatu du. Murgiarrak helmugara iristeko 3 kilometroren faltan jo du aurrera, eta, hasiera batean, faboritoen taldearekiko 20 segundo inguruko tartea zabaltzea lortu badu ere, Groupama taldea tiraka hasi da atzetik Thibaut Pinoten aukeren mesedetan, eta harrapatu egin dute.
Gerora, gaur arte liderra zen Alaphilippek salto egin du azken metroetan, elastiko horiari eusteko asmoz, baina haren ahaleginak ere ez du saririk izan.
Izan ere, atzetik heldu den Geraint Thomasek (Team Ineos) bere parera heldu eta gainditu egin du helmugako marran. Galestarrak, gainera, segundo gutxi batzuetako altxorra eskuratu du bere alde gainerako faboritoekiko. Besteak beste, 2 segundo atera dizkio Thibaut Pinot (Groupama-FDJ) frantziarrari; 7, Nairo Quintana (Movistar) kolonbiarrari eta Emanuel Buchmann (BORA) alemaniarrari; 9, Jakob Fuglsang (Astana) daniarrari, Mikel Landari, Richie Porte (Trek-Segafredo) australiarrari eta Egan Bernal (Ineos) taldekideari.
Horrenbestez, Thomas bosgarren dago une honetan sailkapenean, liderrarengandik 49 segundora
Ostiral honetan, Tourrak atseden txiki bat emango die lehiakideei, zazpigarren etapa laua izango baita, nahiz eta aurtengo luzeena izango den (230 km). Hasierako zatian dauden hiru mendatetxo izango dira eguneko zailtasun bakarrak, hortik aurrera ibilbidea asko leunduko baita.
Dylan Teuns, etapako garailea. Argazkia: ETBren bideo batetik ateratako irudia.
Giulio Ciccone, lasterketako lider berria. Argazkia: ETBren bideo batetik ateratako irudia.
Zure interesekoa izan daiteke
Volleringek, Niewiadomak eta Longo Borghinik osatu dute Frantziako Tourreko podiuma
Azken etapa erakustaldi batekin bereganatu ostean, Demi Vollering (FDJ) herbeheretarra Frantziako Tourreko podiumaren gorenera igo da, Kasia Niewiadoma (CANYON) poloniarra igo da bigarrenera, eta Elisa Longo Borghini (UAE) italiarra, berriz, hirugarrenera. Bestalde, gazte onena Antonia Niedermaier (CANYON) alemaniarra izan da, mendiko maillota Puck Pieterse (Fenix) herbeheretarrak irabazi du eta Lorena Wiebes (SD Worx) herbeheretarrak jantzi du puntuen maillota.
Demi Volleringek Tourreko garaipena ziurtatu du azken etapa irabazita
FDJ-SUEZ taldeko txirrindulari herbeheretarrak bere indarra erakutsi du Col d'Èzeko azken igoeran, 9. etapa irabazi eta Frantziako Tourra erabakita uzteko, azkenean sailkapen nagusian bigarren sailkatu den Kasia Niewiadomaren (Canyon) aurretik. Elisa Longo Borghinik (UAE) osatu du podiuma, Marlen Reusser (Movistar) suitzarraren erorikoa baliatuta.
Volleringen erasoa eta Tourreko 9. etapako azken metroak
Demi Vollering (FDJ) herbeheretarrak irabazi du 2026ko Frantziako Tourra. Helmugarako 16 kilometroren faltan jo du erasoa, Kasia Niewiadoma (CANYON) aurkari zuzena atzean utzita. Ikusi hemen erasoa eta etapako azken metroak.
Volleringi Tourreko 8. etapan garaipena eman dion erasoa
Eguneko azken mendatea gainditu ostean, Demi Volleringek erasora jo du, garaipenaren bila. Longo Borghini eta Niewiadoma haren atzetik abiatu dira, baina ezin izan diote herbeheretarraren erritmoari eutsi eta amore eman behar izan dute. Vollering bakarrik sartu da helmugan, eta maillot horia eskuratu du.
Volleringek Tourra astindu du, maillot horia eman dion bakarkako garaipenarekin
Demi Volleringek igoera laburra baina oso gogorra aukeratu du eraso egiteko, inongo mailarik ez zuena.
Kasia Niewiadoma nagusitu da Mont Ventouxen, eta elastiko horia jantzi du
Canyon taldeko txirrindulari poloniarrak, 2024ko Tourreko irabazleak, erasoa jo du helmugatik 10 kilometrora, Marlen Reusser suitzarrari (Movistar) lidergoa kentzeko.
Frantziako Tourreko 7. etapako une garrantzitsuenak
Emakumezkoen Frantziako Tourreko zazpigarren etapak une garrantzitsuak utzi ditu lasterketarako, batez ere sailkapen nagusiari begira. Niewiadomak ikuskizuna eman du horiz janzteko, eta Volleringek irabazi du Reusserren aurkako duelua.
Kim Le Court-Pienaar, azkarrena zortzi txirrindulariren arteko esprintean, Tournon-sur-Rhonen
Maurizioko txirrindulariak irabazi du Frantziako Tourreko seigarren etapa, 153,4 kilometrokoa, Montbrison eta Tournon-sur-Rhone artean jokatu dena. Bestalde, sailkapen nagsuiko faboritoak indarrak gordetzen saiatu dira, ostiral honetan Mont Ventoux igotzeko.
Le Court-Pienaarrek garaipena lapurtu dio iheslari talde bati Tournon-sur-Rhonen, eta Reusserrek horiz jantzita jarraitzen du
Maurizioko txirrindularia beste zazpi txirrindulariri nagusitu zaie esprintean. Marlen Reusserrek lider jarraitzen du, Demi Volleringen erasoei eutsi ostean.
Motor batek Noemi Ruegg jo du Durbizeko igoeran, eta bizikletatik bota du
Txirrindulari suitzarra (EF) lurrera joan da, Frantziako Tourreko bosgarren etapako azkenaurreko mendatean gailurra egiteko metro gutxiren faltan, motor batek jo baitu. Zorionez, talka aldapa gora gertatu da, abiadura txikian, eta txirrindulariak lasterketan jarraitu ahal izan du arazo handirik gabe.