Contadorrek 76,8 km/h-ko abiadura zuen Tourrean jausi zenean

Alberto Contadorrek (Tinkoff-Saxo), Twitterren adierazi duenez, 76,8 kilometro orduko abiadura zuen Frantziako Tourrean jausi zen momentuan. Eroriko horren ostean, lasterketa utzi behar izan zuen txirrindulariak. Tourra irabazteko faborito nagusien artean zegoen.

"20 egunen ostean, artxiboa deskargatu dut eta erorikoaren abiadura zehatza ikusi ahal izan dut: 76,8 km/h!", argitaratu du Twitterren, bere fitxategi pertsonalaren argazki batekin batera.

Contador lurrera joan zen Petit Ballon jaisten ari zen bitartean, eta tibia apurtu zuen. Madrildarrak ezin izango du Espainiako Vueltan parte hartu.