Luis Leon Sanchez murtziarrak garaipen ederra lortu du
Luis Leon Sanchez espainiarrak (Rabobank) Frantziako Tourreko hamalaugarren etapa (Limoix-Foix, 191 kilometro) irabazi du. Murtziako txirrindulariak Tourrean lortu duen laugarren garaipena izan da, 2008, 2009 eta 2011 urteetan etapak irabazi baitzituen.
Rabobank taldeko txirrindulariak helmugatik 11 kilometrora eraso gogorra jo du, eta beste lau iheslariak atzean utzi ditu. Ihesaldian kalitate handiko txirrindulariak izan dira (Peter Sagan, Philippe Gilbert, Sandy Casar eta Gorka Izagirre), baina Luis Leon Sanchezen erasoari ezin izan diote erantzunik eman. Gorka Izagirreren taldea irabazlearen 47 segundora heldu da.
Euskaltel-Euskadi taldeko txirrindularia Mur de Peguereko gainan onenen artean izan da, baina ordekan ezin izan dio Leon Sanchezi jarraitu. Ormaiztegikoak helmugan bosgarren postua eskuratu du.
Bradley Wiggins (Sky) liderraren taldea helmugara 18 minutu eta 14 segundora heldu da. Faborito nagusiak batera heldu dira, Cadel Evansek (BMC) azkeneko mendateko jaitsieran arazo mekaniko ugari izan arren.
Honela, sailkapen nagusian ia ez da aparteko mugimendurik izan, Bradley Wigginsek bi minutu eta bost segundoko aldea izaten jarraitzen duelako. Chris Froome bigarren sailkatuaren atzetik Liquigas taldeko Vincenzo Nibali italiarrak jarraitzen du, eta Haimar Zubeldia gipuzkoarrak seigarren postuari eutsi dio.
14. etapa:
1 Luis Leon SANCHEZ GIL RAB 4:50:29
2 Peter SAGAN LIQ 47
3 Sandy CASAR FDJ 47
4 Philippe GILBERT BMC 47
5 Gorka IZAGUIRRE INSAUSTI EUS 47
6 Sergio Miguel MOREIRA PAULINHO STB +2:51
7 Sebastien MINARD ALM +2:51
8 Martin VELITS OPQ +3:49
9 Eduard VORGANOV KAT +4:51
10 Steven KRUIJSWIJK RAB +4:53
11 Cyril GAUTIER EUC +14:53
12 Luis Angel MATE MARDONES COF +18:15
13 Julien SIMON SAU +18:15
14 Mikael CHEREL ALM +18:15
15 Bradley WIGGINS SKY +18:15
16 Cadel EVANS BMC +18:15
17 Vincenzo NIBALI LIQ +18:15
Sailkapen nagusia:
1 Bradley WIGGINS SKY 64:41:16
2 Christopher FROOME SKY +2:05
3 Vincenzo NIBALI LIQ +2:23
4 Cadel EVANS BMC +3:19
5 Jurgen VAN DEN BROECK LTB +4:48
6 Haimar ZUBELDIA AGIRRE RNT +6:15
7 Tejay VAN GARDEREN BMC +6:57
8 Janez BRAJKOVIC AST +7:30
9 Pierre ROLLAND EUC +8:31
10 Thibaut PINOT FDJ +8:51
11 Andreas KLÖDEN RNT +9:29
12 Frank SCHLECK RNT +9:45
13 Nicolas ROCHE ALM +10:49
14 Jerome COPPEL SAU +11:27
15 Christopher HORNER RNT +12:41
Zure interesekoa izan daiteke
Volleringek, Niewiadomak eta Longo Borghinik osatu dute Frantziako Tourreko podiuma
Azken etapa erakustaldi batekin bereganatu ostean, Demi Vollering (FDJ) herbeheretarra Frantziako Tourreko podiumaren gorenera igo da, Kasia Niewiadoma (CANYON) poloniarra igo da bigarrenera, eta Elisa Longo Borghini (UAE) italiarra, berriz, hirugarrenera. Bestalde, gazte onena Antonia Niedermaier (CANYON) alemaniarra izan da, mendiko maillota Puck Pieterse (Fenix) herbeheretarrak irabazi du eta Lorena Wiebes (SD Worx) herbeheretarrak jantzi du puntuen maillota.
Demi Volleringek Tourreko garaipena ziurtatu du azken etapa irabazita
FDJ-SUEZ taldeko txirrindulari herbeheretarrak bere indarra erakutsi du Col d'Èzeko azken igoeran, 9. etapa irabazi eta Frantziako Tourra erabakita uzteko, azkenean sailkapen nagusian bigarren sailkatu den Kasia Niewiadomaren (Canyon) aurretik. Elisa Longo Borghinik (UAE) osatu du podiuma, Marlen Reusser (Movistar) suitzarraren erorikoa baliatuta.
Volleringen erasoa eta Tourreko 9. etapako azken metroak
Demi Vollering (FDJ) herbeheretarrak irabazi du 2026ko Frantziako Tourra. Helmugarako 16 kilometroren faltan jo du erasoa, Kasia Niewiadoma (CANYON) aurkari zuzena atzean utzita. Ikusi hemen erasoa eta etapako azken metroak.
Volleringi Tourreko 8. etapan garaipena eman dion erasoa
Eguneko azken mendatea gainditu ostean, Demi Volleringek erasora jo du, garaipenaren bila. Longo Borghini eta Niewiadoma haren atzetik abiatu dira, baina ezin izan diote herbeheretarraren erritmoari eutsi eta amore eman behar izan dute. Vollering bakarrik sartu da helmugan, eta maillot horia eskuratu du.
Volleringek Tourra astindu du, maillot horia eman dion bakarkako garaipenarekin
Demi Volleringek igoera laburra baina oso gogorra aukeratu du eraso egiteko, inongo mailarik ez zuena.
Kasia Niewiadoma nagusitu da Mont Ventouxen, eta elastiko horia jantzi du
Canyon taldeko txirrindulari poloniarrak, 2024ko Tourreko irabazleak, erasoa jo du helmugatik 10 kilometrora, Marlen Reusser suitzarrari (Movistar) lidergoa kentzeko.
Frantziako Tourreko 7. etapako une garrantzitsuenak
Emakumezkoen Frantziako Tourreko zazpigarren etapak une garrantzitsuak utzi ditu lasterketarako, batez ere sailkapen nagusiari begira. Niewiadomak ikuskizuna eman du horiz janzteko, eta Volleringek irabazi du Reusserren aurkako duelua.
Kim Le Court-Pienaar, azkarrena zortzi txirrindulariren arteko esprintean, Tournon-sur-Rhonen
Maurizioko txirrindulariak irabazi du Frantziako Tourreko seigarren etapa, 153,4 kilometrokoa, Montbrison eta Tournon-sur-Rhone artean jokatu dena. Bestalde, sailkapen nagsuiko faboritoak indarrak gordetzen saiatu dira, ostiral honetan Mont Ventoux igotzeko.
Le Court-Pienaarrek garaipena lapurtu dio iheslari talde bati Tournon-sur-Rhonen, eta Reusserrek horiz jantzita jarraitzen du
Maurizioko txirrindularia beste zazpi txirrindulariri nagusitu zaie esprintean. Marlen Reusserrek lider jarraitzen du, Demi Volleringen erasoei eutsi ostean.
Motor batek Noemi Ruegg jo du Durbizeko igoeran, eta bizikletatik bota du
Txirrindulari suitzarra (EF) lurrera joan da, Frantziako Tourreko bosgarren etapako azkenaurreko mendatean gailurra egiteko metro gutxiren faltan, motor batek jo baitu. Zorionez, talka aldapa gora gertatu da, abiadura txikian, eta txirrindulariak lasterketan jarraitu ahal izan du arazo handirik gabe.