David Millarrek irabazi du, esprintean, jardunaldi luzeena
David Millar txirrindulari britainiarrak (Garmin) irabazi du esprintean Frantziako Tourraren 12. etapa (226. kilometro Saint Jean de Maurienne eta Annonay Davezieux artean). Ihesaldi luze baten ostean, eta esprintean, Jean Christophe Peraud (Ag2r) frantziarra gainditu du. Egoi Martinez (Euskaltel-Euskadi) nafarra hirugarren helmugaratu da, eta Bradley Wigginsek (Sky) lidergoari eutsi dio.
Millar hasieratik sartu da jardunaldiko ihesaldi nagusian, eta azkenean 5 ordu eta 42 minutuko denbora behar izan du helmugan lehena sartzeko. Helmugara heltzeko bi kilometroren faltan, Millarrek eta Peraudek aurrera egin dute eta esprintean britainiarra izan da nagusi. Atzetik, Egoi Martinez, Cyril Gautier eta Robert Kiserlovski heldu dira.
Tropelak Millarrek baino zortzi minutu gehiago behar izan ditu. Wiggins liderrak hamabigarren postuan bukatu du. Sailkapen nagusian, Froome 2:05era dago eta Nibali 2:23ra. Haimar Zubeldiak seigarren postuan jarraitzen du, 6:15era.
Jardunaldi honetan, Robert Gesink, Tom Veelers eta David Moncoutie txirrindulariek proba utzi dute.
13. etapa
Tropela Pirinioetarako bidean da, eta horretarako etapa luzeari aurre egin beharko dio lehenago. Etaparen hasiera 11:45ean emango da eta 17:40ean amaituko da gutxi gorabehera.
12. etaparen sailkapena:
1. David Millar (GBR/Garmin) 5:42:46.
2. Jean-Christophe Peraud (FRA/AG2R) d.b.
3. Egoi Martinez (EUS/Euskaltel) d.b.
4. Cyril Gautier (FRA/Europcar) 5.
5. Robert Kiserlovsky (CRO/Astana) d.b.
6. Peter Sagan (SLO/Liquigas) 7:53.
7. Matthew Harley Goss (AUS/GreenEdge) d.b.
8. Sebastien Hinault (FRA/AG2R) d.b..
9. Cadel Evans (AUS/BMC Racing) 7:54.
10.Luca Paoloni (ITA/Katusha) d.b.
Sailkapen nagusia:
1. Bradley Wiggins (GBR/Team Sky) 54:34:33.
2. Chris Froome (GBR/Team Sky) 2:05.
3. Vincenzo Nibali (ITA/Liquigas) 2:23.
4. Cadel Evans (AUS/BMC Racing) 3:19.
5. Jurgen Van den Broeck (BEL/Lotto) 4:48.
6. Haimar Zubeldia (EUS/RadioShack) 6:15.
7. Tejay Van Garderen (USA/BMC Racing) 6:57.
8. Janez Brajkovic (SLO/Astana) 7:30.
9. Pierre Rolland (FRA/Europcar) 8:31.
10. Thibaut Pinot (FRA/FDJ) 8:51.
Zure interesekoa izan daiteke
Volleringek, Niewiadomak eta Longo Borghinik osatu dute Frantziako Tourreko podiuma
Azken etapa erakustaldi batekin bereganatu ostean, Demi Vollering (FDJ) herbeheretarra Frantziako Tourreko podiumaren gorenera igo da, Kasia Niewiadoma (CANYON) poloniarra igo da bigarrenera, eta Elisa Longo Borghini (UAE) italiarra, berriz, hirugarrenera. Bestalde, gazte onena Antonia Niedermaier (CANYON) alemaniarra izan da, mendiko maillota Puck Pieterse (Fenix) herbeheretarrak irabazi du eta Lorena Wiebes (SD Worx) herbeheretarrak jantzi du puntuen maillota.
Demi Volleringek Tourreko garaipena ziurtatu du azken etapa irabazita
FDJ-SUEZ taldeko txirrindulari herbeheretarrak bere indarra erakutsi du Col d'Èzeko azken igoeran, 9. etapa irabazi eta Frantziako Tourra erabakita uzteko, azkenean sailkapen nagusian bigarren sailkatu den Kasia Niewiadomaren (Canyon) aurretik. Elisa Longo Borghinik (UAE) osatu du podiuma, Marlen Reusser (Movistar) suitzarraren erorikoa baliatuta.
Volleringen erasoa eta Tourreko 9. etapako azken metroak
Demi Vollering (FDJ) herbeheretarrak irabazi du 2026ko Frantziako Tourra. Helmugarako 16 kilometroren faltan jo du erasoa, Kasia Niewiadoma (CANYON) aurkari zuzena atzean utzita. Ikusi hemen erasoa eta etapako azken metroak.
Volleringi Tourreko 8. etapan garaipena eman dion erasoa
Eguneko azken mendatea gainditu ostean, Demi Volleringek erasora jo du, garaipenaren bila. Longo Borghini eta Niewiadoma haren atzetik abiatu dira, baina ezin izan diote herbeheretarraren erritmoari eutsi eta amore eman behar izan dute. Vollering bakarrik sartu da helmugan, eta maillot horia eskuratu du.
Volleringek Tourra astindu du, maillot horia eman dion bakarkako garaipenarekin
Demi Volleringek igoera laburra baina oso gogorra aukeratu du eraso egiteko, inongo mailarik ez zuena.
Kasia Niewiadoma nagusitu da Mont Ventouxen, eta elastiko horia jantzi du
Canyon taldeko txirrindulari poloniarrak, 2024ko Tourreko irabazleak, erasoa jo du helmugatik 10 kilometrora, Marlen Reusser suitzarrari (Movistar) lidergoa kentzeko.
Frantziako Tourreko 7. etapako une garrantzitsuenak
Emakumezkoen Frantziako Tourreko zazpigarren etapak une garrantzitsuak utzi ditu lasterketarako, batez ere sailkapen nagusiari begira. Niewiadomak ikuskizuna eman du horiz janzteko, eta Volleringek irabazi du Reusserren aurkako duelua.
Kim Le Court-Pienaar, azkarrena zortzi txirrindulariren arteko esprintean, Tournon-sur-Rhonen
Maurizioko txirrindulariak irabazi du Frantziako Tourreko seigarren etapa, 153,4 kilometrokoa, Montbrison eta Tournon-sur-Rhone artean jokatu dena. Bestalde, sailkapen nagsuiko faboritoak indarrak gordetzen saiatu dira, ostiral honetan Mont Ventoux igotzeko.
Le Court-Pienaarrek garaipena lapurtu dio iheslari talde bati Tournon-sur-Rhonen, eta Reusserrek horiz jantzita jarraitzen du
Maurizioko txirrindularia beste zazpi txirrindulariri nagusitu zaie esprintean. Marlen Reusserrek lider jarraitzen du, Demi Volleringen erasoei eutsi ostean.
Motor batek Noemi Ruegg jo du Durbizeko igoeran, eta bizikletatik bota du
Txirrindulari suitzarra (EF) lurrera joan da, Frantziako Tourreko bosgarren etapako azkenaurreko mendatean gailurra egiteko metro gutxiren faltan, motor batek jo baitu. Zorionez, talka aldapa gora gertatu da, abiadura txikian, eta txirrindulariak lasterketan jarraitu ahal izan du arazo handirik gabe.