Thomas Voeckler Scarponi eta Voigt baino indartsuagoa izan da
Thomas Voeckler frantziarrak erakustaldia eman du azkenengo kilometroan, eta Europcar taldeko txirrindulariak Alpeetako aurreneko etapa irabazi du. Gainera, Bradley Wiggins liderrak elastiko horia arazorik gabe mantendu du.
Voecklerrek Frantziako Tourreko bere laugarren garaipena eskuratu du. Txirrindulari frantziarrak eraso gogorra jo du azkenengo igoeran, eta Michele Scarponi (Lampre) Jens Voigt (Radioshack), Luis Leon Sanchez (Rabobank) eta Dries Devenyns (Omega) iheskideak atzean utzi ditu. Egoi Martinez nafarra eguneko ihesaldian izan da, baina Euskaltel-Euskadi taldekoak ezin izan du onenen artean bukatu.
Grand Colombier mendiko igoeran hasi da etapa erabakitzen, 25 kideko ihesalditik soilik lau gelditu baitira lasterketaren buruan. Tropelean, Sky taldeak erritmo bizia jarri du, eta igoerako azkenengo kilometrora arte ia ez da eraso saiakerarik izan. Jurgen Van den Broeckek (Lotto) segundo gutxiko abantaila hartu du, eta jaitsieran Vincenzo Nibalik eraso bikaina jo du. Liquigas taldeko liderrak Peter Saganen laguntza izan du, baina, azkenean, tropelak hartu egin ditu.
Vand den Broeckek eta Pierre Rollandek erasoa jo dute azkeneko kilometroetan, eta helmugan segundo garrantzitsuak lortu dituzte. Haimar Zubeldia gipuzkoarra beste faborito guztiekin batera heldu dira.
Sailkapen nagusiko aurrerakada nabarmenena Jurgen Van den Broeckek eman du, Lotto taldeko liderrak zortzigarren postua lortu baitu. Bradley Wigginsek ia bi minutuko aldearekin jarraituko du elastiko horia defendatzen.
10. etapa:
1. VOECKLER Thomas TEAM EUROPCAR 04h 46' 26''
2. SCARPONI Michele LAMPRE - ISD + 00' 03''
3. VOIGT Jens RADIOSHACK-NISSAN + 00' 07''
4. SANCHEZ Luis-Leon RABOBANK CYCLING TEAM + 00' 23''
5. DEVENYNS Dries OMEGA PHARMA-QUICK STEP + 00' 30''
6. CASAR Sandy FDJ-BIGMAT + 02' 44''
7. MARTINEZ Egoi EUSKALTEL - EUSKADI + 02' 44''
8. ROLLAND Pierre TEAM EUROPCAR + 02' 44''
9. VAN DEN BROECK Jurgen LOTTO-BELISOL TEAM + 02' 44''
10. FOFONOV Dmitriy ASTANA PRO TEAM + 02' 52''
11. PINOT Thibaut FDJ-BIGMAT + 03' 16''
12. EVANS Cadel BMC RACING TEAM + 03' 16''
13. WIGGINS Bradley SKY PROCYCLING + 03' 16''
14. ROCHE Nicolas AG2R LA MONDIALE + 03' 16''
15. NIBALI Vincenzo LIQUIGAS-CANNONDALE + 03' 16''
Zure interesekoa izan daiteke
Wout van Aertek ez du Frantziako Tourrean parte hartuko, lesioa duelako ukondoan
Aurreko astean, Visma Lease a Bike taldeko txirrindulariak, Auvernia-Rodano-Alpeetako Tourrean etapa bat irabazita, lasterketa utzi behar izan zuen, ukondoan arazoak zituelako; lesio horrengatik ezingo da Bartzelonan uztailaren 4an hasiko den Frantziako Tourrean aritu.
Caja Rural-Seguros RGA taldeak Frantziako Tourrean izango duen maillota aurkeztu du; 1987an eta 1988an erabilitakoa bezalakoa da
Nafarroako taldeak asteartean aurkeztu du maillot hori, eta Marino Lejarreta ere izan da ekitaldian; berriztarrak 80ko hamarkadako Tour horietan izan zen.
2028ko Tourra Reimsetik abiatuko da, eta lehen etapak Frantziako ekialdean izango dira
2021etik Frantziak hartuko duen bigarren irteera izango da. Bestalde, olinpiar jokoak egiten diren urteetan gertatzen den bezala, lasterketa ohi baino astebete lehenago hasiko da 2028an, ekainaren 24an, eta uztailaren 16an amaituko da, Parisen.
Frantziako Tourrak Laboral Kutxa-Euskadi 2026ko ekitaldian egonen dela baieztatu du
Abuztuaren 1etik 9ra bitartean lehiatuko den lasterketak 21 talde izanen ditu; horietatik hamalau WorldTeam mailakoak dira, eta zazpi ProTeam mailakoak, eta horien artean dago euskal taldea.
Britainia Handian hasiko dira 2027ko gizonezkoen eta emakumezkoen Frantziako Tourrak
2027ko Frantziako Tourra Britainia Handian hasiko da, gizonezkoetan zein emakumezkoetan. Tropelak Eskozia, Ingalaterra eta Gales zeharkatuko ditu gizonezkoen kasuan, eta Ingalaterra emakumezkoen proban.
Bartzelonan hasiko da 2026ko Frantziako Tourra, mendia eta Alpe d’Huezen itzulera protagonista dituela
2026ko Frantziako Tourrak badu mapa. Frantziako Tourra Bartzelonatik abiatuko da lehen aldiz, taldekako erlojupeko batekin, Montjuïcen, eta altuerako ibilbidea egingo du: bost amaiera maldan gora, hitzordu bikoitza Alpe d'Huezen, eta 3.333 kilometro guztira.
Frantziako Tourra Mont Ventoux mendatera helduko da
2026ko edizioa Lausanatik abiatuko da abuztuaren 1ean, eta hilaren 9an amaituko da, Nizan. Zazpigarren jardunaldian, Mont Ventoux mendatera igo beharko dute txirrindulariek; horrez gain, laugarren etapa 21. kilometroko erlojupekoa izango da.
Ferrand-Prevotek historia egin du Frantziako Tourra irabazita
Azkeneko etapa ere Vismako txirrindulari frantziarrak bereganatu du. Podiumean Demi Vollering herbeheretarra eta Katarzyna Niewiadoma poloniarra izan ditu ondoan.
Pauline Ferrand-Prevot frantziarrak Tourra erabakita utzi du, Madeleine mendatean erakustaldia emanda
Amaierarako etapa baten faltan, Ferrand-Prevotek 2:37ko aldea du Sara Gigante bigarren sailkatuarekin, eta 3:18koa Demi Volleringekin.
Maeva Squibanek bigarrenez jarraian irabazi du Frantziako Tourrean
Txirrindulari frantziarrak erakustaldia eman du eta bigarren egunez jarraian bakarka helmugaratu da.