Wout van Aert nagusi Lojan, eta Enric Masek elastiko gorriari eutsi dio
Van Aertek laugarren garaipena lortu du Vueltan, Valentin Paret-Peintre Soudal taldeko frantziarra esprintean gaindituta. Enric Masek, berriz, sailkapen nagusiko lidergoari eutsi dio.
Van Aertek laugarren garaipena lortu du Vueltan, Paret-Peintre esprintean gaindituta. Argazkia: EFE
Wout van Aert (Visma-Lease a Bike) txirrindulari belgikarrak irabazi du ostiral honetan Vueltako 13. etapa, Almuñecar eta Loja artean 192,8 kilometroko ibilbidea izan duena. Bestalde, Enric Mas (Movistar Team) espainiarrak liderraren elastikoari eutsi dio, eta sailkapen nagusiko lehian ez da aldaketa nabarmenik izan.
Lehen 30 kilometro korritu eta gero, Venta de la Cebada (1. maila) mendatea igarota, 28 txirrindularik ihes egin dute, besteak beste, Wout van Aert eta Matthew Brennan Visma-Lease a Bike taldekoak tartean zirela.
Handik gutxira, Gregor Mühlberger (Decathlon CMA CGM) austriarrak Vuelta utzi du, eta beste 15 txirrindulari ihesaldira batu dira. Mattias Skjelmose (Lidl-Trek) izan da sailkapen nagusiari begira arrisku handiena sortu duena, baina Enric Mas (Movistar Team) liderrak lasai jarraitu du, eta aldeak kontrolatu ditu.
Aurrean, Kevin Vermaerke (UAE Team Emirates-XRG) estatubatuarrak eta, batez ere, Andreas Leknessund (Uno-X Mobility) norvegiarrak erasoa jo dute, eta ihesaldia hautsi egin da.
Granadako mendatean (bigarren mailakoa), berriz, Vermaerke, Van Aert eta, bereziki, Brennan nabarmendu dira, eta sasoi onean daudela erakutsi dute.
Azken partean, Finn Fisher-Black (Red Bull-BORA-hansgrohe), Leo Bisiaux (Decathlon CMA CGM), Valentin Paret-Peintre (Soudal Quick-Step), Simon Dalby (Uno-X Mobility), Vincenzo Albanese (EF Education-EasyPost) eta Jarno Widar (Lotto Intermarche) ere lasterketaren buruan ibili dira, eta garaipena lortzeko aukerei uko egin gabe egin diete aurre azken kilometroei.
Helmugatik 3,6 kilometrora, Van Aertek eta Paret-Peintrek erasoa jo dute, garaipena bien artean jokatzeko asmoz. Belgikarrak sendotasun handiagoa erakutsi du, eta frantziarra menderatu du azken esprintean.
Tropela hiru minutura iritsi da, eta Enric Masek (Movistar Team) arazorik gabe eutsi dio sailkapen nagusiko lidergoari. Mattias Skjelmoseren (Lidl-Trek) erasoek, beraz, ez dute aldaketarik eragin lehen postuetan.
Zure interesekoa izan daiteke
Jakob Omrzelek irabazi du Calar Alton, Urko Berrade bigarren dela, eta Enric Masek lidergoa sendotu du Espainiako Vueltan
Bahrain-Victorious taldeko txirrindulari gazteak irabazi du Espainiako Vueltako 81. etapa nagusia, eta Masek 27 segundo gehiago atera dizkie Primoz Roglic eta Felix Galli. Urko Berrade eta Pello Bilbao eguneko ihesaldian izan dira.
Matthew Brennan azkarrena izan da berriro esprintean, Lorcan, eta hiru garaipen lortu ditu Espainiako Vueltan
Vismako txirrinduari britainiarrak irabazi du lasterketako 81. ekitaldiko hamaikagarren etapa; Movistarreko Enric Masek lider jarraitzen du.
Bastien Tronchonek irabazi du, esprintean, Espainiako Vueltako hamargarren etapa, eta Enric Masek lider jarraitzen du
Xabier Mikel Azparrenek oso gertu izan du garaipena, baina tropelak azken metroetan aurreratu du; donostiarra seigarren postuan helmugaratu da. Sailkapen nagusian, ez da aldaketarik izan.
Enric Mas nagusitu da Aitana gainean, eta sendotu egin du bere lidergoa
Mallorcako txirrindulariak indar erakustaldia eman du Aitanan, 2026ko Vueltako bederatzigarren etapa irabazita. Movistar Team taldeko buruak nagusitasunez erantzun dio maillot gorria janzteko erronkari, Tadej Pogacar erretiratu ostean, Primoz Roglic eta Felix Gall gaindituz eta lehen atseden egunaren aurretik lidergoa sendotuz.
Pogacarrek bere lehen mezua publikatu du ospitaletik: “Stayin' alive"
Esloveniarrak bere jarraitzaileak lasaitu nahi izan ditu Espainiako Vueltan eroriko larria izan ostean. Pogacarrek lasterketa utzi behar izan zuen larunbatean, aurtengo ekitaldia irabazteko dena alde zuenean.
Mas da lider berria, Pogacarrek lasterketa utzi eta Coquardek etapa irabazi ostean
Tadej Pogacarrek (gaur arte lider eta garaipena lortzeko faborito nagusia) lasterketa utzi behar izan du helmugatik 32 kilometrora eroriko gogorra izan ostean, eta Enric Masek eskuratu du lidergoa. Amaiera kaotiko batean, Bryan Coquardek irabazi du etapa, esprintean Mads Pedersen eta Jordi Meeus gaindituta.
Pogacarrek eroriko gogorra izan du eta Vuelta utzi du
UAE taldeak zabaldutako parte medikoaren arabera, Pogacarrek garuneko kommozioa, ezkerreko lepauztaian haustura desplazatua eta C7 ornoaren haustura zerbikal egonkorra ditu, baita hainbat urradura ere. Lesio horien ondorioz, ebakuntza kirurgikoa egin beharko diote lepauztaia zuzentzeko.
Leknessundek irabazi du Valdelinaresen, eta Pogacarrek lider jarraitzen du
Bigarren Tobias Johannessen (Uno X) norvegiarra izan da, 34 segundora; eta hirugarren, Wout Van Aert belgikarra, 47ra.
Pogacarrek Enric Mas gainditu du Castelloko helmugan eta lidergoa sendotu du
UAEko txirrindulari esloveniarrak argi eta garbi gainditu du Movistar taldeko espainiarra, orain sailkapen nagusiko bigarren postuan dagoena, biek beste faborito batzuekiko abantaila hartu ostean.