Pogacarrek eroriko gogorra izan du eta Vuelta utzi du
Lasterketako medikuetako baten arabera, esloveniarrak traumatismo kraneoentzefalikoa du, eta ezkerreko "lepauztaiko haustura eta luxazioa". Proba erradiologikoak egingo dizkiote lesioak zehazteko.
Pogacar, 6. etapan. Argazkia: EFE
Tadej Pogacar (UAE) esloveniarrak, Espainiako Vueltako liderrak, lasterketa utzi du 8. etapan, helmugatik 32 kilometrora eroriko gogorra izan ostean.
Pogacar anbulantzia batera igo da, ezkerreko lepauztaia minduta zuela. Medikuek errepidean artatu ondoren, bizikletara igotzen saiatu da, baina min handia zuen, eta bertan behera utzi du lasterketa.
Mediku baten arabera, esloveniarrak traumatismo kraneoentzefalikoa du, eta ezkerreko "lepauztaiko haustura eta luxazioa". Proba erradiologikoak egingo dizkiote lesioak zehazteko.
Pogacarrek lehen aldiz utzi behar izan du etapakako lasterketa bat min hartu duelako.
Frantziako Tourra bost aldiz irabazi duen txirrindulari handiak istripu larria izan du, Vueltaren 81. edizioa irabazteko faborito nagusia bera zenean.
Hiru etapa garaipen lortu ostean, eta sailkapen nagusian Enric Mas espainiarra 3 minutu eta 50 segundora eta Primoz Roglic herrikidea 4 minutu eta 50 segundora zituela, Tadej Pogacar hiru itzuli handiak irabazi dituzten 8 txirrindularien taldean izena emateko bidean zegoen.
Bizikletara igotzen saiatu da, baina ezkerreko sorbaldan zuen minak itzulitik kanpo utzi du munduko txapelduna. Azkenik, anbulantzia batera igo da, eta ospitalera eraman dute.
Zure interesekoa izan daiteke
Mas da lider berria, Pogacarrek lasterketa utzi eta Coquardek etapa irabazi ostean
Tadej Pogacarrek (gaur arte lider eta garaipena lortzeko faborito nagusia) lasterketa utzi behar izan du helmugatik 32 kilometrora eroriko gogorra izan ostean, eta Enric Masek eskuratu du lidergoa. Amaiera kaotiko batean, Bryan Coquardek irabazi du etapa, esprintean Mads Pedersen eta Jordi Meeus gaindituta.
Leknessundek irabazi du Valdelinaresen, eta Pogacarrek lider jarraitzen du
Bigarren Tobias Johannessen (Uno X) norvegiarra izan da, 34 segundora; eta hirugarren, Wout Van Aert belgikarra, 47ra.
Pogacarrek Enric Mas gainditu du Castelloko helmugan eta lidergoa sendotu du
UAEko txirrindulari esloveniarrak argi eta garbi gainditu du Movistar taldeko espainiarra, orain sailkapen nagusiko bigarren postuan dagoena, biek beste faborito batzuekiko abantaila hartu ostean.
Matthew Brennanek bere indarra erakutsi du esprintean eta bigarren garaipena lortu du Vueltako bosgarren etapan
Visma taldeko txirrindulari britainiarrak Jordi Meeus belgikarra (Red Bull) eta Vincenzo Albanese italiarra (EF Education) gainditu ditu Roquetesko helmugan. Pogacarrek (UAE) lider jarraitzen du.
Pogacar bakarrik helmugaratu da Andorran, beste maisutasun erakustaldi bat eginda
Esloveniarrak kolpe handia eman du goi-mendiko lehen etapan, helmugarako 50,5 kilometro falta zirela hautsi du lasterketa, Coll de Beixalisen. Widar izan da bigarren, eta Gall, hirugarren.
Kazkabar ekaitz batek Vueltako hirugarren etapa bertan behera uztera behartu du
Antolatzaileek bertan behera utzi behar izan dute hirugarren etapa, Mont Louiseko igoeran izandako kazkabar ekaitz baten ondorioz.
Matthew Brennanek irabazi du Manosquen, esprintean, eta Tadej Pogacarrek lider jarraitzen du Espainiako Vueltan
Visma Lease a Bike taldeko txirrindulari britainiarra izan da azkarrena lasterketako bigarren etapako azken metroetan. Pogacar hirugarren postuan helmugaratu da, eta, hala, maillot gorriari eutsi dio, sailkapen nagusiko lehen tokian segitzen baitu.
Pogacarrek irabazi du Monakon, eta La Vueltako liderra da lehen egunean
Esloveniarrak bederatzi ehunenengatik irabazi dio Ethan Hayterri gorriz janzteko.
Mikel Landa Soudal Quick-Step taldeko liderra izango da bere hamargarren Vueltan
Horrela, arabarrak hamargarren aldiz korrituko du Espainiako Vuelta, kasu honetan Soudal Quick-Step taldeko lider gisa. Hala ere, Filippo Zana italiarra eta Valentin Paret-Peintre frantziarra dira sailkapen nagusirako taldearen beste aukerak.