Mas da lider berria, Pogacarrek lasterketa utzi eta Coquardek etapa irabazi ostean
Tadej Pogacarrek (gaur arte lider eta garaipena lortzeko faborito nagusia) lasterketa utzi behar izan du helmugatik 32 kilometrora eroriko gogorra izan ostean, eta Enric Masek eskuratu du lidergoa. Amaiera kaotiko batean, Bryan Coquardek irabazi du etapa, esprintean Mads Pedersen eta Jordi Meeus gaindituta.
Coquard nagusitu da esprintean. Argazkia: EFE
2026ko Espainiako Vueltako 8. etapak, larunbat honetan Puçol eta Xeraco artean jokatu denak, aldaketa historikoa eragin du lasterketan, Tadej Pogacarrek lasterketa utzi behar izan baitu.
UAE Team Emirates taldeko txirrindulari esloveniarrak eroriko larria izan du helmugarako 32 kilometro falta zirenean. Istripuaren ondorioz, traumatismo kraneoentzefalikoa eta ezkerreko "lepauztaia hautsi edo luxatu egin du". Proba erradiologikoak egingo dizkiote zenbaterainoko lesioak dituen zehazteko.
Liderra eta garaipenerako faborito nagusia erretiratzeak sailkapen nagusia erabat aldatu du. Enric Mas Movistar Team taldeko txirrindulari katalanak lehen postua eskuratu du eta elastiko gorria jantzi du. Masek minutu batera du Primoz Roglic, eta minutu bat eta 11 segundora, berriz, Felix Gall.
Etapako garaipena Bryan Coquard frantziarrak, Cofidis taldeko txirrindulariak, lortu du, esprintean. Coquardek 3 ordu, 47 minutu eta 6 segundo behar izan ditu 171 kilometroko ibilbidea osatzeko, batez beste orduko 45,2 kilometroko abiaduran. Mads Pedersen izan da bigarren, eta Jordi Meeus helmugaratu da hirugarren postuan.
Igande honetan mendiko etapa gogorra izango da, eta Aitana gainean izango du helmuga. Ibilbideak sailkapen nagusiko hautagai nagusien arteko lehen alde handiak sor ditzake, Vueltaren bigarren astearen atarian.
Zure interesekoa izan daiteke
Pogacarrek eroriko gogorra izan du eta Vuelta utzi du
Lasterketako medikuetako baten arabera, esloveniarrak traumatismo kraneoentzefalikoa du, eta ezkerreko "lepauztaiko haustura eta luxazioa". Proba erradiologikoak egingo dizkiote lesioak zehazteko.
Leknessundek irabazi du Valdelinaresen, eta Pogacarrek lider jarraitzen du
Bigarren Tobias Johannessen (Uno X) norvegiarra izan da, 34 segundora; eta hirugarren, Wout Van Aert belgikarra, 47ra.
Pogacarrek Enric Mas gainditu du Castelloko helmugan eta lidergoa sendotu du
UAEko txirrindulari esloveniarrak argi eta garbi gainditu du Movistar taldeko espainiarra, orain sailkapen nagusiko bigarren postuan dagoena, biek beste faborito batzuekiko abantaila hartu ostean.
Matthew Brennanek bere indarra erakutsi du esprintean eta bigarren garaipena lortu du Vueltako bosgarren etapan
Visma taldeko txirrindulari britainiarrak Jordi Meeus belgikarra (Red Bull) eta Vincenzo Albanese italiarra (EF Education) gainditu ditu Roquetesko helmugan. Pogacarrek (UAE) lider jarraitzen du.
Pogacar bakarrik helmugaratu da Andorran, beste maisutasun erakustaldi bat eginda
Esloveniarrak kolpe handia eman du goi-mendiko lehen etapan, helmugarako 50,5 kilometro falta zirela hautsi du lasterketa, Coll de Beixalisen. Widar izan da bigarren, eta Gall, hirugarren.
Kazkabar ekaitz batek Vueltako hirugarren etapa bertan behera uztera behartu du
Antolatzaileek bertan behera utzi behar izan dute hirugarren etapa, Mont Louiseko igoeran izandako kazkabar ekaitz baten ondorioz.
Matthew Brennanek irabazi du Manosquen, esprintean, eta Tadej Pogacarrek lider jarraitzen du Espainiako Vueltan
Visma Lease a Bike taldeko txirrindulari britainiarra izan da azkarrena lasterketako bigarren etapako azken metroetan. Pogacar hirugarren postuan helmugaratu da, eta, hala, maillot gorriari eutsi dio, sailkapen nagusiko lehen tokian segitzen baitu.
Pogacarrek irabazi du Monakon, eta La Vueltako liderra da lehen egunean
Esloveniarrak bederatzi ehunenengatik irabazi dio Ethan Hayterri gorriz janzteko.
Mikel Landa Soudal Quick-Step taldeko liderra izango da bere hamargarren Vueltan
Horrela, arabarrak hamargarren aldiz korrituko du Espainiako Vuelta, kasu honetan Soudal Quick-Step taldeko lider gisa. Hala ere, Filippo Zana italiarra eta Valentin Paret-Peintre frantziarra dira sailkapen nagusirako taldearen beste aukerak.