Lotte Kopeckyk irabazi du laugarren etapa esprintean, eta lider maillota jantzi du
SD Worx taldeko belgikarrak bere indarra baliatu du gaurko esprintean, aldez aurretik bi aldiz bigarren sailkatu ondoren. Gainera, Kopecky da Vueltako lider berria, 10 segundoko gainsariari esker, 6 segundoko aldea du Kochekiko eta 12koa Kerbaolekiko.
Lotte Kopecky belgikarra (SD Worx), helmugan. Argazkia: Europa Press
Lotte Kopecky (SD Worx) belgikarrak, bi aldiz munduko txapeldunak, nagusitasunez irabazi du esprintean Espainiako Vueltako laugarren etapa. Gaur 115,6 kilometroko ibilbideak Monforte de Lemos eta Antas de Ulla lotu ditu, Lugo probintzian.
Kopeckyk bere indarra baliatu du gaurko esprintean, aldez aurretik bi aldiz bigarren sailkatu ondoren. Belgikarrak 3 ordu., 7 minutu eta 11 segundoko denbora egin du, 37,1 kilometro orduko batez besteko abiaduran. Bigarren postua Anna Van der Breggen (SD Worx) herbeheretarrarentzat izan da, eta hirugarrena Patrizia Paternoster (Liv Alula) italiarrarentzat.
Kopecky, 10 segundoko gainsariari esker, lider berria da 6 segundoko aldearekin Franziska Koch (FDJ) alemaniarrarekiko, eta 12 Cedrine Kerbaol (EF Education) bretoiarekiko.
Ostegun honetan bosgarren etapa jokatuko da, Leon eta Astorga artean, 119,6 kilometroko ibilbidearekin.
Zure interesekoa izan daiteke
Kerbaol bretoiak ezustekoa eman eta irabazi du Coruñan, eta Kochek lider jarraitzen du
Etapa esprintean erabaki behar zela zirudienean, Cedrine Kerbaolek (EF Education) helmugatik 2.000 metrora erasoa jotzea erabaki du. Bresteko txirrindulariak segundo gutxi batzuetako tartea zabaldu du, eta bakarrik, pozez zoratzen, helmugaratu da.
Bossuyt belgikarrak Franziska Koch lider berria gainditu du esprintean
Bossuytek ezin zuen sinetsi ere egin lasterketa handi batean lehen garaipena lortu izana, bere palmareseko laugarrena, baina esprintean ohore hori merezi izan du, txirrindulari onenak gainditu baititu.
Noemi Rüegg suitzarra, Vueltako lehen liderra
Euriak eta helmugara iristeko 8 kilometrora tropela zatitu duen erorikoak markatu dute lehen etapa.
Laboral Kutxak talde igotzailea eramango du Vueltara, eta Usoa Ostolaza izango du lider
Igandean hasiko da, eta Pauline Ferrand-Prevot frantziarra eta Kasia Niewiadoma poloniarra dira faborito nagusiak, Demi Vollering azken bi urteetako txapelduna ez baita bertan arituko.
2026ko Emakumezkoen Vuelta Anglirun amaituko da, zazpi etapa eta ibilbide gogor baten ostean
Emakumezkoen Espainiako Vueltak bere laugarren edizioa aurkeztu du. Galizia, Leon eta Asturias zeharkatuko ditu, podiuma goi-mendiko bi amaieretan erabaki aurretik.
2026ko Emakumezkoen Vuelta Galizian hasiko da maiatzaren 3an
Ibilbide osoaren berri martxoaren 9an emango dute, Ribeiran.
2026ko Espainako Vueltan zazpi etapa mendatean amaituko dira, eta 32 kilometroko banakako erlojupeko bat egonen da
81. Espainiako Vuelta Monakon hasiko da, abuztuaren 22an, larunbatez, eta, 21 etapa eginda, Granadan amaitu, irailaren 13an, igandez.
Luis Zubero Kas taldeko txirrindulari historikoa hil da, 77 urte zituela
Zubero, Zeberiokoa bera, euskal taldean aritu zen 1968tik 1974ra. Hiru itzuli handiei dagokienez, lau aldiz izan zen Frantziako Tourrean, hirutan Italiako Giroan eta behin Espainiako Vueltan.
Israel-Premier Techek izena aldatuko du 2026an, "egungo israeldar nortasunetik aldentzeko" helburuarekin
Txirrindulari talde profesionalak aldaketa estrategiko bat iragarri du, eta bere egiturari eta irudiari eragingo die, errepideetako tentsioak eta protestek markatutako urte baten ostean.