Oier Lazkano: "Ez dut inoiz dopatzeko substantziarik erabili"
Oier Lazkano txirrindulari gasteiztarrak ohar publiko baten bidez adierazi duenez, ez du inoiz "dopatzeko substantziarik edo debekatutako metodorik erabili".
Nazioarteko Txirrindularitza Federazioak (UCI) Red Bull-BORA taldeko euskal txirrindularia zigortu berri du, behin-behinean, pasaporte biologikoan "ez azaldutako anomaliak" izateagatik. Nazioarteko Txirrindularitza Federazioak ostegunean zehaztu zuen anomalia horiek 2022an, 2023an eta 2024an atzeman zituztela.
Igande honetan, berriz, Lazkanok ondorengoa adierazi du publikatutako oharrean: "2025eko urriaren 30ean Nazioarteko Txirrindularitza Federazioaren (UCI) jakinarazpen ofizial bat jaso nuen. Gauza bat argi utzi nahi dut: ez dut inoiz dopatzeko substantziarik edo debekatutako metodorik erabili". "Beti errespetatu ditut txirrindularitzaren arauak eta kirol garbiaren funtsezko balioak. Nire ibilbidea, esfortzuz eta dedikazioz eraikia, zintzotasunean, osotasunean eta eguneroko lanean oinarritzen da", azaldu du arabarrak, eta hauxe gaineratu du: "Kirolari garbia eta pertsona osoa naiz".
"Nire izen ona defendatuko dut, eta behar dudan guztia egingo dut nire erabateko errugabetasuna eta legez kanpoko edozein jokabiderekin zerikusirik ez dudala frogatzeko", erantsi du. "Nire talde mediko-legalari agindu diot nire eskubideak babesteko eta nire osotasuna erakusteko beharrezkoak diren ekintza guztiak har ditzala, aurreikusitako prozedurak erabat errespetatuz. Konfiantza dut egian eta kirol-justizian", iragarri du Lazkanok, eta eskerrak eman dizkie une honetan babesa ematen diotenei.
"Nire izena eta duintasun profesionala defendatzen jarraituko dut, erabakitasunez eta gardentasunez", azpimarratu du.
Zure interesekoa izan daiteke
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
Euskadi Fundazioak hamalau txirrindulari izanen ditu 2026 denboraldian
Euskadi Fundazioko formakuntza taldeak, Euskaltel-Euskadiren filiala dena, zazpi txirrindulariren gehitzea iragarri du astelehen honetan
Jasotako aukerengatik eskertuta, Red Bull-Boraren eskutik goi mailara jauzi egiteko prest da Haimar Etxeberria
Bere managerrak gonbidatuta, Haimar Etxeberria astebeteko egonaldia egiten ari da Kanaria Handian. Pogacar, Sivakov edota Philipsen bezalakoekin entrenatzen ari da egunotan. Hemendik aurrera, izen handi horiek ohiko aurkari izango ditu.
Caja Rural-Seguros RGAk Fernando Gaviria fitxatu du 2026ko denboraldirako
Horrela, Nafarroako taldeak bere ibilbidean zehar Frantziako Tourreko bi etapa garaipen eta Italiako Giroko bost dituen txirrindulari bat fitxatu du. Gaviria, 31 urtekoa bera, Movistar taldetik ailegatu da Caja Rural-Seguros RGAra.
Ken Pharmak sei txirrindularik taldea utziko dutela iragarri du
Pau Miquel, Jose Felix Parra, Unai Aznar, Miguel Angel Fernandez, Kiko Galvan eta Haimar Etxeberria dira; azken hori Red Bull-BORAn arituko da.
NSN enpresak Israel Premier Techen lekua hartuko du txirrindularitza profesionalean
Never Say Never Andres Iniesta futbolari ohiak eta Stoneweg enpresak fundatu dute. Stoneweg inbertsio plataforma hispaniar-suitzarra da, eta dagoeneko akziodun berria da.
Joao Almeida 2025eko Euskal Herriko Itzuliaren irabazleak UAErekin berritu du, 2028ra arte
Horrela, Espainako Vueltan bigarren postuan amaitu zuen Almeidak Tadej Pogacarren taldean jarraituko du hurrengo hiru denboraldietan, gutxienez.
2026ko Itzulia Bergaran amaituko da, Gorla, Asentzio eta Azkarate mendateak bi aldiz igo ondoren
Txirrindulariek, beraz, apirilean azken etapa gogorra gainditu beharko dute, ohikoa baino gogorragoa. Antzuolatik abiatu eta Bergarako hirigunean bukatuko da, 2004tik etapa amaierarik ez zuen herrian.
Kern Pharmak Jose Maria Martin fitxatu du, 2027ra arte
Andaluziarrak, hamaika garaipen lortu ditu afizionatuetan, 2025eko denboraldian: "2026an, txirrindulari eta pertsona moduan aurrepauso handia ematea espero dut; taldeari lagundu, hobetzen jarraitu, eta noraino ailegatzen ahal naizen ezagutu".
Laboral Kutxa Euskadik Sara Fiorin esprinter italiarra fitxatu du
Txirrindulari italiarra Ceratizit taldetik dator, eta talde moreak sasoi berrirako egin duen bosgarren fitxaketa da.