Euskaltel-Euskadi, Caja Rural, Kern Pharma eta Gorka eta Ion Izagirre anaiak, Murtziako Itzulian, larunbatean
Euskaltel-Euskadi, Caja Rural eta Kern Pharma taldeak eta UCI WorldTourreko zenbait euskal txirrindulari Murtziako Itzuliak argitaratutako parte-hartzaileen behin-behineko zerrendan daude. Lasterketa larunbatean jokatuko dute, hilaren 11n, 194,7 kilometroko ibilbidean, etapa bakarrean, eta, maila goreneko taldeei dagokienez, euskal txirrindulari hauek izango dira bertan: Ion eta Gorka Izagirre anaiak (Cofidis eta Movistar, hurrenez hurren), Jonathan Lastra (Cofidis) eta Oier Lazkano (Movistar).
43. aldiz egingo dute Murtziako Itzulia. Txirrindulariak San Javier udalerritik irtengo dira, eta helmuga Cartagenan izango dute. Hiru mendate gainditu beharko dituzte: Cesta de Gallo, hirugarren mailakoa bera, 39. kilometroan; maila bereziko Collado Bermejo, aurtengo Marco Pantani gaina, 106. kilometroan; eta El Cedacero hirugarren mailako mendatea 177. kilometroan, alegia, helmugarako 17 kilometrora. Helmuga Torres Parkean amaituko da, kilometro bateko baino gehiagoko igoera batekin; bertan, % 15erainoko aldapak izango dira.
Murtziako Itzuliak, halaber, hiru tarteko helmuga izango ditu. Guztira, 21 talde arituko dira, eta horietako bederatzik UCI WorldTeam maila dute.
2022an, UAE Team Emirates Alessandro Covi izan zen garaile; larunbatean berriro ere irabazten saiatuko da txirrindulari italiarra. 2021ean, aldiz, Euskaltel-Euskadiko Antonio Jesus Soto txirrindulari murtziarrak lortu zuen garaipena; Soto ere irtengo da larunbatean, arrakasta hori errepikatzeko asmoz.
Hona hemen 2023ko Murtziako Itzuliaren profila:
Zure interesekoa izan daiteke
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
Euskadi Fundazioak hamalau txirrindulari izanen ditu 2026 denboraldian
Euskadi Fundazioko formakuntza taldeak, Euskaltel-Euskadiren filiala dena, zazpi txirrindulariren gehitzea iragarri du astelehen honetan
Jasotako aukerengatik eskertuta, Red Bull-Boraren eskutik goi mailara jauzi egiteko prest da Haimar Etxeberria
Bere managerrak gonbidatuta, Haimar Etxeberria astebeteko egonaldia egiten ari da Kanaria Handian. Pogacar, Sivakov edota Philipsen bezalakoekin entrenatzen ari da egunotan. Hemendik aurrera, izen handi horiek ohiko aurkari izango ditu.
Caja Rural-Seguros RGAk Fernando Gaviria fitxatu du 2026ko denboraldirako
Horrela, Nafarroako taldeak bere ibilbidean zehar Frantziako Tourreko bi etapa garaipen eta Italiako Giroko bost dituen txirrindulari bat fitxatu du. Gaviria, 31 urtekoa bera, Movistar taldetik ailegatu da Caja Rural-Seguros RGAra.
Ken Pharmak sei txirrindularik taldea utziko dutela iragarri du
Pau Miquel, Jose Felix Parra, Unai Aznar, Miguel Angel Fernandez, Kiko Galvan eta Haimar Etxeberria dira; azken hori Red Bull-BORAn arituko da.
NSN enpresak Israel Premier Techen lekua hartuko du txirrindularitza profesionalean
Never Say Never Andres Iniesta futbolari ohiak eta Stoneweg enpresak fundatu dute. Stoneweg inbertsio plataforma hispaniar-suitzarra da, eta dagoeneko akziodun berria da.
Joao Almeida 2025eko Euskal Herriko Itzuliaren irabazleak UAErekin berritu du, 2028ra arte
Horrela, Espainako Vueltan bigarren postuan amaitu zuen Almeidak Tadej Pogacarren taldean jarraituko du hurrengo hiru denboraldietan, gutxienez.
2026ko Itzulia Bergaran amaituko da, Gorla, Asentzio eta Azkarate mendateak bi aldiz igo ondoren
Txirrindulariek, beraz, apirilean azken etapa gogorra gainditu beharko dute, ohikoa baino gogorragoa. Antzuolatik abiatu eta Bergarako hirigunean bukatuko da, 2004tik etapa amaierarik ez zuen herrian.
Kern Pharmak Jose Maria Martin fitxatu du, 2027ra arte
Andaluziarrak, hamaika garaipen lortu ditu afizionatuetan, 2025eko denboraldian: "2026an, txirrindulari eta pertsona moduan aurrepauso handia ematea espero dut; taldeari lagundu, hobetzen jarraitu, eta noraino ailegatzen ahal naizen ezagutu".
Laboral Kutxa Euskadik Sara Fiorin esprinter italiarra fitxatu du
Txirrindulari italiarra Ceratizit taldetik dator, eta talde moreak sasoi berrirako egin duen bosgarren fitxaketa da.