Esteban Chaves, Kolonbiako errepideko txapeldun Martinezen eta Quintanaren aurretik
Esteban Chaves (EF Education-Easypost) kolonbiarrak bereganatu du Kolonbiako errepideko txapelketa igande honetan, 237 kilometroko ibilbidean nagusituta. Education Firsteko txirrindulariak etekina atera dio lasterketa amaitzeko 8 kilometro falta zirela jotako eraso bortitz bati.
Daniel Martinezek (Ineos) (zilarrezko domina) eta Nairo Quintanak (brontzezko domina) bete dituzte podiumeko gainerako bi tokiak.
"Egia bihurtu den ametsa da", esan du Chavesek, eta bere ibilbide profesionalak une zailak izan dituela gogorarazi du; izan ere, goi-mailako txirrindularitza uztetik gertu egon zen, istripu larri baten ondorioz. Hala, 2013ko otsailaren 16an, Italiako Laigueglia Trofeoko etapa batean, Colombia es Pasión taldean korritzen ari zela, Chavesek bere bizikletaren kontrola galdu zuen jaitsiera batean, eta zirkulazio-seinale bat jo zuen.
Sergio Higuita (Bora) handiaren lekukoa hartu du aurten Chavesek proba horren palmaresean.
LASTERKETA
Lehen kilometroetan, Fabio Duarte (Team Medellín-EPM), Brayan Hernandez (Colombia Pacto por el Deporte), German Chaves (Sistecrédito), Nestor Rueda (Liga de Cundinamarca) eta Diego Ochoa (EPM) ahalegindu ziren tropelaren kontrol zorrotza gainditzen, baina harrapatu egin zituzten.
Geroago, Einer Rubio (Movistar), Sebastian Castaño (Orgullo Paisa) eta Esneider Baez ere saiatu ziren, baina tropelak horiei ere ez zien ihes egiteko baimenik eman.
Lasterketa bukatzeko 20 kilometroren faltan, Brandon Rivera eta Daniel Martinez (Ineos), Chaves (EF Educación- EasyPost), Miguel Angel "Superman" Lopez (Team Medellin), Quintana, Higuita eta Didier Merchán (Shimano-Sidermec) geratu ziren lasterketaren buruan.
Chavesek tartea ireki zuen azken 8 kilometroetan, eta lehen postuan helmugaratu zen. Irabazlearen atzetik, bigarren postuaren lehian, Martinezek Quintana menderatu zuen bien arteko buruz burukoan, eta horiek osatu zuten podiuma.
Atzokoa Quintanak aurten jokatutako lehen lasterketa izan zen. 2022an, Frantziako Tourretik deskalifikatu zuten (seigarren postuan amaitu zuen), tramadola erabiltzeagatik.
Eskalatzaile kolonbiarrak helegitea jarri zuen Txirrindularitzaren Nazioarteko Batasunak (UCI) ezarritako erabakiaren aurka, baina Kirol Arbitrajeko Auzitegiak (TAS) atzera bota zuen errekurtsoa, eta ezin izan du talderik aurkitu, baina kirolariak esan du ez duela txirrindularitza uzteko asmorik.
Zure interesekoa izan daiteke
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
Euskadi Fundazioak hamalau txirrindulari izanen ditu 2026 denboraldian
Euskadi Fundazioko formakuntza taldeak, Euskaltel-Euskadiren filiala dena, zazpi txirrindulariren gehitzea iragarri du astelehen honetan
Jasotako aukerengatik eskertuta, Red Bull-Boraren eskutik goi mailara jauzi egiteko prest da Haimar Etxeberria
Bere managerrak gonbidatuta, Haimar Etxeberria astebeteko egonaldia egiten ari da Kanaria Handian. Pogacar, Sivakov edota Philipsen bezalakoekin entrenatzen ari da egunotan. Hemendik aurrera, izen handi horiek ohiko aurkari izango ditu.
Caja Rural-Seguros RGAk Fernando Gaviria fitxatu du 2026ko denboraldirako
Horrela, Nafarroako taldeak bere ibilbidean zehar Frantziako Tourreko bi etapa garaipen eta Italiako Giroko bost dituen txirrindulari bat fitxatu du. Gaviria, 31 urtekoa bera, Movistar taldetik ailegatu da Caja Rural-Seguros RGAra.
Ken Pharmak sei txirrindularik taldea utziko dutela iragarri du
Pau Miquel, Jose Felix Parra, Unai Aznar, Miguel Angel Fernandez, Kiko Galvan eta Haimar Etxeberria dira; azken hori Red Bull-BORAn arituko da.
NSN enpresak Israel Premier Techen lekua hartuko du txirrindularitza profesionalean
Never Say Never Andres Iniesta futbolari ohiak eta Stoneweg enpresak fundatu dute. Stoneweg inbertsio plataforma hispaniar-suitzarra da, eta dagoeneko akziodun berria da.
Joao Almeida 2025eko Euskal Herriko Itzuliaren irabazleak UAErekin berritu du, 2028ra arte
Horrela, Espainako Vueltan bigarren postuan amaitu zuen Almeidak Tadej Pogacarren taldean jarraituko du hurrengo hiru denboraldietan, gutxienez.
2026ko Itzulia Bergaran amaituko da, Gorla, Asentzio eta Azkarate mendateak bi aldiz igo ondoren
Txirrindulariek, beraz, apirilean azken etapa gogorra gainditu beharko dute, ohikoa baino gogorragoa. Antzuolatik abiatu eta Bergarako hirigunean bukatuko da, 2004tik etapa amaierarik ez zuen herrian.
Kern Pharmak Jose Maria Martin fitxatu du, 2027ra arte
Andaluziarrak, hamaika garaipen lortu ditu afizionatuetan, 2025eko denboraldian: "2026an, txirrindulari eta pertsona moduan aurrepauso handia ematea espero dut; taldeari lagundu, hobetzen jarraitu, eta noraino ailegatzen ahal naizen ezagutu".
Laboral Kutxa Euskadik Sara Fiorin esprinter italiarra fitxatu du
Txirrindulari italiarra Ceratizit taldetik dator, eta talde moreak sasoi berrirako egin duen bosgarren fitxaketa da.