Remco Evenepoel gazteak irabazi du Lieja-Bastogne-Lieja lasterketa
Remco Evenepoel gazteak (Quick Step) lehen aldiz irabazi du Lieja-Bastogne-Lieja lasterketa, klasikoen artean zaharrena.
22 urteko txirrindulariak 6 ordu, 12 minutu eta 38 segundo behar izan ditu ibilbideko 257,2 kilometroak egiteko. Evenepoelek erasoa jo du helmugarako 28 kilometrora, La Redoute mendatean gora, eta 48 segundoko aldearekin helmugaratu da, bera bakarrik. Ondoren taldetxo bat sartu da, eta bertan izan dira Quinten Hermans (Intenarché-Wanty), bigarren, eta Wout Van Aert (Jumbo Visma) hirugarren.
Julian Alaphilippe faborito nagusietako batek lasterketa utzi behar izan du, 60. kilometroan izandako eroriko handian min hartu ostean.
Alejandro Valverdek, aldiz, zazpigarren egin du, irabazlearengandik 48 segundora. Murtziarrak bosgarren garaipena lortzea zuen helburu, Eddy Merckxen marka historikoa berdintzeko, 2006an, 2008an, 2015ean eta 2017an gailendu ostean.
Euskaldunen artean, Ion Izagirre izan da onena, 27. postuan.
SAILKAPENA
1-. EVENEPOEL Remco Quick-Step Alpha Vinyl Team 6:12:38
2-. HERMANS Quinten Intermarché - Wanty - Gobert Matériaux +0:48
3-. VAN AERT Wout Jumbo-Visma +0:48
4-. MARTÍNEZ Daniel Felipe INEOS Grenadiers +0:48
5-. HIGUITA Sergio BORA - hansgrohe +0:48
6-. TEUNS Dylan Bahrain - Victorious +0:48
7-. VALVERDE Alejandro Movistar Team +0:48
8-. POWLESS Neilson EF Education-EasyPost +0:48
9-. HIRSCHI Marc UAE Team Emirates +0:48
10-. WOODS Michael Israel - Premier Tech +0:48
Zure interesekoa izan daiteke
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
Euskadi Fundazioak hamalau txirrindulari izanen ditu 2026 denboraldian
Euskadi Fundazioko formakuntza taldeak, Euskaltel-Euskadiren filiala dena, zazpi txirrindulariren gehitzea iragarri du astelehen honetan
Jasotako aukerengatik eskertuta, Red Bull-Boraren eskutik goi mailara jauzi egiteko prest da Haimar Etxeberria
Bere managerrak gonbidatuta, Haimar Etxeberria astebeteko egonaldia egiten ari da Kanaria Handian. Pogacar, Sivakov edota Philipsen bezalakoekin entrenatzen ari da egunotan. Hemendik aurrera, izen handi horiek ohiko aurkari izango ditu.
Caja Rural-Seguros RGAk Fernando Gaviria fitxatu du 2026ko denboraldirako
Horrela, Nafarroako taldeak bere ibilbidean zehar Frantziako Tourreko bi etapa garaipen eta Italiako Giroko bost dituen txirrindulari bat fitxatu du. Gaviria, 31 urtekoa bera, Movistar taldetik ailegatu da Caja Rural-Seguros RGAra.
Ken Pharmak sei txirrindularik taldea utziko dutela iragarri du
Pau Miquel, Jose Felix Parra, Unai Aznar, Miguel Angel Fernandez, Kiko Galvan eta Haimar Etxeberria dira; azken hori Red Bull-BORAn arituko da.
NSN enpresak Israel Premier Techen lekua hartuko du txirrindularitza profesionalean
Never Say Never Andres Iniesta futbolari ohiak eta Stoneweg enpresak fundatu dute. Stoneweg inbertsio plataforma hispaniar-suitzarra da, eta dagoeneko akziodun berria da.
Joao Almeida 2025eko Euskal Herriko Itzuliaren irabazleak UAErekin berritu du, 2028ra arte
Horrela, Espainako Vueltan bigarren postuan amaitu zuen Almeidak Tadej Pogacarren taldean jarraituko du hurrengo hiru denboraldietan, gutxienez.
2026ko Itzulia Bergaran amaituko da, Gorla, Asentzio eta Azkarate mendateak bi aldiz igo ondoren
Txirrindulariek, beraz, apirilean azken etapa gogorra gainditu beharko dute, ohikoa baino gogorragoa. Antzuolatik abiatu eta Bergarako hirigunean bukatuko da, 2004tik etapa amaierarik ez zuen herrian.
Kern Pharmak Jose Maria Martin fitxatu du, 2027ra arte
Andaluziarrak, hamaika garaipen lortu ditu afizionatuetan, 2025eko denboraldian: "2026an, txirrindulari eta pertsona moduan aurrepauso handia ematea espero dut; taldeari lagundu, hobetzen jarraitu, eta noraino ailegatzen ahal naizen ezagutu".
Laboral Kutxa Euskadik Sara Fiorin esprinter italiarra fitxatu du
Txirrindulari italiarra Ceratizit taldetik dator, eta talde moreak sasoi berrirako egin duen bosgarren fitxaketa da.