Euskadi Fundazioaren emakumeen taldea Kontinentala izango da
Laboral Kutxa, Euskadi Fundazioaren emakumeen taldea, Kontinentala izango da 2021ean hasiko den denboraldian. Nazioarteko bigarren maila da eta bertan izango da datorren urtean Mikel Landa presidente duen taldea.
Buruan, kirol-zuzendari moduan, Ion Lazkano egongo da. 2016an Lointek eta azken hiru urteetan afizionatuen Fulen zuzendu eta gero bere estreinaldia izango da Kontinental mailan. Nabarmentzekoa da taldera heldu den txirrindulari bat, Tania Calvo. Pistan hiru domina ditu Europa mailan eta Olinpiar Jokoetan parte hartu du gasteiztarrak.
Taldean jarraituko duten emakumeak: Paula Suarez, Ainhize Barrainkua, Nekane Gomez, Elena Cuenca eta Uxue Albizu.
Txirrindulari gazte berriak: Eukene Larrarte, Idoia Eraso, Irantzu Beloki, Garazi Estebez, Usoa Ostolaza eta Xubane Garai.
Mikel Landarentzat oso positiboa da maila aldaketa eta Laboral Kutxari , Orbeari eta Skoda Menabiri eskerrak eman nahi izan dizkie bere babesagatik; beste alde batetik, Lazkanok, etxean jokatu beharreko Itzulia eta Durango-Durango lasterketak izango direla jomuga iragarri du, baina nazioarteko WorldTourreko egutegiko lasterketak ere prestatuko dituztela.
Zure interesekoa izan daiteke
Pogacarrek irabazi du lehen etapa Martignyn eta liderraren elastikoa jantzi du
Pogacarrek erasoa jo du Ovronnaz lehen mailako mendatean. Helmugara beste hiru txirrindularirekin batera iritsi da, Lipowitz, Martinez eta Nordhagenekin, eta azkarrena izan da esprintean.
Dorian Godon frantziarrak irabazi du atariko etapa, eta lehen liderra da
Ineos Grenadier taldeko txirrindulari frantziarrak hiru kilometro pasatxoko ibilbidean 6 segundo sartu dizkie Ivo Oliveira portugaldarrari (UAE) eta Jakob Soderqvist suediarrari (Lidl-Trek), bigarren eta hirugarren, hurrenez hurren.
2026ko Italiako Giroko etapa guztien profilak eta ibilbideak
109. Italiako Giroa maiatzaren 8tik hilaren 31ra bitartean jokatuko dute, eta Nessebarren hasiko da, Bulgarian, eta Erroman amaitu. Lasterketa kirolakeitb.eus-en eta ETBn izango da ikusgai.
Hauek dira Itzulia Women 2026 lasterketaren irteeran izango diren 19 taldeak
Hamahiru talde UCI Women’s WorldTeam kategoriakoak izango dira, eta sei, UCI Women’s ProTeam kategoriakoak.
Mikel Landa ez da 2026ko Italiako Giroan arituko
Soudal Quick-Step taldeak iragarri duenez, euskal txirrindulariak haustura txikia du pelbisean, Itzulian izandako erorikoaren ondorioz. Giroa maiatzaren 8an hasiko da, eta UAEko Joao Almeida ere ez da lasterketan izango.
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.
Italiako Giroa, maiatzaren 8tik 31ra, EITBn
2026ko Italiako Giroak maiatzaren 8an, ostirala, ekingo dio edizio berriari. Aurten ere, lasterketa EITBn jarraitu ahal izango da zuzenean.
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Itzulia Women lasterketaren ibilbidea aurkeztu dute
Maiatzaren 15etik 17ra egingo da 2026ko Itzulia Women Lasterketa. 3 etapa izango ditu, lehenengoa Zarautzen hasi eta amaituko da; bigarrena Abadiño eta Amorebieta artean; hirugarrena, berriz, Donostian egingo da. Datozen egunetan emangio dute taldeen berri.