De Gendtek irabazi du etapa nagusia; Quintana, sailkapeneko lider
Thomas De Gendt belgikarrak (Lotto-Soudal) irabazi du Kataluniako Voltako 4. etapa, aurtengo edizioko nagusia. Txirrindulariek 172,2 kilometro egin dituzte Bagà eta Port Ainé artean.
Nairo Quintanak (Movistar) bigarren egin du eta bera da orain sailkapen nagusiko lider berria. Alberto Contador izan da kolonbiarraren erasoari eutsi dion bakarra.
Etapa gogorra izan da. Hasi eta berahala Cadiko Tunela ugo behar izan dute, 3. mailakoa, eta, ondoren, Port de Cantó (kategoria berezikoa), Alt d’Enviny (lehen mailakoa) eta Port Ainé (kategoria berezikoa). Helmuga azken horretan kokatuta egon da.
Pieter Weening (Rompot) herbeherearra etapa irabazteko saiatu da baina Thomas De Gendtek azken kilometroetan harrapatu eta atzean utzi du. Lotto-Soudal taldeko belgikarrak Port Ainén gora egin du eta bera izan da lehena helmugan sartzen.
Nairo, indartsu
Sailkapen nagusiko lehian, Nairo Quintana izan da indartsuena Port Ainén. Mendate gogorra izan da ibilbideko azkena; 17kilometroko igoera, % 12ra arteko maldekin.
Kolonbiarrak azken kilometroetan erasoa jo eta aurkariak atzean uztea lortu du. Hiru etapa falta dira Volta amaitzeko, baina liderraren maillota nekez kenduko diote Movistar taldekoari.
Zure interesekoa izan daiteke
Yuliia Biriukovak (Laboral Kutxa) bigarren postu bikaina lortu du San Salvadorko Sari Nagusian
Francesca Hall (Roland Cogeas Cycling) britainiarra nagusitu da azken igoeran, baina Laboral Kutxako txirrindulariak erritmo altuari eutsi dio bigarren postua lortzeko, segundo gutxi batzuk geroago helmugaratuta.
2026ko Itzuliko etapa bat Basaurin hasi eta amaituko da
Basauriko Udalak eta OCETAk hitzarmena sinatu dute, udalerria hurrengo edizioko etapa bateko egoitza izan dadin.
Paula Patiño Laboral Kutxa-Euskadi taldeko txirrindulariak irabazi du El Salvadorreko Tourra
Asteazken honetan korritu da lasterketako azken etapa, Santa Anan. 96 kilometroko ibilbidean, euskal taldeak kontrolpean izan du lasterketa, eta, azkenean, sailkapen nagusiko saria eskuratu du txirrindulari kolonbiarraren bidez.
Caja Rural-Seguros RGA taldeak ilusioz aurkeztu du denboraldi berria
Nafarroako taldea 25 talde onenen artean geratu zen iaz eta horrek jauzi handia egiteko aukera eman dio denboraldia planifikatzerako orduan. Pro team mailako lasterketa guztietan parte hartzeko aukera izanen du.
Catalina Soto Laboral Kutxa-Euskadi taldeko txirrindulariak irabazi du El Salvadorreko Tourreko hirugarren etapa
Euskal taldearen hirugarren garaipena da lasterketan, Sotok berak atariko etapa bereganatu baitzuen, eta Marjolein Vant Geloof Herbeheretako txirrindulariak, aurreneko etapa.
Euskaltel Euskadik denboraldiko proiektua aurkeztu du
Talde laranja gogotsu ageri da deboraldi berriari begira. Harrobiaren aldeko apustua egin dute, eta lehen 30en artean sartzea dute helburu. Hogei txirrindulariko taldeak, ostiralean jokatuko du lehen proba, Morvedre Sari Nagusia, Castellón.
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.
Catalina Soto Laboral Kutxa-Euskadi taldeko txirrindulariak irabazi du El Salvadorko Tourraren atarikoa
Txirrindulari gaztea San Salvadorko erdigune historikoan korritutako 2,7 kilometroko ibilbidean nagusitu da, 3 minutu eta 48 segundoko denbora eginda, eta taldearen lehen garaipena lortu du UCIren lasterketa batean.
Britainia Handian hasiko dira 2027ko gizonezkoen eta emakumezkoen Frantziako Tourrak
2027ko Frantziako Tourra Britainia Handian hasiko da, gizonezkoetan zein emakumezkoetan. Tropelak Eskozia, Ingalaterra eta Gales zeharkatuko ditu gizonezkoen kasuan, eta Ingalaterra emakumezkoen proban.
Laboral Kutxa, denboraldi berriari heltzeko gogoz
Laboral Kutxa txirrindularitza taldea Altean egon da egunotan. Laster hasiko dute aurtengo denboraldia, eta iaz burututakoaren ondoren, gogotsu daude aurtengorako.