Lucas Fernandez izango da Lointek Gernikako entrenatzailea 2023-24 denboraldian
Lucas Fernandez izango da Lointek Gernika Bizkaia taldeko entrenatzailea 2023-24 denboraldian, ostegunean Bizkaiko klubak iragarri duenez. Lointek Gernikak, bere web orrian, nabarmendu du Lucas Fernandezek esperientzia duela Endesa Ligan, Zamarat eta Jairis taldeak zuzendu baitzituen, eta lau denboraldi eman zituela Lointek Gernikan.
Fernandez izan da Lointek Gernikako entrenatzailea bere talde berriak denboraldiaurrean jokatutako bi neurketetan, Zaragozan eta Mont de Marsanen. Esan duenez, "oso eskertuta" dago Mario Lopez Lointek Gernikako kirol arduradunarekin eta klubarekin, "berriro ere nigan konfiantza jartzeagatik, proiektu berri honetara batzeko. Gernikan etxean moduan sentitzen naiz, eta niretzat erronka ederra da taldearen ardura hartzea eta jarritako konfiantza itzultzea. Era berean, ilusio eta erantzukizun handia dut", adierazi du, Bizkaiko klubak jasotako adierazpenetan.
Gernika-Lumoko taldeko entrenatzaile berriaren eta Lointek Gernika Bizkaiaren arteko aurreko kontratua 2022ko otsailean eten zuten; izan ere, entrenatzaile laguntzaile gisa aritu zen klubean, Mario Lopezek zuzendutako teknikarien taldean.
Lointek Gernikak Euskal Kopa jokatuko du asteburuan Kutxabank Araskirekin eta IDK Euskotrenekin batera, eta irailaren 23an hasiko du Endesa Liga, Malosten, Ensino aurkari.
Zure interesekoa izan daiteke
Lointek Gernikak lehen fasean bere borreroa izan zen Pecs garaitu du kanporaketako lehen partidan (62-43)
Bizkaitarrek aise irabazi dute kanporaketako lehen neurketa, datorren asteazkenean Hungariako Lauber Dezso Sport Hall kantxan jokatuko den itzulerako norgehiagokarako 19 puntuko abantaila lortuz.
Lointek Gernikak Universitas Pecsen aurka jokatuko du Eurokopako play-offeko lehen kanporaketan
Lucas Fernandezen taldeak etxean jokatuko du joaneko partida, Malosten, abenduaren 11n, eta itzuliko neurketa, Pecsen, abenduaren 18an izango da. Lointek Gernikak eta Universitas Pecs bi aldiz aritu dira nor baino nor gehiago, fase erregularrean.
Lointek Gernikak sufritu eta galdu egin du Ramlaren aurka, baina averageari eutsi dio eta bigarren sailkatu da
Lucas Fernandezek zuzentzen duen taldea atzetik izan da markagailuan ia norgehiagoka osoan zehar eta une batzuetan abantaila galtzetik gertu egon da, baina azkenean bere sailkapena ziurtatzeko adina hurbildu da.
Lointek Gernikak aurreneko kolpea eman du Sofian eta Elitzur Ramlari irabazi dio lehen neurketan (65-81)
Talde bizkaitarra atzetik joan da markagailuan lehen laurdenaren amaieran, baina gainerako partzialetan nagusi izan da sailkapenaren helburuan lehen urratsa emateko.
Gernika KESB taldeak Sofian jokatuko ditu Elitzur Ramlaren aurkako Europako bi partidak
Bizkaiko taldeak adierazi duenez, Bulgarian jokatuko ditu, ateak itxita, Israelgo taldearen aurkako EuroCup Women ligako neurketak.
Lointek Gernikak ezin izan du Universitas Pecsen aurka, Malosten (63-66)
Oso berdinduta izan den partidan, bi taldeek izan dute irabazteko aukera, baina, azkenean, Lucas Fernandezen jokalariek ezin izan dute mendean hartu C multzoko liderra.
Lointek Gernikak azken laurdenean erabaki du partida Portugalen
Lucas Fernadezen taldeak Eurokopako lehen fase honetako bigarren garaipena eskuratu du, sasoiko lehena etxetik kanpo.
Lointek Gernika Bizkaiak Sara Krnjic pibot serbiarra fitxatu du
193 zentimetroko altuera duen Krnjicek Serbiako ligan hasi du denboraldia, baina azkenengo urteak Hungariako ligan eman ditu.
Lointek Gernikak azken hatsean galdu du NKA Pécsen aurka (62-60)
Azken segundoan egindako saskiratzeak zapuztu du euskal taldearen garaipena, Hungarian, emozioz beteriko amaiera batean.
Lointek Gernikak nagusitasunez hasi du Eurokopa Uniao Sportivaren aurka (82-61)
Bizkaiko taldeak sekulako debuta sinatu du Malosten, eta hasieratik amaierara arte menderatu du Portugaleko taldea.