Lointek Gernikari zaildu egin zaio Eurokopako hurrengo faserako sailkapena La Roche Vendeeren aurka galduta
Lointek Gernika Bizkaiak galdu egin du La Roche Vendeeren aurka (75-58) asteazken honetan Frantzian jokatu duen Eurokopako multzoen faseko bosgarren jardunaldiko partida. Porrotak zaildu egin dio hurrengo faserako sailkapena.
La Roche Vendeek bostetik bost neurketa ditu irabazita eta H multzoko liderra da. Lointek Gernika bigarren da, momentuz, bi garaipen eta hiru porrot erdietsita. Euskal taldeak atzetik ditu ostegunean elkarren auka jokatuko duten eta garaipen banarekin dauden Virtus Bolonia eta Flammes Carolo, baina bietako batek irabazi egingo duenez, Gernika-Lumoko taldearekin berdinduko du.
Aukera gutxi eman dizkio La Roche Vendeek Lointek Gernika Bizkaiari. Frantziako taldeak bikain ekin dio norgehiagokari (8-0), baina Lointek Gernikak desabantaila murriztea lortu du (12-9). Lehen laurdenaren azken txanpan etxeko taldea izan da nagusi, eta bost puntuko abantailarekin amaitu ditu lehen hamar minutuak (19-14).
Mario Lopezek zuzentzen duen taldeak hasiera ona eman dio bigarren laurdenari, partida berdinduta (19-19) eta markagailuan aurrea hartuta (19-21). Ondoren, ordea, La Roche Vendee nagusi izan da, eta zuloa ireki du markagailuan; neurketako 15. minutuan zazpi puntuko errenta hartu du etxeko taldeak (28-21), eta partida La Roche Vendeeren aldeko 37-23ko emaitzarekin iritsi da atsedenaldira.
Atsedenalditik kantxara itzuli ostean, norgehiagokaren gidoia ez da aldatu. Frantziako taldea izan da nagusi, eta Lointek Gernika ezinean ibili da. La Roche Vendeek lehen bi laurdenetan lortu duen abantaila handitu du hirugarren laurdenean (58-35).
Gernika-Lumoko taldea saiatu da emaitza txukuntzen azken hamar minutuetan, baina aurkariak ez dio aukerarik eman, eta neurketa La Roche Vendeek irabazi du, 75-58ko emaitzarekin.
Fitxa teknikoa:
75 - La Roche Vendee (19+18+21+17): Ana Suarez (4), Bankole (15), Kaleena Lewis (11), Kone (10) eta Clarke (20) -hasierako taldea-; Franchelin (3), Pedroso, Preneau (4) Monpierre (2) eta Mbu (6).
58 - Lointek Gernika Bizkaia (14+9+12+23): Roselis Silva, Bjorklund (2), Arrojo (16), Brcaninovic (13) eta Tinara Moore (10) -hasierako taldea-; Ariztimuño (5), Buch eta Ginzo (12).
Epaileak: Jean-Philippe Herbert (Kanada), Franko Gracin (Kroazia) eta Polat Parlak (Bulgaria). Kanporaturik gabe.
Zure interesekoa izan daiteke
Lointek Gernikak agur esan dio Europari Villeneuven, partida estu baten ostean (83-81)
Lointek Gernika Bizkaia emakumezkoen Eurokopatik at geratu da final-zortzirenetako itzulerako partidan Villeneuve-d'Ascqen, egungo txapeldunaren pistan 83-81 galdu ostean.
Villeneuve d 'Ascqek nagusitasunez irabazi dio Lointek Gernikari (62-85)
Lointek Gernika Bizkaiak Emakumezkoen egungo txapeldunaren aurka jokatu du Eurokopako partida gogor batean. Joaneko partidan kanporaketa oso aldapa gora jarri zaio talde bizkaitarrari.
Aaronette Vonleh pibotak Lointek Gernikaren barneko jokoa indartuko du
Estatu Batuetako jokalaria Hozono Global Jairis taldetik dator, denboraldia amaitu arte.
Lointek Gernika nagusitu da 2025eko azken euskal derbian, IDK Euskotren 80-75 garaituta
Bizkaiko taldeak, atzetik aurrera eginda, partida irauli, eta mendean hartu du Gipuzkoakoa, Endesa Ligako 13. jardunaldiko partidan.
Lointek Gernikak Villeneuve d 'Ascq txapeldunaren aurka neurtuko ditu indarrak final-zortzirenetan
Frantziako taldea egungo txapelduna eta berriro irabazteko hautagai nagusia da. Joaneko partida urtarrilaren 15ean jokatuko da, ostegunean, Malosten, eta itzulikoa 22an, ostegunean, Frantzian.
Lointek Gernika 19 puntuko errenta galtzeko zorian izan da Pecsen aurka Hungarian, baina sailkatzea lortu du, ozta-ozta
Lucas Fernandezen jokalariak markagailuan atzetik ibili dira partida osoan zehar, eta ikaragarri sufritu dute hurrengo faserako txartela lortzeko.
Lointek Gernikak lehen fasean bere borreroa izan zen Pecs garaitu du kanporaketako lehen partidan (62-43)
Bizkaitarrek aise irabazi dute kanporaketako lehen neurketa, datorren asteazkenean Hungariako Lauber Dezso Sport Hall kantxan jokatuko den itzulerako norgehiagokarako 19 puntuko abantaila lortuz.
Lointek Gernikak Universitas Pecsen aurka jokatuko du Eurokopako play-offeko lehen kanporaketan
Lucas Fernandezen taldeak etxean jokatuko du joaneko partida, Malosten, abenduaren 11n, eta itzuliko neurketa, Pecsen, abenduaren 18an izango da. Lointek Gernikak eta Universitas Pecs bi aldiz aritu dira nor baino nor gehiago, fase erregularrean.
Lointek Gernikak sufritu eta galdu egin du Ramlaren aurka, baina averageari eutsi dio eta bigarren sailkatu da
Lucas Fernandezek zuzentzen duen taldea atzetik izan da markagailuan ia norgehiagoka osoan zehar eta une batzuetan abantaila galtzetik gertu egon da, baina azkenean bere sailkapena ziurtatzeko adina hurbildu da.
Lointek Gernikak aurreneko kolpea eman du Sofian eta Elitzur Ramlari irabazi dio lehen neurketan (65-81)
Talde bizkaitarra atzetik joan da markagailuan lehen laurdenaren amaieran, baina gainerako partzialetan nagusi izan da sailkapenaren helburuan lehen urratsa emateko.